लूका 18:2 - Sunuwar Bible

² मिनु मेकोमी “सहर कामी निसाफ पाइब का बाक्‍माक्‍त। मेको सुइ नु महिंब बाक्‍माक्‍त। परमप्रभु यावे कली ममिम्‍थु, मुर आन लोव़ यो मनेंथु, आ थुंमी मार पिमे में ला पाइबाक्‍माक्‍त।

लूका 18:2 ပူးပေါင်းရင်းမြစ်များ

हितोपदेस 29:7

ठीक पाइब मुरुम प्रुङग आन कली दोपा ठीक पचा, दे तुइक्‍नीम। तन्‍न परमप्रभु यावे आ अरेशो मटीबपुकीमी मारेइ मरुप्‍‍नीम।

यसैया 33:8

ठेयब लां श्‍येत्‍थ दुम्‍शो बाक्‍नीम। मुर मेको लांम मगाक्‍नीम। गारपाइक्‍तीक लोव़ क्‍याम्‍सीशो बाक्‍ब। सांकछीपुकी महिक्‍सीब दुम्‍शो बाक्‍नीम। आन कसम जशो जाम्‍त। आन पचा माल्‍शो गेय मपाइनीम।

लूका 18:3

मेको सहरमी आ वोंइश बेक्‍शो मीश मुर का बाक्‍माक्‍त। मेको मीश मुर मेको निसाफ पाइब आ बाक्‍तीके जाक्‍ना जाक्‍न ‘आं कली दोस गेब आन कली सजाइ गेशा, आं कली ग्रापाइय्‍यीनी’ देंबाक्‍माक्‍त।

लूका 18:4

शुश नाक्‍ती सम्‍म निसाफ पाइबमी मेको कली आ पुंइशो मगेवा बाक्‍त।

लूका 20:13

मिनु नोले ‘मार पङ? मुल आं दाक्‍शो तौ कली सोइक्‍नुङ। मेको कली तशा मान पाइनीमी कों?’ दे मिम्‍ता बाक्‍त। मिनु आ तौ कली सोइक्‍ता बाक्‍त।

हिब्रू 12:9

एको रागी ङा इं आफोमी इं कली तुप्‍तेक्‍म हना यो, मेको आन कली मान पा आन लोव़ टीतय। मिनु गेना हना यो आ नु काथा बाक्‍चा कली स्‍वर्ग ङा आफ आ देंशो टिचा ममाल्‍नया ङा?