लूका 19:6 - Sunuwar Bible

⁶ मिनु जक्‍कै फ्रु तोंइ‍सीशा, ग्‍येरसीशा आ खिं लाइश्‍शा, बास बाक्‍चा गेवा बाक्‍त।

लूका 19:6 ပူးပေါင်းရင်းမြစ်များ

यसैया 64:5

गे ग्‍येरशा ठीक पतीके मिम्‍शा पाइब आन कली वारच पाइब बाक्‍नीनी। मेको मुरपुकी इन लांम गाक्‍शा, इन कली मिम्‍ब बाक्‍नीम। गे आंइ पाप पशो आ पर्बम गाइक्‍ताक्‍नी। मारदे हना गे ख्रुंइसाक्‍नी। मिनु गो हेंथे गाक्‍तक।

लूका 19:5

मिनु येसु मेको लां पिमेनु, जक्‍कै कली रवाम ङोइश्‍शा बाक्‍शो तशा “ए जक्‍कै, फ्रु तोंइ‍सो। मारदे हना मुलाक्‍दो इ खिंमी बास बाक्‍नुङ” देंमाक्‍त।

लूका 19:7

मेकोमी मोदेंशो पशो तशा, मेकेर बाक्‍बपुकीमी “मेको पापी आ खिंम ओव़शा बास बाक्‍त” दे आन थुं मनुथु, लोव़ पामे बाक्‍त। लूका १५:२

लूका 2:16

मिनु दोरशा जाक्‍दीश्‍शा कोव़ङमेनु, मरीयम नु योसेफ थित्‍मे बाक्‍त। मेकेर नक थिशो आल यो शुंगुम इप्‍पाइश्‍शो तामे बाक्‍त।

लूका 5:29

मिनु लेवीमी येसु कली मान पा थुल्‍चा, दे जचा तूचा सेला बाक्‍त। मिनु मेको नु तिरो पोक्‍ब, आ वारच नु अरु मुर यो जथ बाक्‍मा बाक्‍त। लूका १५:१

प्रेरित 16:15

मिनु थमा सुइक्‍ब दुम्‍शा, ब्‍वाक्‍कुम ख्रुम्‍शा ग्रुंइचा पुंइसाक्‍व। आ खिं ङा मुर नेल्‍ले यो थमा सुइक्‍ब दुम्‍शा, ब्‍वाक्‍कुम ख्रुम्‍शा ग्रुंइचा पुंइसाक्‍म। ब्‍वाक्‍कुम ख्रुम्‍शा ग्रुंइचा पुंइसीशा नोले लिडीयामी “गेपुकीमी प्रभु कली थमा सुइक्‍ब बाक्‍माक्‍त, दे मिम्‍ताक्‍यीनी हना, आं खिंमी बास बाक्‍थ जाक्‍कीन। आं खिंमी मजाक्‍थु मदुम्‍ब” दे माइक्‍तीकी। मिनु लिडीया आ खिं लशा बाक्‍तक।

प्रेरित 16:34

मिनु आ खिं लाइश्‍शा, जचा तूचा सेल्‍शा थुल्‍मे बाक्‍त। मिनु नेल्‍लेमी “परमप्रभु यावे कली थमा सुइक्‍ब दुम्‍तय” दे थाम्‍पा ग्‍येरसमा बाक्‍त।

प्रेरित 2:41

मिनु शुश मुरुमी पत्रुस आ देंशो बिश्‍शा, ख्रीस्‍त कली थमा सुइश्‍शा, ब्‍वाक्‍कुम ख्रुम्‍शा ग्रुंइचा पुंइसमा बाक्‍त। मोपा ब्‍वाक्‍कुम ख्रुम्‍शा ग्रुंइचा पुंइसीबपुकी हजार सां खोइ दुम्‍मा बाक्‍त। मोपा थमा सुइक्‍ब नु तेम्‍समा बाक्‍त।