लूका 20:25 - Sunuwar Bible

²⁵ मिनु प्रभु येसुमी “मो हना पिप सिजर आ मार मार बाक्‍मे, मेको सिजर कली गेने। परमप्रभु यावे आ मार मार बाक्‍मे, मेको परमप्रभु यावे कली गेने” देंमाक्‍त। रोमी १३:१,७

लूका 20:25 ပူးပေါင်းရင်းမြစ်များ

हितोपदेस 24:21

आं तौ, परमप्रभु यावे नु पिप कली मान पा हिनो। मेको आस कली मटीब नु मगाक्‍को। १ पत्रुस २:१७

मत्ती 17:27

मोदेंशो बाक्‍त हना यो, मेको आन थुं नुपाइक्‍चा कली तिरो थाप्‍तस। गे समुन्‍द्रमी लशा, बोल्सी ग्‍यारशा, नेल्‍ल क्‍येङा ङोंइती रेश्‍शो ङांइ आ शोव़ पाक्‍को। आ शोव़ आगामी स्‍तातेर का थित्‍नेवे। मेको लाइश्‍शा, इस तिरो थाप्‍तो” दे माइश्‍शा सोइक्‍ताक्‍व। स्‍तातेर का ४ देनार बाक्‍ब। ग्रीक क्‍येट बाक्‍ब।

मत्ती 22:21

“सिजर आ नेंमी ख्रोइश्‍शो बाक्‍त, हजुर” देंतेक्‍म। मिनु येसुमी “लो मो हना, सिजर आ थोव़क सिजर कली गेने। परमप्रभु यावे आ थोव़क परमप्रभु यावे कली गेने” देंमेनु, रोमी १३:१,७

मर्कूस 12:17

मिनु येसुमी “सिजर आ मार मार बाक्‍मा, मेको सिजर कली गेने। परमप्रभु यावे आ मार मार बाक्‍मा, मेको परमप्रभु यावे कली गेने” दे माइक्‍मी बाक्‍त। मिनु नेल्‍ल छक लाक्‍मा बाक्‍त। रोमी १३:१७

लूका 20:24

“देनार का कोंइदीनी। एको सु का आ नेंमी ख्रोइश्‍शो बाक्‍मे?” देंमेनु “सिजर आ नेंमी ख्रोइश्‍शो बाक्‍त, हजुर” देंमा बाक्‍त। देनार का चांदी के क्‍येट बाक्‍त। मेको नाक्‍त का ङा गाल्‍च बाक्‍त।

प्रेरित 5:29

मिनु पत्रुस नु येसु आ सोइश्‍शो नेल्‍लेमी “गोपुकीमी मुर आन लोव़ क्‍येङा परमप्रभु यावे आ लोव़ टिचा, दे थुं फ्रेंताक्‍क। प्रेरित ४:१९; दानीएल ३:१७-१८

१ कोरिन्‍थी 10:31

मोपतीके मार जाइतीनी ब्‍वाइतीनी हना यो, तूतीनी हना यो, मार पाइतीनी हना यो परमप्रभु यावे कली ठेयब सेल्‍चा कली पने। कलस्‍सी ३:१७

१ पत्रुस 4:11

सुमी लोव़ पाइबा, मेकोमी परमप्रभु यावे आ ख्रुइश्‍शो लोव़ पवल। सुमी गेय पाइबा, मेकोमी परमप्रभु यावे आ गेशो सक्तिमी पवल। मोपा नेल्‍लेमी येसु ख्रीस्‍त आ नेंमी परमप्रभु यावे कली ठेयब सेल्‍मेक्‍ल। मेको छेङछेङमी बाक्‍शा, गेना हना यो सक्ति पाइश्‍शो बाक्‍ब। आमेन। रोमी १२:७