लूका 2:37 - Sunuwar Bible

³⁷ मिनु आ वोंइश बेक्‍म नोले शुश बर्स ब्रोंइशा, ८४ बर्स दुम्‍माक्‍त। मेकोमी परमप्रभु यावे आ खिं मप्रोंइथु, नाक्‍दो नाक्‍ती मेकेर माइजा बाक्‍शा प्रार्थना पा, परमप्रभु यावे कली ठेयब सेल्‍ना सेल्‍न बाक्‍बाक्‍माक्‍त। १तिमोथी ५:५

लूका 2:37 ပူးပေါင်းရင်းမြစ်များ

भजन संग्रह 22:2

आं परमप्रभु, गो इन कली नाक्‍त ब्रेङङानु, गे लोव़ मलेत्‍तीनी। गो नाक्‍दो ब्रेङङानु यो, आं थुं नाइक्‍चा मतङ।

भजन संग्रह 23:6

थमा पा गो मबेक्‍ङा सम्‍म परमप्रभु आ रिम्‍शो पतीके नु आ दाक्‍तीके गो नु बाक्‍ब। मिनु गो गेना हना यो परमप्रभु यावे आ खिंम बाक्‍नुङ। भजन संग्रह ८४:५

भजन संग्रह 27:4

गो परमप्रभु यावे नु लोव़ का पुंइनुङ। मिनु मेको माल्‍ना माल्‍न बाक्‍नुङ। मेको मार बाक्‍ब देंशा हना “गो मबेक्‍ङा सम्‍म परमप्रभु यावे आ बाक्‍तीकेमी बाक्‍शा, परमप्रभु यावे आ रिम्‍शो पतीके तचा नु आ खिंम मेको कली माल्‍शा तुइक्‍चा दाक्‍नुङ। भजन संग्रह २६:८; भजन संग्रह ४२:५; भजन संग्रह ६३:३; भजन संग्रह ८४:४,५,११

भजन संग्रह 84:10

मिनु हजार का नाक्‍त ते ते बाक्‍चा क्‍येङा काबु नाक्‍त इन खिंम बाक्‍चा रिम्‍शो बाक्‍ब। इन अरेशो मटीब आन ताम्‍बुम बाक्‍चा क्‍येङा आं परमप्रभु आ खिं ङा लाप्‍चो खाल पाइब दुम्‍चा दाक्‍नुङ। भजन संग्रह २७:४

भजन संग्रह 84:4

इन खिंम बाक्‍चा ताइब आसीक तशो बाक्‍नीम। मेकोपुकीमी गेना हना यो इन कली कुम्‍सो पा ठेयब सेल्‍नीम।ठेयब सेंदा पा। भजन संग्रह ६५:५

भजन संग्रह 92:13

मेकोपुकी आंइ परमप्रभु यावे आ खिंमी ख्रुम्‍शो दुम्‍शा, आंइ परमप्रभु आ लाङगाम बोइक्‍नीम।

प्रस्‍थान 38:8

बेचालेलमी कांसा के चिक्‍तीक ठेयब बोस नु आ निप्‍पाइक्‍तीके सेल्‍तु। मेको ग्रुम्‍तीक ताम्‍बु ओव़तीकेम गेय पाइब मीश मुर आन कांसा के ऐना के सेल्‍तु।

लूका 5:33

मिनु मेकोपुकीमी “यूहन्‍ना आ शेंसीबपुकी नु फरिसी आन शेंसीबपुकी शुश माइजा बाक्‍शा, प्रार्थना पाइनीम। तन्‍न इन शेंसीबपुकी माइजा मबाक्‍थु, जाइनीम तूनीम” देंमा बाक्‍त।

प्रेरित 13:3

मिनु माइजा बाक्‍शा, प्रार्थना पा आसीक गेशा, प्रभु आ गेय पथ सोइक्‍तमे बाक्‍त। प्रेरित ६:६

प्रेरित 14:23

मिनु ते ते थमा सुइक्‍बपुकी ग्रुम्‍शा बाक्‍मा, मेक मेक शेंब खाल्‍पापुकी वोइक्‍ना वोइक्‍न, माइजा बाक्‍शा, प्रार्थना पना पन, प्रभु कली थमा सुइश्‍शा, थमा सुइक्‍ब आन कली प्रभु आ गुइमी जिम्‍मा गेना गेन गाक्‍सा बाक्‍त। प्रेरित ६:६

प्रेरित 26:7

मिनु मेको लोव़ नेल्‍ल खाप्‍ब, दे आंइ १२ थर ङा यहूदी नेल्‍लेमी थमा सुइश्‍शा, परमप्रभु यावे कली नाक्‍दो नाक्‍त ठेयब सेल्‍शा बाक्‍नीकी। मेको आन थमा सुइश्‍शो खोदेंशो पा गो यो थमा सुइक्‍ब का नङ। मेको थमा सुइश्‍शो आ पर्बम आं कली दोस गेतीमी, अग्रीप्‍पा सरकार। प्रेरित २४:१५

१ तिमोथी 5:5

आ वोंइश बेक्‍शो मीश मुर रिम्‍शो बाक्‍त हना, परमप्रभु यावे कली ला मिम्‍ब। मेकोमी नाक्‍दो नाक्‍त प्रार्थना पा पुंइना पुंइन बाक्‍ब। लूका २:३७

प्रकाश 3:12

सु सुमी सैतान कली ग्रानीमी, गोमी मेको आन कली आं परमप्रभु यावे आ खिं ङा थाम खोदेंशो बोल्‍यो सेल्‍नुङ। मिनु मेको गेना हना यो परमप्रभु यावे आ खिंमी बाक्‍नीम। मिनु मेको मुर आन तारी आं परमप्रभु यावे आ नें, आं परमप्रभु यावे आ सहर आ नें नु आं नक नें ब्रेक्‍नुङ। आं परमप्रभु यावे आ सहर चहिं नक यरूसलेम माइश्‍शो बाक्‍ब। मेको नक यरूसलेम आं परमप्रभु यावे आ बाक्‍तीक स्‍वर्ग रे यीब। प्रकाश १४:१; प्रकाश २१:२

प्रकाश 7:15

मो दुम्‍तीके मेकोपुकी परमप्रभु यावे आ ठेयब नित्‍तीके आ ङोंइती बाक्‍नीम। मिनु नाक्‍दो नाक्‍त परमप्रभु यावे आ खिंमी परमप्रभु यावे कली गेय पाइनीम। मिनु ठेयब नित्‍तीकेमी निप्‍बमी मेकोपुकी नु बाक्‍शा, मेको आन कली कोव़ब।

१ सामुएल 2:2

परमप्रभु यावे खोदेंशो अरु सुइ मबाक्‍नीम। इन क्‍येङा लाक्‍शो अर्को सुइ मबाक्‍नीम। आंइ परमप्रभु, सेरथे फुल्‍लु खोदेंशो अरु सुइ मबाक्‍नीम। ब्‍यवस्‍था ४:३५; उत्‍पत्ती ४९:२४; ब्‍यवस्‍था ३२:१८; भजन संग्रह १८:२२