लूका 18:16 - Sunuwar Bible

¹⁶ तन्‍न येसुमी मेको आन कली ब्रेश्‍शा “आल आन कली आं बाक्‍तीके चाक्‍चा मतेक्‍कीन। मारदे हना परमप्रभु यावे आ राज्‍य आल आन केन बाक्‍ब।

लूका 18:16 ပူးပေါင်းရင်းမြစ်များ

उत्पत्ती 21:4

मिनु अब्राहाममी आ तौ इसहाक कली ८ नाक्‍ती दुम्‍मेनु, ख्रोइक्‍तीक चिनु ख्रोदा बाक्‍त। परमप्रभुमी ङोंइती दोपा अरेवा, मोपा पवा बाक्‍त। उत्‍पत्ती १७:११-१२; प्रेरित ७:८

२ इतिहास 20:13

मिनु यहूदा ङा मुर नेल्‍ले, मेको आन मीशपुकी, आन आल ब्रेप्‍च नेल्‍ल परमप्रभु यावे आ ङोंइती राम्‍मा बाक्‍त।

येरमीया 32:39

गो मेको आन कली थुं का दुम्‍तीक नु गाक्‍तीक लां का गेनुङमी। मेकोपुकी गेना हना यो आं कली मान पा हिंनीम। मेको आंम आन कली नु आन आल आन कली रिम्‍शो दुम्‍ब। इजीकीएल ३६:२७

मत्ती 19:14

मिनु येसुमी “आल आन कली आं बाक्‍तीके जाक्‍चा गेन। मारदे हना स्‍वर्ग ङा राज्‍य मेको आन केन बाक्‍ब” देंत। मत्ती १८:२-३

लूका 18:15

मिनु मुरपुकीमी येसुमी आल आन कली थिवल, दे चाक्‍ग्‍मेनु, शेंसीबपुकीमी आल चाक्‍ब आन कली हुइक्‍तमे बाक्‍त।

लूका 18:17

नोफा दाइश्‍शा नेनीने, मुरपुकीमी आल आन थुं ङा मिम्‍शो खोदेंशो पा ममिम्‍ताक्‍म हना, परमप्रभु यावे आ राज्‍यम ओव़चा मताइनीम” दे माइक्‍मी बाक्‍त।

प्रेरित 2:39

मारदे हना परमप्रभु यावे आ गेशो लोव़ इन कली, इन तमी तौ चच युइ आन कली नु ङोन रागीम बाक्‍ब आन कली गेशो बाक्‍त। मिनु परमप्रभु आंइ परमप्रभु यावेमी सु सु कली ब्रेश्‍शो बाक्‍मे, मेको आन कली गेशो बाक्‍त” दे शेंदीमी बाक्‍त। योएल ३:५

१ कोरिन्‍थी 14:20

आं लोक्‍बपुकी, आलमी मिम्‍शो खोदेंशो पा ममिम्‍तीने। मरिम्‍शो गेय पचा कली मजोक्‍ब आल खोदेंशो दुम्‍शा बाक्‍कीने। तन्‍न इन मिम्तीकेमी निप्‍स पाइश्‍शो मुरुम मिम्‍शो खोदेंशो पा मिम्‍तीन। एफिसी ४:१४; यसैया २८:११-१२

१ कोरिन्‍थी 7:14

मारदे हना थमा मसुइक्‍ब वोंइश आ मीश आ थमा सुइक्‍तीकेमी आसीक ताइब। मिनु थमा मसुइक्‍ब मीश मुर आ वोंइश आ थमा सुइक्‍तीकेमी आसीक ताइब। मोदेंशो मदुम्‍त हना, आन आल प्रभु के मदुम्‍नीम। तन्‍न मोदेंशो दुम्‍त हना, मेको आल परमप्रभु यावे के दुम्‍नीम। रोमी ११:१६

ब्‍यवस्‍था 29:11

इन आलपुकी नु इन मीशपुकी, अर्को रागी ङा इन दातेमी बाक्‍शो मुरपुकी, शी चाक्‍ब नु ब्‍वाक्‍कु कुरब नेल्‍ल बाक्‍नीम। यहोसु ९:२७

ब्‍यवस्‍था 31:12

गेपुकीमी वोंइश मुर, मीश मुर, आलपुकी नु इन सहरम बाक्‍शो अर्को रागी ङा मुर नेल्‍ल आन कली खुप्चा माल्‍नीनी। मिनु मेकोपुकीमी मेको अरेशो लोव़ नेंशा, शेंशा, परमप्रभु यावे, इन परमप्रभु कली मान पा हिंब दुम्‍चा माल्‍नीम। मिनु एको अरेशो लोव़ नेल्‍ल तुइश्‍शा पचा माल्‍नीम।

१ पत्रुस 2:2

नक थिशो आलम दूध तूचा माल्‍शो खोदेंशो पा, गे यो परमप्रभु यावे आ लोव़ तुइक्‍चा मालीन। गे मोदेंशो पाइतीनी हना, इन पाप रे ब्रोंइशो थुं बारना बारन लाइब। हिब्रू ५:१२-१३; मत्ती १८:३