लूका 2:25 - Sunuwar Bible

²⁵ यरूसलेममी सिमियोन माइश्‍शो मुर का बाक्‍माक्‍त। मेको ठीक पाइब नु परमप्रभु यावे कली मान पा हिंब बाक्‍माक्‍त। परमप्रभु यावे आ सोक्‍तीम ब्रीशा “परमप्रभु यावेमी इस्राएल ङा मुर आन कली पाप रे प्रोंइब का सोइक्‍ब” दे लां कोव़शा बाक्‍शो बाक्‍माक्‍त। उत्‍पत्ती ४९:१८

लूका 2:25 ပူးပေါင်းရင်းမြစ်များ

उत्पत्ती 6:9

नोआह आ तौ सां बाक्‍मा बाक्‍त। नोआह शुश रिम्‍शो मुर बाक्‍माक्‍त। मुर नेल्‍लेमी “ठीक पाइब दोस मताइब मुर बाक्‍ब” दे तुइक्‍तमे बाक्‍त। नोआह परमप्रभु नु गाक्बाक्‍माक्‍त। उत्‍पत्ती ५:२२

अय्‍युब 1:1

साइ नेसी ऊज रागीमी अय्‍युब नें पाइश्‍शो मुर का बाक्‍माक्‍‍त। मेको ब्रोंइम सम्‍म दोस मतथु नु रिम्‍शो थुं पाइश्‍शो दुम्‍शा बाक्‍चा माल्‍ब मुर बाक्‍माक्‍त। मेको परमप्रभु कली मान पा हिंशा मरिम्‍शो पतीक रे ङोन बाक्‍ब मुर बाक्‍माक्‍‍त। येरमीया २५:२०; बिलाप ४:२१; इजीकीएल १४:२४,२०; याकूब ५:११

अय्‍युब 1:8

मिनु परमप्रभु यावेमी सैतान कली “गे आं गेय पाइब अय्‍युब कली तवी? परमप्रभु कली मान पा हिंब, मरिम्‍शो पतीक रे ङोन बाक्‍ब, रागीम मेको खोदेंशो पा पाप मपाइब नु ब्रेम्‍शो मुर अरु सुइ मबाक्‍नीम” दे मदा बाक्‍त।

यसैया 25:9

मिनु मेको नाक्‍ती मुरपुकीमी “कोव़ङीन, मेको आंइ परमप्रभु बाक्‍ब। गो मेको आ लां कोव़तक। मिनु मेकोम आंइ कली श्‍येत रे प्रोंइतु। मेको आंइ रिम्‍शा बाक्‍शो परमप्रभु यावे बाक्‍ब। गोपुकी आ प्रोंइशो तशा ग्‍येरसाक्‍क। भजन संग्रह ४८:१५

यसैया 40:1

इन परमप्रभुमी “आं मुर आन कली लेम्‍दीन, लेम्‍दीन।

मीका 6:8

परमप्रभु यावेमी इन कली, गे बेक्‍शा लाइब मुर, इन कली मार रिम्‍शो बाक्‍मे नु मार पचा माल्‍नीनी, मेको देंशो बाक्‍ब। मार देंशो बाक्‍ब देंशा हना, गे ठीक निसाफ पने, शिशी प‍तीक कली दाक्‍तीन। मिनु इन परमप्रभु आ ङोंइती ब्रेम्‍शो दुम्‍शा गाक्‍कीन। ब्‍यवस्‍था १०:१२; १सामुएल १५:२२

गन्‍ती 11:25

मिनु नोले परमप्रभु यावे गोस्‍सुमी उइ आगा तोइश्‍शा, मोसा नु लोव़ पाप्‍तु। मिनु मेकोमी मोसा आ आगा बाक्‍शो सोक्‍त इच्‍का लाइश्‍शा, मेको ७० जना खाल्‍पा आन तार वोइक्‍तु। मिनु मेको सोक्‍त मेको आन तार नांइसेनु, मेकोपुकीमी परमप्रभु यावे आ लोव़ पाम्‍तेक्‍म। तन्‍न नोनोले मो मपाम।

गन्‍ती 11:29

तन्‍न मोसामी मेको कली “मार, आं पर्बम गे ईख पाइब दुमे? परमप्रभु यावेमी आ सोक्‍त आ मुर नेल्‍ल आन तार वोइश्‍शा, मेको नेल्‍ल परमप्रभु यावे आ लोव़ पाइब दुम हना, गिश रिम्‍शो दुम वा” देंत। योएल ३:१; मर्कूस ९:३८-३९

मर्कूस 15:43

अरीमाथीया ङा योसेफ माइश्‍शो, सभामी बाक्‍ब आन दाते ङा हिक्‍सीशो मुर का बाक्‍माक्‍त। मेको परमप्रभु यावे आ राज्‍य तांइसेक्‍ल, दे आस पा बाक्‍शो बाक्‍माक्‍त। मेको मुरुमी महिंथु, पिलातस कली ग्रुम्‍थ लशा “येसु आ बेक्‍शो रां लाइक्‍चा गेयीनी” दे पुना बाक्‍त।

लूका 1:41

मरीयम आ सेउ ताक्‍गानु, एलीशीबा आ कोव़ज ङा आल प्रेक्‍माक्‍त। मिनु परमप्रभु यावे आ सोक्‍तीमी एलीशीबा कली प्रिंदा बाक्‍त।

लूका 1:6

मेको निक्‍शी परमप्रभु यावे आ ङोंइती ठीक पाइब बाक्‍सा बाक्‍त। परमप्रभु यावे आ अरेशो लोव़ नु पतीके लोव़ नेल्‍ल टिशा, दोस मताइब दुम्‍शा बाक्‍शो बाक्‍सा बाक्‍त।

लूका 1:67

आल आ आफ जकरियामी परमप्रभु यावे आ सोक्‍तीम ब्रीशा, परमप्रभु यावे आ लोव़ पवा बाक्‍त।

लूका 2:38

मिनु मरीयम नु योसेफमी आल मेकेर लदसेनु, मेको खाल्‍पी ग्रुम्‍से बाक्‍त। मिनु खाल्‍पीमी आल कली तशा, परमप्रभु यावे कली ठेयब सेला बाक्‍त। मिनु “परमप्रभु यावेमी पाप रे प्रोंइब सोइक्‍ब” दे आस पा बाक्‍ब यरूसलेम ङा मुर आन कली मेको आल आ पर्बम लोव़ पा नेंपाइक्‍मी बाक्‍त।

लूका 23:51

मेको रिम्‍शो थुं पाइश्‍शो बाक्‍माक्‍त। मेकोमी “परमप्रभु यावे आ राज्‍य पशो तांइसेक्‍ल” दे थमा सुइश्‍शा, आस पा बाक्‍शो बाक्‍माक्‍त। लूका २:२५,३८

प्रेरित 10:2

मेको कप्‍तान परमप्रभु यावे कली मान पा हिंब मुर बाक्‍माक्‍त। आ खिं ङा मुर नेल्‍लेमी यो आ खोदेंशो पा प्रभु कली मान पा टीबाक्‍मा बाक्‍त। मेको कप्‍तानमी मारेइ मथीब आन कली शिशी पा शुश वारच पाइबाक्‍माक्‍त। परमप्रभु कली प्रार्थना पना पन बाक्‍बाक्‍माक्‍त।

प्रेरित 10:22

मिनु मेकोपुकीमी “कोरनेलीयस आ सोइश्‍शो नकी। कोरनेलीयस कप्‍तान बाक्‍ब। परमप्रभु कली मान पा हिंब, रिम्‍शो मुर बाक्‍ब। यहूदीपुकीमी यो रिम्‍शो मुर बाक्‍ब, दे मिम्‍नीम। परमप्रभु आ स्‍वर्ग ङा गेय पाइब कामी कोरनेलीयस कली ‘योप्‍पा सहरमी सिमोन पत्रुस माइश्‍शो कली माल्‍शा चाक्‍शा आ लोव़ नेंचा’ देंतीके इन कली ब्रथ जाक्‍तक” देंमा बाक्‍त।

प्रेरित 2:5

यरूसलेममी परमप्रभु यावे कली मान पा हिंब, रागी नेल्‍ल रे जाक्‍शो यहूदी बाक्‍मा बाक्‍त। प्रेरित १३:२६

प्रेरित 24:16

मोपतीके गो परमप्रभु यावे नु मुर आन ङोंइती रिम्‍शो पाइनुङ, दे आं थुं फ्रेंशा बाक्‍नुङ। प्रेरित २३:१

ब्‍यवस्‍था 18:15

परमप्रभु यावे, इन परमप्रभुमी इन दाते रे आं खोदेंशो पा आ लोव़ पाइब का योव़ब। गेपुकीमी मेको आ लोव़ नेंचा माल्‍नीनी। गन्‍ती १२:६-८; यूहन्‍ना १:४५; यूहन्‍ना ६:१४; यूहन्‍ना ७:४०; प्रेरित ३:२२; प्रेरित ७:३७

२ पत्रुस 1:21

मुर आन थुं रे मपीब। तन्‍न परमप्रभु यावे आ सोक्‍तीम आ मुर आन कली सुम्‍शा, परमप्रभु यावे आ लोव़ ब्रेक्‍पाइश्‍शो बाक्‍ब, दे रुप्‍चा माल्‍नीनी। १तिमोथी ३:१६-१७