लूका 19:29 - Sunuwar Bible

²⁹ मिनु जैतून डांडा जाक्‍दीम्‍मा बाक्‍त। मेको डांडा आ आइदी बेथफागे नु बेथानी गाउं निक्‍शी बाक्‍सा बाक्‍त।

लूका 19:29 ပူးပေါင်းရင်းမြစ်များ

जकरिया 14:4

मेको नाक्‍त आ खोइलीमी यरूसलेम आ ङोंइती पूर्ब गे बाक्‍शो जैतून डांडा कली थेक्‍ब। मिनु जैतून डांडा आ पूर्ब रे पच्‍छिम सम्‍म ठेयब पा जेप्‍ब। मिनु डांडा उइक्‍थ उत्तर गे नु उइक्‍थ दक्‍खिन गे दुम्‍शा बाक्‍ब। मिनु दातेमी ठेयब बेंसी का दुम्‍ब।

मत्ती 21:17

मिनु मेको आन कली प्रोंइशा, सहर रे ग्रूशा, बेथानी जाक्‍दीश्‍शा बास बाक्‍त।

लूका 19:30

मेको गाउं आ नेक्‍था जाक्‍दीश्‍शा, येसुमी आ शेंसीब निक्‍शी आस कली “मेरे गाउं लसे। मिनु गाउं ओव़सीनु, सुइमी मङोइश्‍शो गधा आ चाइक्‍ब का पाइश्‍शो थित्‍नीसी। मेको कली प्रोंइशा चाक्‍कीसे।

लूका 19:37

मेको जैतून डांडा लाक्‍शा ब्रुम्‍मा बाक्‍त। येसुमी शुश छक लाक्‍चा ङा गेय पतीके मुर नेल्‍ल थाम्‍पा ग्‍येरशा, कुम्‍सो पा परमप्रभु यावे कली ठेयब सेल्‍ना सेल्‍न,

लूका 21:37

मिनु येसुमी नाक्‍त मुर आन कली शेंना शेंन नाक्‍दो चहिं जैतून डांडाम लशा इप्‍बाक्‍माक्‍त।

लूका 22:39

मिनु मेकेर रे गाक्‍शा, ङोंइती ङा खोदेंशो पा जैतून डांडा जाक्‍दीम्‍माक्‍त। आ शेंसीबपुकीमी आ नोले खोदमे बाक्‍त।

लूका 24:50

मिनु नोले मेको आन कली यरूसलेम रे लाइश्‍शा, बेथानी गाउं चाक्‍दीश्‍शा, आ गुइ पोक्‍शा मेको आन कली आसीक गेमी बाक्‍त।

प्रेरित 1:12

मिनु मेकोपुकी जैतून डांडा रे यरूसलेम लेम्‍मा बाक्‍त। मेको लां चहिं नाइक्‍तीक नाक्‍त गाक्‍चा दुम्‍तीक लां बाक्‍माक्‍त।