लूका 18:13 - Sunuwar Bible

¹³ तिरो पोक्‍ब चहिं हारे बाक्‍शा, शुर खुक्‍शा ‘परमप्रभु यावे, गो पापी नङ। शिशी पाइयीनी’ दे प्रार्थना पवा बाक्‍त। भजन संग्रह ५१:१३,१९

लूका 18:13 ပူးပေါင်းရင်းမြစ်များ

२ सामुएल 12:13

मिनु दाऊदमी नाथान कली “गो परमप्रभु यावे आ ङोंइती पाप पाता” देंमाक्‍त। मिनु नाथानम मेको कली “परमप्रभु यावेमी इ पाप क्‍याम्‍ताक्‍व। गे मबेक्‍नेवे। २सामुएल २४:१०; भजन संग्रह ५१:३; इजीकीएल १८:२१-२३

२ इतिहास 33:19

मेको आ पुंइतीक लोव़ नु परमप्रभुम आ पुंइशो दोपा नेना, आ ब्रेम्‍शो दुम्‍चा क्‍येङा ङोंइती पशो पाप नेल्‍ल नु आ परमप्रभु कली थमा मसुइक्‍थु, डांडा ङा थान ते ते सेला, मूर्ति पाइश्‍शो थाम नु मूर्ति वोइश्‍शो नेल्‍ल परमप्रभु यावे आ लोव़ पाइब आन इतिहासम ब्रेक्‍शो बाक्‍ब।

२ इतिहास 33:23

तन्‍न मेकोमी आ आफ मनस्‍से खोदेंशो पा परमप्रभु यावे आ ङोंइती आंम कली ब्रेम्‍शो मसेला बाक्‍त। आमोन आ पशो मरिम्‍शो शुश बारना बारन लमाक्‍त।

एज्रा 9:6

“आं परमप्रभु, गो इन कली आं कुल कोंइचा थाम्‍पा मुने पाता। मारदे हना आंइ मरिम्‍शो पतीके आंइ पिया क्‍येङा यो लाक्‍शो बाक्‍ब। मिनु आंइ दोस सरीङ सम्‍म जाक्‍दीशो बाक्‍ब। दानीएल ९:७-८

अय्‍युब 42:6

मोपतीके गो आं कली आइक्‍च मिम्‍ताक्‍ङ। मिनु गो फुरक नु पुलुम बाक्‍शा, माफ पुंइनुङ” दे अय्‍युबमी देंमाक्‍त।

भजन संग्रह 106:6

गोपुकी नु आंइ किकी पिपीम पाप पाइतक। गोपुकीमी मरिम्‍शो पा इन अरेशो लोव़ मटिक। दानीएल ९:५

भजन संग्रह 119:41

परमप्रभु यावे, इन गेना हना यो दाक्‍तीक आं कली दुम्‍ल। इन थोक्‍शा पशो लोव़ खोदेंशो पा आं कली श्‍येत रे प्रोंइ‍यीनी।

भजन संग्रह 130:7

इस्राएल, परमप्रभु यावे कली आस पा बाक्‍को। मारदे हना परमप्रभु यावेमी गेना हना यो दाक्‍ब। मेको नु मरिम्‍शो पशो रे प्रोंइतीक शुश बाक्‍ब।

भजन संग्रह 25:11

परमप्रभु यावे, आं पाप ठेयब बाक्‍त हना यो, इन नें आ पर्बम आं ठीक मपशो माफ गेयीनी। प्रस्‍थान ३४:६-७

भजन संग्रह 25:7

गो ठिटा बाक्‍ङा ना आं पशो पाप नु आं मरिम्‍शो पशो प्रेंदीन। परमप्रभु यावे, इन गेना हना यो दाक्‍तीके नु रिम्‍शो पतीकेम आं कली मिम्‍तीन।

भजन संग्रह 40:12

मारदे हना हिक्‍ने मचाप्‍चा ङा श्‍येतपुकीमी आं कली पुम्‍शो बाक्‍नीम। आं मरिम्‍शो पतीकेम आं पिया खुक्‍शो बाक्‍ती। मेकोपुकी आं पिया ङा चां क्‍येङा यो शुश बाक्‍नीम। मोपा आं थुं लुक्‍च लशो बाक्‍ब।

भजन संग्रह 41:4

गो “परमप्रभु यावे आं कली शिशी पा सापाइय्‍यीनी। मारदे हना गो इन कली मरिम्‍शो पाता” देंती।

प्रस्‍थान 33:10

मुर नेल्‍लेमी मेको गोस्‍स के थाम, ताम्‍बु आ ओव़तीकेम राप्‍शो ताम्‍तेक्‍म। मिनु मुर नेल्‍ल बोक्‍शा आंम आंम ताम्‍बु आ ओव़तीकेमी बाप्‍शा, परमप्रभु कली मान पा ठेयब सेल्‍तेक्‍म।

यसैया 1:18

मिनु परमप्रभु यावेमी “जाक्‍कीन, गोपुकी बुक्‍शा, लोव़सी पय। इन पाप हुश खोदेंशो लल बाक्‍त हना यो, फुं खोदेंशो बुश दुम्‍ब। शुश लल बाक्‍त हना यो, मेको ऊन खोदेंशो बुश दुम्‍ब। यसैया ४४:२२; भजन संग्रह ५१:९

यसैया 6:5

मिनु गो “आबी, मुल बेक्‍ब दुम्‍ती। मारदे हना गो मरिम्‍शो लोव़ पाइब बाक्‍ती। मिनु मरिम्‍शो लोव़ पाइब आन दातेमी बाक्‍शो बाक्‍नुङ। मो हना यो गो मुर नेल्‍ल आन परमप्रभु यावे, पिप कली ताता” देंती। प्रस्‍थान ३३:२०

यसैया 66:2

मारेइ मारेइ आं सेल्‍शो मनमी ङा? मोपतीके मेको नेल्‍ल आं के नम” दे परमप्रभु यावेम देंत। मिनु लेंशा “मो हना यो गो आं लोव़ नेंशा, हिंशा, ख्रिंख्रि पा श्‍येत जाइब नु आ थुं जिक्‍‍शो मुर आन कली कोव़नुङ।

इजीकीएल 16:63

मिनु गे इ ङोंइती पशो मिम्‍शा मुने दोक्‍नेवे। गो इ पशो गेय नेल्‍ल आन पर्बम माफ गेनन। मिनु गे इ मुने आ पर्बम गे ठेयब लेश्‍शो लोव़ पने मचाप्‍नेवे” दे परमप्रभु, परमप्रभु यावेमी देंत। इजीकीएल ३६:३१-३२

दानीएल 9:5

गोपुकीमी पाप पशा, मरिम्‍शो पाइतक। मिनु इन अरेशो मटिथु नु इन कली गन गन पा, इन शेंशो नु निसाफ पतीके लोव़ प्रोंइतक।

मत्ती 10:3

फिलीप नु बारथोलोमाइ, थोमास, तिरो पोक्‍ब मत्ती, अल्‍फयस आ तौ याकूब, थदेयस,

मत्ती 6:5

परमप्रभु यावे कली प्रार्थना पनीनु, कपटीपुकीमी पशो खोदेंशो पा मपने। मेकोपुकीमी ग्रुम्‍तीक खिंमी, लांमी मुर आन कुल राप्‍शा कोव़पांइसीशा, प्रार्थना पाइनीम। नोफा दाइश्‍शा नेनीने, मेको आन तचा ङा इनाम मारेइ मबाक्‍ब।

मत्ती 9:13

चढ़ेतीक ममाइ, तन्‍न शिशी पशो तचा दाक्‍नुङ, दे देंशो आ अर्थ मार बाक्‍म, दे शेंसीने। ठीक पाइब आन कली ब्रेत्‍थ जाक्‍शो मनङ। पापी आन कली ब्रेत्‍थ जाक्‍शो नङ” दे माइक्‍तीमी। होसे ६:६; मत्ती १२:७; १सामुएल १५:२२; मत्ती १८:११

मर्कूस 11:25

प्रार्थना पा बाक्‍नीनु, सुइ नु चुरशो बाक्‍तीनी हना, मेको कली माफ गेने। मिनु स्‍वर्गम बाक्‍ब इन आफोमी यो इन मरिम्‍शो पशो क्‍याम्‍शा माफ गेब।

लूका 17:12

मिनु काबु गाउं का जाक्‍दीम्‍मानु, १० जना कोव़र पशो मुरपुकीमी “येसु पीब” देंशो नेंशा, लां कोव़शा बाक्‍मा बाक्‍त। लेवी १३:४५-४६

लूका 22:41

मिनु आन बाक्‍तीक आ ता एरे लशा, पोक्‍च थेक्‍शा

लूका 23:48

मेकेर कोव़थ जाक्‍बपुकीमी मो दुम्‍शो तशा “ओहो, गो मरिम्‍शो गेय पया बाक्‍त” दे रुप्‍शा, आन कुचु तुप्‍शा, ङाक्‍शा आन खिं खिं लेम्‍मा बाक्‍त।

लूका 5:8

मिनु सिमोन पत्रुसमी मो दुम्‍शो तशा, येसु आ ङोंइती पोक्‍च थेक्‍शा बाप्‍शा “प्रभु, गो पापी मुर नङ। गे नु काथा बाक्‍चा मशिरनुङ” देंमाक्‍त। लूका १८:१३

प्रेरित 2:37

मिनु आ लोव़ नेंब आन थुं खाइक्‍माक्‍त। मिनु पत्रुस नु सोइश्‍शो आन कली “गो मार पक मिनु?” दे हिल्‍लो पामेनु, प्रेरित १६:३०; लूका ३:१०

रोमी 5:8

तन्‍न परमप्रभु यावेमी इं कली शुश दाक्‍शा, गो पापी, इं बेक्‍चा आ पा ङा ख्रीस्‍त कली बेक्‍चा गेप्‍तु। यूहन्‍ना ३:१६; १यूहन्‍ना ४:१०

२ कोरिन्‍थी 7:11

परमप्रभु यावेमी इन थुं खाइक्‍पाइश्‍शोमी मार दुम्‍मे, दे तुइक्‍तीने। गे रिम्‍शो दुम्‍चा कली शुश गेय पाइतीनी। गे सल्‍‍ला पा, जिशा, हिंशा, रिम्‍शो दुम्‍चा कली शुश बोल पा दोस मताइब दुम्‍चा कली गे मेको मुर कली सजाइ गेतीनी। मोपा गे दोस मताइब बाक्‍नीनी, दे कोंइताक्‍नी।

१ तिमोथी 1:15

मरिम्‍शो पाइब आन कली नरक रे प्रोंइचा, दे ख्रीस्‍त येसु रागीम जाक्‍त। एको लोव़ थमा बाक्‍ब नु थमा सुइक्‍चा माल्‍शो बाक्‍ब। गो नेल्‍ल क्‍येङा मरिम्‍शो पाइब नङ। लूका १९:१०

हिब्रू 4:16

मोपतीके इं कली मार मार माल्‍यानु, वारच पपांइसीशा, माफ नु शिशी तचा कली परमप्रभु यावे आ ङोंइती महिंथु, थुं बारपा जाक्‍दीय्‍य। रोमी ३:२५; रोमी ५:२

हिब्रू 8:12

मेको आन कली शिशी पा, आन पशो पाप नेल्‍ल क्‍याम्‍शा गेनुङमी। मेको आन मरिम्‍शो पशो गेनायो ममिम्‍नुङ” देंमाक्‍त। येरमीया ३१:३१-३४