लूका 18:32 - Sunuwar Bible

³² रागीम जरमेशो अर्को जात ङा मुर आन गुइमी गेचा पुंइसीब। मिनु मेकोपुकीमी शुक्‍शी पा, मेको आ कुलुम तोक्‍नीम।

लूका 18:32 ပူးပေါင်းရင်းမြစ်များ

यसैया 50:6

गो आं ची तुप्‍ब आन कली तुप्‍चा गेतामी। गाल शोक्रे ब्‍विप्‍ब आन कली चोव़चो दाइश्‍शा गेतामी। गो शुक्‍शी पाइक्‍चा नु तोक्‍चा पुंइसीतीक रे आं कुल मख्रुइक्‍तु। यूहन्‍ना १९:१; मत्ती २६:६७-६८

यसैया 52:14

मिनु शुश मुर मेको कली तशा हिंतेक्‍म। मारदे हना मेको काइ मरिम्‍शो तांइसीशो बाक्‍त। मुर मोदेंशो मरिम्‍शो मतांइसीनीम। आ रां यो मुर आन रां क्‍येङा मरिम्‍शो बाक्‍त। मिनु मेको कली तशा, मुरपुकी हिंतेक्‍म।

यसैया 53:3

मिनु अरुमी मेको कली ग्रांग्रा दिशा प्रोंइतेक्‍म। मेको श्‍येत जाइब नु रोइ पाइक्‍ब बाक्‍त। मेको कली तशा, मुरुम आन कुल ख्रुइक्‍ताक्‍म। मेको ग्रांग्रा दित्‍चा पुंइसेनु, सुइम महिक्‍गेम। भजन संग्रह २२:७-८; मर्कूस ९:१२

मीका 5:1

गे गारो हिरशो सहर बाक्‍नेवे। लडाइ पाइबपुकीमी इ कली पुम्‍नीम। मिनु इस्राएल कली सासन पाइब कली कोक्‍केम चोव़चोम तुप्‍नीम। उत्‍पत्ती ३५:१९; मत्ती २:५-६; यूहन्‍ना १:१-२

मत्ती 16:21

मेना रे येसुमी आ शेंसीब आन कली “यरूसलेम लशा, जोक्‍ब तुइक्‍ब खाल्‍पा, ठेयब चढ़ेब नु सास्‍त्रीपुकी रे पा शुश श्‍येत जशा साइक्‍चा पुंइसीनुङ। मिनु बेक्‍शा आ नित्‍थ नाक्‍त सेंसीनुङ” दे शेंचा गोप्‍तु। मत्ती १२:४०; यूहन्‍ना २:१९

मत्ती 20:19

शुक्‍शी पा युक्‍शा, शीम केप्‍शा कांटी थोक्‍शा, क्‍याइश्‍शा साइक्‍थ अर्को जात ङा मुर आन गुइमी गेनीम। बेक्‍शो आ नित्‍थ नाक्‍त बेक्‍शो रे सेंसीब” दे माइक्‍तीमी।

मत्ती 22:6

लीशोपुकीमी ब्रेत्‍थ जाक्‍ब आन कली शुक्‍शी पा ग्‍याइश्‍शा तुप्‍शा सदमे बाक्‍त। मत्ती २१:३५

मत्ती 26:67

मिनु साइक्‍चा पुंइसीब देंमानु, का निक्‍शीमी आ कुल तोक्‍तमे बाक्‍त, का निक्‍शीमी तुप्‍मे बाक्‍त, का निक्‍शीमी चोव़चो राप्‍शा यसैया ५०:६

मत्ती 27:2

मिनु फ्रेंशा लाइश्‍शा, पिलातस, सरकार ङा ठेयब मुर आ गुइमी जिम्‍मा गेमे बाक्‍त।

मर्कूस 14:65

मिनु साइक्‍चा माल्‍ब देंशा ङा मिन, का निक्‍शीमी आ कुलम तोक्‍तमे बाक्‍त। का निक्‍शीमी आ मिक्‍च सुम्‍शा, तुप्‍शा “सुमी तुमे? लो देन” दे शुक्‍शी पामे बाक्‍त। मिनु सिपाइ आन गुइमी गेमे बाक्‍त। मेकोपुकीमी तुप्‍ना तुप्‍न लदमे बाक्‍त।

मर्कूस 15:1

मिनु नां सोव़मेनु, ठेयब चढ़ेब, जोक्‍ब तुइक्‍बखाल्‍पा नु सास्‍त्रीपुकी, सभाम बाक्‍ब नेल्‍ल खुम्‍सीशा, सल्‍ला पामे बाक्‍त। मिनु येसु कली फ्रेंशा लाइश्‍शा, पिलातस आ गुइमी गेमे बाक्‍त।

लूका 18:33

मिनु युक्‍शा, हुश यिपाइक्‍नीम। मिनु नोले साइक्‍नीम। साइश्‍शो आ नित्‍थ नाक्‍त बेक्‍शो रे सेंसीब” दे शेंदीमी बाक्‍त।

लूका 23:1

मिनु मेकेर रे येसु कली पिलातस आ ङोंइती चाक्‍दीत्‍मे बाक्‍त।

लूका 23:11

मिनु हेरोद नु आ सिपाइपुकीमी येसु कली शुक्‍शी पा पिपी आ वा फेक्‍पा “लो, मुल पिप दुम्‍ते” दे पिलातस आ बाक्‍तीकेमी लेश्‍शा सोइक्‍तमे बाक्‍त।

लूका 23:35

मुर शुश मेकेर कोव़ना कोव़न बाक्‍शो बाक्‍मा बाक्‍त। ठेयब मुरपुकीमी “एकोमी शुश मुर आन कली श्‍येत रे प्रोंइना प्रोंइन गाक्‍बाक्‍माक्‍त। परमप्रभु यावे आ योव़शो ख्रीस्‍त बाक्‍त हना, मुल आंमा प्रोंइसेक्‍ल” दे शुक्‍शी पामे बाक्‍त।

यूहन्‍ना 18:22

मिनु मो देंमेनु, येसु आ नेक्‍था बाक्‍ब मुरुमी येसु कली चोव़चो राप्‍शा “गे नेल्‍ल क्‍येङा ठेयब चढ़ेब कली मोदेंशो लोव़ पाइनेवे?” दे हुइक्‍ताक्‍व।

यूहन्‍ना 18:28

मिनु नोले मेको ग्‍याइक्‍बपुकीमी येसु कली काइयाफास आ बाक्‍तीक रे पिलातस आ खिं गे लाइक्‍तेक्‍म। मेना नां सोव़चशो बाक्‍माक्‍त। मिनु मेकोपुकी पास्‍सा चाड ङा भोज जचा कली ठीक दुम्‍शा बाक्‍शो बाक्‍तेक्‍म। मोपतीके मेकोपुकी पिलातस रोमी दुम्‍शो आ पर्बम मथिचा ङा बाक्‍त, दे आ खिं आगा मओव़म।

यूहन्‍ना 18:30

मिनु मेकोपुकीमी “एको मुर मरिम्‍शो मबाक्‍शो हना, गोपुकीमी एको कली ग्‍याइश्‍शा, इन बाक्‍तीकेमी मारदे चाक्‍नीकी ङा?” देंतेक्‍म।

यूहन्‍ना 18:32

येसुमी आ ङोंइती देंशो लोव़ “दोपा बेक्‍चा माल्‍नुङा” देंशो, थमा दुम्‍चा कली मोदेंशो दुम्‍त। यूहन्‍ना १२:३२-३३; मत्ती २०:१९

यूहन्‍ना 18:35

मिनु पिलातसमी “गो यहूदी मनङ। इन रागी ङा मुरपुकी नु ठेयब चढ़ेबपुकीमी इन कली निसाफ पचा कली आं कली जिम्‍मा गेतीमी। गे मार पनी?” दे हिल्‍लो पाप्‍तु।

प्रेरित 2:23

गेपुकीमी येसु कली अरेशो मटीब आन गुइम गेशा, शीम केप्‍शा कांटी थोक्‍शा क्‍याइश्‍शा साइक्‍पाइक्‍तीनी। ङोंइती रे परमप्रभु यावेमी मोदेंशो दुम्‍चा माल्‍ब, दे मिम्‍शा, इन कली मो पचा गेशो बाक्‍माक्‍त, दे रुपीन। प्रेरित ४:२८

प्रेरित 3:13

इ किकी पिपी अब्राहाम, इसहाक नु याकूब आन परमप्रभु यावेमी आ गेय पाइब येसु कली ठेयब सेल्‍तु। गेपुकी चहिं मेको कली ग्‍याइक्‍पाइक्‍तीनी। पिलातसमी मेको कली प्रोंइचा थुं पवानु यो, गे मबिस्‍सीनी।