लूका 18:12 - Sunuwar Bible

¹² साता कामी खेयप निक्‍शी माइजा बाक्‍नुङ। क्‍येट ताक्‍गुनु, १० भाग ङा भाग का योक्‍शा गेनुङ’ दे प्रार्थना पवा बाक्‍त। मत्ती २३:२३

लूका 18:12 ပူးပေါင်းရင်းမြစ်များ

२ राजा 10:16

मिनु येहूम मेको कली “गे गो नु पिने। मिनु परमप्रभु यावे कली आं जोंब बोक्‍शा गेय पशो कोव़ङीन” दे मदा बाक्‍त। मिनु मेकोम मेको कली आ बग्‍गीम लदा बाक्‍त।

यसैया 1:15

इन गुइ क्‍युक्‍शा, गो नु लोव़ पनीनु, आं कुल ख्रुइक्‍नुङ। गेपुकीम शुश पुंइतीनी हना यो, गो मनेंनुङ। मारदे हना इन गुइम हुश ख्राक्‍श पशो बाक्‍ब। हितोपदेस १:२८; हितोपदेस १५:२९; यूहन्‍ना ९:३१

मलाकी 3:8

परमप्रभुमी “मार, मुरपुकीमी परमप्रभु आ मार मार खुइ पने चाप्‍नीमी ङा? तन्‍न गेपुकीम आं के खुइ पशो बाक्‍नीनी। मो हना यो गेपुकीमी ‘गोपुकीमी इन के मार खुइ पका ङा?’ देंनीनी। इन १० भाग ङा भाग का नु मार मार चढ़ेतीकेमी खुइ पशो बाक्‍नीनी। प्रस्‍थान २५:२

गन्‍ती 18:24

मारदे हना गो लेवी आन कली इस्राएली आन परमप्रभु यावे कली चढ़ेशो १० भाग ङा भाग का गेतामी। मोपतीके गो मेको आन कली ‘गे इस्राएली आन दातेमी रू मताइनीनी’ देंती” देंत।

गन्‍ती 23:4

मिनु परमप्रभुमी बालाम कली ग्रुमानु, बालाममी मेको कली “गो ७ ओटा चढ़ेतीके सेल्‍पाइश्‍शा, मेकेर ब्‍यफ का का नु सांड का का चढ़ेता” देंत।

मत्ती 5:20

सास्‍त्री नु फरिसी आन पशो क्‍येङा गे रिम्‍शो ठीक गेय मपाइतीनी हना, गेपुकी यो स्‍वर्ग ङा राज्‍य ओव़चा मताइनीनी, दे इन कली देंनुङ। मत्ती २३:२-३३

मत्ती 6:1

होस पांइसीने, मुर आन ङोंइती कोंइचा कली प्रुङग आन कली शिशी मपने। मारदे हना मोदेंशो पाइब आन कली स्‍वर्गम बाक्‍ब इन आफोमी इनाम मगेब।

मत्ती 6:16

बर्त बाक्‍नीनु, राव कीशो कुल मसेलीने। कपटीपुकीमी आंइ बर्त बाक्‍शो तांइसेक्‍ल, दे आन कुल राव कीपा कोंइनीम। नोफा दाइश्‍शा नेनीने, मेको आन तचा ङा इनाम मारेइ मबाक्‍ब। यसैया ५८:५-६

मत्ती 6:5

परमप्रभु यावे कली प्रार्थना पनीनु, कपटीपुकीमी पशो खोदेंशो पा मपने। मेकोपुकीमी ग्रुम्‍तीक खिंमी, लांमी मुर आन कुल राप्‍शा कोव़पांइसीशा, प्रार्थना पाइनीम। नोफा दाइश्‍शा नेनीने, मेको आन तचा ङा इनाम मारेइ मबाक्‍ब।

मत्ती 9:14

मिनु यूहन्‍ना आ शेंसीबपुकी जाक्‍शा, येसु कली “मारदे गो नु फरिसीपुकी शुश बर्त बाक्‍नीकी, इन शेंसीबपुकी चहिं बर्त मबाक्‍नीमी?” दे हिल्‍लो पाम्‍तेक्‍म। लूका १८:१२

लूका 11:42

तन्‍न आबी, फरिसीपुकी, गे खतम बाक्‍नीनी। मारदे हना सुप्‍तीके के १० भाग ङा भाग का परमप्रभु यावे कली गेनीनी। तन्‍न गे मुर आन कली ठीक निसाफ मपथु, परमप्रभु यावे कली मदाक्‍नीनी। गे ङोंइती नु नोले ङा निम्‍फा पचा माल्‍नीनी। यूहन्‍ना ५:४२

लूका 17:10

गेपुकी गेय पाइब ननी। परमप्रभु यावेम इन कली आ गेय पाइब सेल्‍शा, गेय पपाइक्‍तु। मिनु एको गेय पशा ‘परमप्रभु यावे आ देंशो पाइतय। तन्‍न सेवासी गेने मपुंइसय। मारदे हना आ वोइश्‍शो मुर नय’ दे मिम्‍तीने” दे शेंदीमी बाक्‍त। १कोरिन्‍थी ९:१६

रोमी 3:27

नेल्‍ल परमप्रभु यावेमी पशो बाक्‍ब। सुइमी ठेयब सेल्‍सीशा “गो गेय नेल्‍ल रिम्‍शो पा ठीक दुम्‍ती” देंने मचाप्‍नीम। ठीक दुम्‍तीके मुर आन गेय रे मपीब। तन्‍न थमा सुइक्‍तीके रे पीब। १कोरिन्‍थी १:२९,३१

१ कोरिन्‍थी 1:29

मोपतीके सुइ मुर परमप्रभु यावे आ ङोंइती ठेयब दुम्‍ने मचाप्‍नीम। रोमी ३:२७; एफिसी २:९

गलाती 1:14

आं पालामी नेल्‍ल आन क्‍येङा शुश धर्म पा आंइ यहूदी आन रिती थिती पाता। अरु आन कली यो आंइ किकी पिपीम पशो रिती थिती पपाइक्‍नुङमी, दे आं थुं फ्रेंशा बाक्‍शो नङ। प्रेरित २३:६; प्रेरित २६:५

एफिसी 2:9

मेको मुरुम पशो ममाइ, मोपतीके सुइ ठेयब लेन्‍ने मचाप्‍नीम। रोमी ३:२८; १कोरिन्‍थी १:२९

१ तिमोथी 4:8

रां कली रिम्‍शो पतीके इच्‍का ला रिम्‍शो बाक्‍ब। परमप्रभु यावे कली मिम्‍शा दाक्‍तीके नेल्‍ल क्‍येङा रिम्‍शो बाक्‍ब। मारदे हना मुल कली रिम्‍शो बाक्‍ब नु गेना हना यो परमप्रभु यावे नु बाक्‍चा कली नोले यो रिम्‍शो बाक्‍ब। १तिमोथी ६:६

१ सामुएल 15:13

मिनु मेकोमी सावल कली ग्रुमा बाक्‍त। मिनु सावलम मेको कली “परमप्रभु यावे आ आसीक इन नु बाक्‍ल। गो परमप्रभु यावे आ देंशो टीता” देंमाक्‍त।