लूका 2:4 - Sunuwar Bible

⁴ योसेफ पिप दाऊद आ खिं ङा बाक्‍माक्‍त। पिप दाऊद आ खिं ङा मुर आन सोतीक बोतीक बेथलेहेम सहर बाक्‍माक्‍त। मोपतीके योसेफ आ मीश मरीयम कली लाइश्‍शा, गालील रागी ङा नासरथ सहर रे यहूदीया रागी ङा बेथलेहेम सहर लमाक्‍त।

लूका 2:4 ပူးပေါင်းရင်းမြစ်များ

उत्पत्ती 35:19

मिनु राहेल बेक्‍माक्‍त। मिनु एफ्राथ लतीक लांमी थिम्‍मे बाक्‍त। एफ्राथ बेथलेहेम सहरम बाक्‍ब। उत्‍पत्ती ४८:७; १सामुएल १०:२; येरमीया ३१:१५; मत्ती २:१८

उत्पत्ती 48:7

गो पदान रे गाक्‍ङानु, कनान रागी ङा एफ्राथ आ ङोंइती राहेल बेक्‍त। मिनु गो मेको कली एफ्राथ माइश्‍शो बेथलेहेम सहर लतीक लांमी थिम्‍ता” देंमाक्‍त। उत्‍पत्ती ३५:१९

मीका 5:2

तन्‍न गे बेथलेहेम एफ्राथाह, गे यहूदा ङा सहर आन दाते ङा आइक्‍च बाक्‍ते हना यो, इ रे पा आं पा ङा इस्राएल कली हुकुम पाइब का जाक्‍ब। मेको साइ ङोंइती रेन बाक्‍शो बाक्‍त। यसैया ४:१७; यसैया ११:१२

मत्ती 1:20

मिनु “गो प्रोंइचा दुम्‍ती” दे मिम्‍ना मिम्‍न बाक्‍मेनु, काबु ङोमु तवा बाक्‍त। मिनु ङोमु तवानु, परमप्रभु यावे आ स्‍वर्ग ङा गेय पाइबमी “दाऊद आ तौ योसेफ नेनो। मरीयम कली प्रोंइनुङ, दे ममिम्‍तो। महिंथु इ खिं लाइश्‍शा वोंइसो। आ कोव़जम बाक्‍शो चहिं परमप्रभु यावे आ सोक्‍त के बाक्‍त।

मत्ती 2:23

मिनु गालील ङा नासरथ सहरमी जाक्‍दीश्‍शा बाक्‍मा बाक्‍त। मारदे हना साइ नेसी परमप्रभु यावे आ लोव़ पाइब आन लोव़ थमा दुम्‍चा माल्‍बाक्‍माक्‍त। मेकोपुकीमी “मेको कली नासरी देंनीम” देंशो बाक्‍मा बाक्‍ब। लूका २:३९; यूहन्‍ना १:४६

लूका 2:3

मिनु मुर नेल्‍ल आन नें ब्रेक्‍पाइक्‍चा कली आन थर ङा सोतीक बोतीक गाउं गाउं सहर सहरम जाक्‍दीम्‍मा बाक्‍त।

लूका 2:5

मोपा आस नें ब्रेक्‍पाइक्‍थ लसानु, मरीयम कोव़ज कुरशो बाक्‍माक्‍त।

लूका 4:16

मोपा हिरना हिरन गाक्‍मेनु, काबु आ कोल्‍तीक नासरथ सहरम जाक्‍दीम्‍माक्‍त। आल रेन नाइक्‍तीक नाक्‍ती ग्रुम्‍तीक खिं लशो खोदेंशो पा, ग्रुम्‍तीक खिं लशा, परमप्रभु यावे आ लोव़ पढेचा कली राम्‍माक्‍त।

यूहन्‍ना 1:46

मिनु नथानेलमी चहिं “नासरथ सहर रे सु रिम्‍शो मुर जाक्‍ने चाप्‍बा ङा?” दे फिलीप कली देंत। मिनु फिलीपमी “लो, कोव़ङो” देंत। यूहन्‍ना ७:४१

यूहन्‍ना 7:42

परमप्रभु यावे आ लोव़मी ‘ख्रीस्‍त दाऊद आ खिं ङा मुर रे नु दाऊद आ गाउं बेथलेहेम रे जाक्‍ब’ मदेंम ङा?” देंतेक्‍म। मत्ती २२:४२; मीका ५:१; मत्ती २:५-६

रूथ 1:19

मिनु मेको निम्‍फा गाक्‍शा, बेथलेहेम जाक्‍सा बाक्‍त। मिनु बेथलेहेम जाक्‍सानु, सहर ङा मुर नेल्‍लेमी मेको आस पर्बम लोव़ पामे बाक्‍त। मिनु मीश मुरपुकीमी “मार, एको नाओमीन बाक्‍बा?” देंमा बाक्‍त।

रूथ 2:4

मेना बोआज बेथलेहेम रे जाक्‍माक्‍त। मिनु मेकोमी रिक्‍ब आन कली “परमप्रभु यावे गेपुकी नु बाक्‍ल” देंमाक्‍त। मिनु रिक्‍बपुकीमी यो “परमप्रभु यावेमी इन कली आसीक गेवल” देंमा बाक्‍त। रूथ १:२

रूथ 4:11

मिनु ठेयब लाप्‍चोम बाक्‍ब नु खाल्‍पा नेल्‍लेमी “गो सांकछी दुम्‍तक। परमप्रभु यावेम एको इ खिंम जाक्‍शो मीश मुर कली राहेल नु लेआ खोदेंशो सेलल। मेको निक्‍शीमी इस्राएल आ खिं सेल्‍शो बाक्‍ताक्‍से। बेथलेहेम एफ्राथाहम इ नें ठेयब दुम्‍ल।

रूथ 4:17

मिनु आ नेक्‍था ङा मीश मुरपुकीमी “नाओमी के चच का दुम्‍त। गो मेको आ नें ओबेद वोइय्‍य” देंमुमा बाक्‍त। मेकोन येस्‍से आ आफ, दाऊद आ बाजे बाक्‍माक्‍त। मत्ती १:५-६; लूका २:३२

१ सामुएल 16:1

परमप्रभु यावेमी सामुएल कली “गे सावल आ पर्बम गेना सम्‍म सुर्ता पा बाक्‍नेवे? गो मेको कली पिप दुम्‍तीक रे ग्रुंइताक्‍ङ। मुल गे नु बाक्‍शो ग्रोव़मी तेल कुर पा लतो। गो इ कली बेथलेहेम ङा येस्‍से आ बाक्‍तीक सोइक्‍नन। मारदे हना, गो मेको आ तौ का कली पिप सेल्‍चा कली योव़ता” देंमाक्‍त। १सामुएल १५:२३,३५

१ सामुएल 16:4

मिनु सामुएलमी परमप्रभु यावे आ देंशो खोदेंशो पवा बाक्‍त। मेको बेथलेहेम लमाक्‍त। मिनु सहर ङा खूशोपुकी ख्रिंख्रि पा ग्रुम्‍थ जाक्‍शा, मेकोपुकीमी “गे मारदे जाक्‍नी? मार, नेल्‍ल रिम्‍शोन बाक्‍बा” देंमा बाक्‍त।

१ सामुएल 17:12

दाऊद बेथलेहेम, एफ्राथाह सहर ङा यहूदा ङा येस्‍से माइश्‍शो आ तौ बाक्‍माक्‍त। मेको येस्‍से के ८ जना तौ बाक्‍मा बाक्‍त। सावल आ पालाम मेको खाल्‍पा बाक्‍माक्‍त। १सामुएल १६:१-११

१ सामुएल 17:58

मिनु सावलम मेको कली “ए ठिटा, गे सुका आ तौ नवे” दे हिल्‍लो पवा बाक्‍त। मिनु दाऊदमी “गो इन गेय पाइब बेथलेहेम ङा येस्‍से आ तौ नङ” देंमाक्‍त।

१ सामुएल 20:6

इन आफोम आं मजाक्‍शो आ पर्बम लोव़ ग्रुंइताक्‍व हना, मेको कली ‘दाऊदमी बेथलेहेम आ खिंम रीब पा लचा माल्‍तीके, आं कली हिल्‍लो पती। मारदे हना मेकेर खिं ङा मुर नेल्‍लेमी बर्सम चढ़ेतीक चढ़ेचा माल्‍बाक्‍माक्‍त’ देनीन।