लूका 2:15 - Sunuwar Bible

¹⁵ मिनु परमप्रभु यावे आ स्‍वर्ग ङा गेय पाइब सरीङ गे लेश्‍शा लमा बाक्‍त। मिनु गोठलापुकीमी “बेथलेहेम सहर लय। एको परमप्रभुमी तुइक्‍पाइश्‍शो लोव़ कोव़थ लय” देंमुमा बाक्‍त।

लूका 2:15 ပူးပေါင်းရင်းမြစ်များ

२ राजा 2:1

परमप्रभु यावेमी एलीया कली फश गिवारम क्‍युक्‍शा स्‍वर्ग लाइक्‍चा चिक्‍शो बाक्‍माक्‍त। मेना एलीया नु एलीशा गिल्‍गाल प्रोंइशा गाक्‍ना गाक्‍न बाक्‍सा बाक्‍त।

२ राजा 2:11

मिनु मेको निक्‍शी लोव़ पना पन गाक्‍सा बाक्‍त। मिनु रीब पा मी ब्रशो बग्‍गी नु शारापुकी ग्रूमा बाक्‍त। मिनु मेकोपुकीमी मेको निक्‍शी आस कली फ्रादमे बाक्‍त। मिनु एलीया फश गिवारम क्‍युक्‍शा इर सरीङ लाइक्‍चा पुंइसे बाक्‍त। उत्‍पत्ती ५:२४

भजन संग्रह 111:2

परमप्रभु यावे आ गेय थम ठेयब बाक्‍नीम। सु सुम मेको कली दाक्‍नीमी, मेकोपुकीमी मेको शेंसीनीम।

प्रस्‍थान 3:3

मिनु मोसामी “गो मेकेर लशा कोव़चा माल्‍नुङ। छक लाक्‍चा ङा बाक्‍त। मारदे मीम मेरे बुटा कली मनेक्‍गा?” दे आंमा लोव़ पाप्‍तु।

मत्ती 12:42

निसाफ पची नाक्‍त लुक्‍च रागी ङा पिपीम बोक्‍शा, एको पाला ङा मुर आन कली दोसी सुइक्‍ब। मारदे हना मेकोमी ङोन रे कुशा, पिप सोलोमनमी दोदेंशो निप्‍स पा हुकुम पवा, दे कोव़थ जाक्‍माक्‍त। नेनीने, एकेर सोलोमन क्‍येङा ठेयब का बाक्‍ब। १राजा १०:१-१०

लूका 2:14

“नेल्‍ल क्‍येङा इर ङा परमप्रभु यावे नेल्‍ल क्‍येङा ठेयब बाक्‍ब। आ दाक्‍शो मुर आन कली थुं नाइश्‍शा बाक्‍चा गेब” दे कुम्‍सो पामे बाक्‍त। लूका १९:३८; गन्‍ती ६:२६; एफिसी २:१४,१७

लूका 2:16

मिनु दोरशा जाक्‍दीश्‍शा कोव़ङमेनु, मरीयम नु योसेफ थित्‍मे बाक्‍त। मेकेर नक थिशो आल यो शुंगुम इप्‍पाइश्‍शो तामे बाक्‍त।

लूका 24:51

आसीक गेना गेन बाक्‍मेनु, सरीङ गे लाइक्‍चा पुंइसे बाक्‍त।

१ पत्रुस 3:22

मेको स्‍वर्ग लशा, परमप्रभु यावे आ ग्‍युरा गे बाक्‍ब। परमप्रभु यावे आ स्‍वर्ग ङा गेय पाइबपुकी, अधिकार तशोपुकी नु सक्ति पाइश्‍शो नेल्‍लेमी मेको आ देंशो टीनीम। एफिसी १:२०-२१