लूका 19:26 - Sunuwar Bible

²⁶ मिनु मेकोमी ‘सु नु बाक्‍मे, मेको तेम्‍शा गेचा पुंइसीब। सु नु मबाक्‍मे, मेको के बाक्‍शो यो रोइक्‍चा पुंइसीब। लूका ८:१८; मत्ती १३:१२

लूका 19:26 ပူးပေါင်းရင်းမြစ်များ

२ सामुएल 7:15

तन्‍न गो गेना हना यो आं दाक्‍तीकेम मप्रोंइनुङ। मेको इ ङोंइती सावल कली प्रोंइ‍शो खोदेंशो पा मेको कली मप्रोंइनुङ। १सामुएल १५:२३-२६

भजन संग्रह 109:8

मेको आ ब्रोंइतीके नाक्‍त इच्‍का ला दुम्‍ल। मिनु मेको आ गेय अर्कोम पवल। प्रेरित १:२०

मत्ती 13:12

थीबमी तेम्‍शा गेचा पुंइसीब, मिनु शुश दुम्‍ब। मथीब चहिं बाक्‍शो यो रोइक्‍चा पुंइसीब। हितोपदेस ९:९; मत्ती २५:२८-२९; मर्कूस ४:२४; लूका ८:१८

मत्ती 21:43

मोपतीके परमप्रभु यावे आ राज्‍य इन गुइ रे रोइक्‍चा पुंइसीनीनी। मिनु फल सिप्‍ब अर्को जात ङा मुर आन कली गेब, दे माइक्‍तीमी।

मर्कूस 4:25

मारदे हना थीब तेम्‍शा गेचा पुंइसीब, मथीबमी चहिं आइक्‍के बाक्‍शो यो रोइक्‍चा पुंइसीब” दे शेंदीमी बाक्‍त। मत्ती १३:१२-१३

लूका 16:3

मिनु मेकोमी ‘आं गेय रोइश्‍शा सोइक्‍ताक्‍यी। मुल गेय मताइनुङ। कोदाली दोने यो मचाप्‍नुङ। पुंइशा जचा कली यो मुने पाइनुङ।

लूका 19:25

मिनु मुरपुकीमी ‘हजुर, मेको नु १० मीना सुन बाक्‍ब’ देंमा बाक्‍त।

लूका 8:18

होस पा, रिम्‍शो पा नेनीन। मारदे हना रुप्‍बमी तेम्‍शा रुप्‍पाइक्‍चा पुंइसीब, मरुप्‍बम चहिं इच्‍का खोइ रुप्‍शो यो, रोइश्‍शा लाइक्‍चा पुंइसीब” दे शेंदीमी बाक्‍त। मत्ती २५:२९

प्रेरित 1:20

साइ पिप दाऊदमी ब्रेक्‍शो लोव़मी मार ब्रेक्‍शो बाक्‍ब देंशा हना ‘मेको आ खिं ब्रेश्‍शा बाक्‍ल, मेकेर सुइ बाक्‍चा मतामेक्‍ल, आ पशो गेय अर्को मुरुमी पवल’ दे ब्रेक्‍शो बाक्‍ब। भजन संग्रह ६९:२५-२६; भजन संग्रह १०९:८

२ यूहन्‍ना 1:8

गेपुकी मार कली गेय पनी, मेको मुल यो पना पन बाक्‍कीन। मो पाइतीनी हना, ठेयब इनाम ताइनीनी। गलाती ४:११

प्रकाश 2:3

गे फाल्‍शा, आं कली थमा सुइक्‍तीनी। मोपा थमा सुइक्‍चा मदथु, आं पर्बम श्‍येत फाल्‍नीनी, दे गो तुइक्‍नुङ। १तिमोथी ५:१२

प्रकाश 3:11

मिनु गो फ्रा लेश्‍शा यीनुङ। थमा सुइक्‍चा मप्रोनीन। मोपा बाक्‍तीनी हना, सुइमी इन सिरपेच रोइक्‍ने मचाप्‍नीम। प्रकाश २:१०

१ सामुएल 15:28

मिनु सामुएलम मेको कली “मुलाक्‍त रे परमप्रभु यावेम इस्राएल ङा राज्‍य खाक्‍शा अर्को कली गेप्‍तु। इन नेक्‍था ङा, इन क्‍येङा रिम्‍शो मुर का कली गेप्‍तु। १सामुएल २८:१७

१ सामुएल 2:30

मोपतीके परमप्रभु यावे, इस्राएली आन परमप्रभुमी “इ किकी पिपी आन खिं ङा मुर नेल्‍ल गेना हना यो आं ङोंइती चढ़ेब दुम्‍नीम, गो कसम जशो नङ” देंशो बाक्‍त। तन्‍न परमप्रभु यावेमी “मुल ओदेंशो मदुम्‍ब। मारदे हना आं कली ठेयब सेल्‍ब आन कली गो ठेयब सेल्‍नुङ। आं कली आइक्‍च सेल्‍ब नेल्‍ल आइक्‍च सेल्‍चा पुंइसीनीम। प्रस्‍थान २८:१; मलाकी ३:१६-१८