लूका 18:38 - Sunuwar Bible

³⁸ मिनु मिक्‍च मताइबमी “हे येसु, दाऊद आ तौ, शिशी पाइय्‍यी” दे ब्रेम्‍माक्‍त।

लूका 18:38 ပူးပေါင်းရင်းမြစ်များ

भजन संग्रह 62:12

परमप्रभु यावे गेना हना यो दाक्‍ब बाक्‍ब” देंशो नेंता। गे थमा पा मुर नेल्‍ल आन कली आन पशो खोदेंशो पा गेनीनी। रोमी २:६-११

यसैया 11:1

येस्‍से आ ठुटा रे ठोसा का दाप्‍ब। मेको आ शाक्‍श रे वाशो राशीम फल फुल सिप्‍ब।

येरमीया 23:5

परमप्रभु यावेम “गो दाऊद आ मुर रे ठीक पाइब राशी का वा‍पाइक्‍नुङ। मेको नाक्‍त थमा पा जाक्‍ना जाक्‍न बाक्‍ब। पिप कामी आ जोक्‍तीक तुइक्‍तीकेम सासन पाइब। मिनु मेकोमी आ रागीमी ठीक निसाफ नु ठीक गेय पाइब। जकरिया ३:८; यसैया ३२:१

मत्ती 12:23

मेकेर देल्‍शोपुकीमी “ओहो, एकोन दाऊद आ तौ बाक्‍म कोर में?” देंमुम्‍तेक्‍म। मत्ती २१:९; यूहन्‍ना ७:४२

मत्ती 15:22

मिनु मार दुम्‍त देंशा हना, कनानी रागी ङा मीश मुर का जाक्‍शा “दाऊद आ तौ, प्रभु, शिशी पाइय्‍यीनी। आं तमी कली वोलम सुम्‍शा शुश श्‍येत गेप्‍तु। वोल कली खेरशा सापतीने” दे ङाक्‍न ङाक्‍न पुंइतु।

मत्ती 21:15

मिनु ठेयब चढ़ेब नु सास्‍त्रीपुकीमी येसुमी छक लाक्‍चा ङा गेय पशो नु आलपुकीमी “दाऊद आ तौ कली होसन्‍ना” दे शुश रेयके पा येसु कली ठेयब सुइश्‍शा मान पशो तशा, होसन्‍ना आ देंशो “परमप्रभु वारच पने” बाक्‍ब।

मत्ती 21:9

मिनु आ ङोंइती नोले गाक्‍बपुकीमी “दाऊद आ तौ कली होसन्‍ना, परमप्रभु यावे आ नेंमी जाक्‍ब कली जाइ, गे ठेयब बाक्‍नीनी” दे रेयके पा ठेयब सेल्‍ना सेल्‍न गाक्‍तेक्‍म। भजन संग्रह ११८:२५-२६

मत्ती 9:27

मिनु येसु मेकेर रे लमेनु, मिक्‍च मताइब निक्‍शीमी “ए दाऊद पिप आ तौ, आंस कली शिशी पांइस्‍की” दे रेयके पा वाइ ब्रेश्‍शा, आ नोले खोइक्‍ताक्‍स। मत्ती २०:३०

लूका 18:37

“नासरथ ङा येसु एको लां पित” देंमा बाक्‍त।

लूका 18:39

मिनु येसु आ ङोंइती गाक्‍बपुकीमी “सिक्‍सी पावो” दे हुइक्‍तमे बाक्‍त। आं चहिं वाइ ब्रेश्‍शा “दाऊद आ तौ, शिशी पाइय्‍यी” देंमाक्‍त।

रोमी 1:3

येसु ख्रीस्‍त पिप दाऊद आ थरमी मुर दुम्‍शा, जरमेशो बाक्‍माक्‍त। रोमी ९:५; २सामुएल ७:१२; मत्ती २२:४२

प्रकाश 22:16

मिनु येसुमी “गो येसु नङ। गो दाऊद पिपी क्‍येङा ङोंइती बाक्‍ती। मिनु आ चच युइ यो नङ। गो टल्‍केशो सुक्‍कुर सोरुल यो नङ। गो परमप्रभु यावे आ स्‍वर्ग ङा गेय पाइब कली थमा सुइक्‍ब आन ग्रुम्‍तीकेमी शेंथ सोइक्‍ताक्‍ङ” देंत। यसैया ११:१०; लूका १:७८