लूका 2:36 - Sunuwar Bible

³⁶ यरूसलेममी आन्‍ना माइश्‍शो परमप्रभु यावे आ लोव़ पाइब खाल्‍पी का बाक्‍माक्‍त। मेको आशेर आ थर ङा फनुएल आ तमी बाक्‍माक्‍त। मेको ग्‍युंबे पशो आ ७ बर्सम आ वोंइश बेक्‍शो बाक्‍माक्‍त।

लूका 2:36 ပူးပေါင်းရင်းမြစ်များ

उत्पत्ती 30:13

मिनु लेआमी “गो ग्‍येरसाक्‍यी। मारदे हना मीश मुरपुकीमी आं पर्बम ‘आसीक राइब बाक्‍ब’ देंनीम” देंमाक्‍त। मिनु आ तौ कली आशेर नें वोदा बाक्‍त।

२ राजा 22:14

मोपतीके चढ़ेब हिल्‍कीयाह, अहीकाम, आकबोर, शाफान नु आसायाह पिप आ खिंम वासी कोव़ब हारहास आ चच, तिकवाह आ तौ शाल्‍लुम आ मीश परमप्रभु यावे आ लोव़ पाइब हुल्‍दा आ बाक्‍तीके यरूसलेमम हिल्‍लो पथ लमा बाक्‍त। मेको आ खिं यरूसलेम ङा नक सहरम बाक्‍बाक्‍माक्‍त।

अय्‍युब 5:26

गे खूशो दुम्‍शा बेक्‍नीनी। बाली नाली ओंइची ना खोदेंशो पा, इन नाक्‍त जाक्‍ब।

भजन संग्रह 92:14

मिनु मेकोपुकी शुश बर्स दुम्‍मानु यो, फल सित्‍नीम। मेकोपुकी गिग नु नक ङा नक लीनीम।

प्रस्‍थान 15:20

हारून आ समी मिरयाम परमप्रभु आ लोव़ पाइब यो बाक्‍त। मेकोमी खैजडी ताप्‍शा, कुम्‍सो पथ लमेनु, अरु मीश मुरपुकी यो खैजडी ताप्‍शा, सिल पना पन मेको आ नोले खोइक्‍तेक्‍म। भजन संग्रह ६८:२६

इजीकीएल 13:17

मेकोमी ‘मुल ए मुर, इ मुर आन तमी आन कली हुइक्‍तो। मेकोपुकीम आन थुंम मिम्‍शा लोव़ पाइनीम। गे परमप्रभु यावे आ लोव़ मेको आन कली पावो’ देंत।

लूका 2:35

मोपा मुर आन थुंम मिम्‍शो तुंइसीब। मिनु तरवार कामी इ थुं थोक्‍ब” देंमाक्‍त। यूहन्‍ना १९:२५

लूका 2:38

मिनु मरीयम नु योसेफमी आल मेकेर लदसेनु, मेको खाल्‍पी ग्रुम्‍से बाक्‍त। मिनु खाल्‍पीमी आल कली तशा, परमप्रभु यावे कली ठेयब सेला बाक्‍त। मिनु “परमप्रभु यावेमी पाप रे प्रोंइब सोइक्‍ब” दे आस पा बाक्‍ब यरूसलेम ङा मुर आन कली मेको आल आ पर्बम लोव़ पा नेंपाइक्‍मी बाक्‍त।

प्रेरित 2:18

आं वाइलीम वाइल आन कली यो आं सोक्‍तीम प्रिंनुङमी। मिनु मेकोपुकीमी यो आं लोव़ पाइनीम।

प्रेरित 21:9

फिलीप के ४ जना ग्‍युंबे मपशो तमी बाक्‍तेक्‍म। मेकोपुकी परमप्रभु यावे आ लोव़ पाइब बाक्‍तेक्‍म।

१ कोरिन्‍थी 11:5

मीश मुरपुकी चहिं आन पिया सुम्‍सीचा माल्‍नीम। मसुम्‍सीशो बाक्‍तेक्‍म हना, आन वोंइश आन कली आइक्‍च सेल्‍शो खोदेंशो दुम्‍ब। मसुम्‍सीथु बाक्‍ब आन कली चां प्रेक्‍शो खोदेंशो मिम्‍सीब।

१ कोरिन्‍थी 12:1

आं लोक्‍बपुकी, इन कली परमप्रभु यावे आ सोक्‍तीम पपाइश्‍शो गेय मजोक्‍थु बाक्‍शो तशा, आं थुं मनुङ। मोपतीके एको गेय आ पर्बम शेंनन्‍नी।

१ तिमोथी 3:2

थमा सुइक्‍ब आन कली कोव़ब काइ दोस गेचा मपुंइसीशो बाक्‍चा माल्‍ब। मीश का के ला वोंइश बाक्‍चा माल्‍ब। गेय पचा ङोंइती मिम्‍ब, आ गेय नेल्‍ल कली रिम्‍शो पाइब, मुर आन कली बास गेब नु रिम्‍शो शेंब बाक्‍चा माल्‍ब।

१ तिमोथी 5:9

वोंइश बेक्‍शो मीश मुर ६० बर्स दुम्‍ने थुम्‍शा ला, वारच पचा कली आ नें ब्रेक्‍सीब। मेको वोंइश का आ मीश ला दुम्‍चा माल्‍ब।

यहोसु 19:24

मिनु नोले योव़ङमेनु, आशेर आ खिं खिं ङा मुरपुकीमी आन रागी ताम्‍तेक्‍म। मेको आन रागी तेको तेको बाक्‍तेक्‍म देंशा हना, उत्‍पत्ती ४९:२०

प्रकाश 7:6

आशेर आ थर रे १२ हजार, नाप्‍ताली आ थर रे १२ हजार, मनस्‍से आ थर रे १२ हजार,

न्‍यायाधीस 4:4

मेना लप्‍पीदोथ आ मीश, देबोरा इस्राएली आन कली निसाफ पाइब दुम्‍शो बाक्‍माक्‍त। मेको परमप्रभु यावे आ लोव़ पाइब यो बाक्‍माक्‍त।

१ सामुएल 1:2

एल्‍काना के मीश निक्‍शी बाक्‍सा बाक्‍त। का आ नें हान्‍नाह नु अर्को आ नें पेनी‍नाह बाक्‍माक्‍त। पेनी‍नाह के आल बाक्‍मा बाक्‍त, तन्‍न हान्‍नाह के आल मबाक्‍माक्‍त। उत्‍पत्ती २९:३१