लूका 18:11 - Sunuwar Bible

¹¹ फरिसीमी मुर नेल्‍ल आन कली तपांइसीशा, चढ़ेतीक आ नेक्‍था राप्‍शा ‘परमप्रभु यावे, गे रिम्‍शो पाइब बाक्‍नीनी। मारदे हना गो अरु मुर खोदेंशो पा मुर आन मार मार रोइक्‍ब मनङ। गो जोल पाइब यो मनङ। मीश वोंइश आस नाता ख्रोइक्‍ब मनङ। मेरे तिरो पोक्‍ब खोदेंशो पापी मनङ। यसैया ५८:२-३

लूका 18:11 ပူးပေါင်းရင်းမြစ်များ

भजन संग्रह 134:1

नाक्‍दो परमप्रभु यावे आ खिंम बाक्‍शा, परमप्रभु यावे आ गेय पाइब नेल्‍लेमी परमप्रभु यावे कली ठेयब सेलीन।

भजन संग्रह 135:2

गे परमप्रभु यावे आ खिंमी गेय पाइबपुकी नु आ खिं ङा लाङगाम बाक्‍बपुकी, आंइ परमप्रभु कली ठेयब सेलीन।

हितोपदेस 20:6

शुश मुरुमी “गो रिम्‍शो मुर नङ” दे अरु आन कली तुइक्‍पाइक्‍नीम। तन्‍न थमा सुइक्‍चा ङा मुर सु थिन्‍ने चाम्‍सीबा ङा?

हितोपदेस 30:12

का निक्‍शी मुरुमी आंम कली “गो गेना हना यो रिम्‍शो पाइब मुर नङ” देंनीम। तन्‍न मेको आन मरिम्‍शो पशो मक्‍याम्‍सीशो बाक्‍ब। हितोपदेस २०:९

यसैया 1:15

इन गुइ क्‍युक्‍शा, गो नु लोव़ पनीनु, आं कुल ख्रुइक्‍नुङ। गेपुकीम शुश पुंइतीनी हना यो, गो मनेंनुङ। मारदे हना इन गुइम हुश ख्राक्‍श पशो बाक्‍ब। हितोपदेस १:२८; हितोपदेस १५:२९; यूहन्‍ना ९:३१

यसैया 58:2

मेकोपुकी मटीब बाक्‍तेक्‍म हना यो, आं कली नाक्‍त किंत किंत माल्‍नीम। आं लां तुइक्‍चा दाक्‍नीम। मेकोपुकी ठीक पाइब रागी ङा मुर खोदेंशो दुम्‍शा, आन परमप्रभु, आं ठीक पतीक लोव़ मप्रोंइशो खोदेंशो बाक्‍नीम। मिनु आं कली ठीक निसाफ पुंइनीम। परमप्रभु आ नेक्‍था जाक्‍चा दाक्‍नीम। यसैया २९:१३-१४

यसैया 65:5

मेकोपुकीमी ‘गे मेके उइ बाक्‍कीन। आंइ नेक्‍था मपिने। मारदे हना इन थिशो मजाइनुङ’ देंनीम। मेकोपुकी आं कली मरिम्‍शो रिना पाइश्‍शो कुन खोदेंशो दुम्‍शा, गेना हना यो ब्रशो मी बाक्‍नीमी।

येरमीया 2:28

तन्‍न आंम इन सेल्‍शो देवी देवता ते लाक्‍गमे? मेकोपुकीमी इन कली प्रोंइने चाप्‍तेक्‍म हना, इन श्‍येत जची ना मेको आन कली जाक्‍प‍तीन। मारदे हना यहूदा, गे इ के गिश सहर बाक्‍मा, मिश देवी देवता बाक्‍नीम। ब्‍यवस्‍था ३२:३७-३८; न्‍यायाधीस १०:१४; येरमीया ११:१३

येरमीया 2:35

गे ‘गो दोस मताइब बाक्‍नुङ। मेको थमा पा गो नु मगाइक्‍ब’ देंनेवे। मारदे हना गेमी ‘गो पाप मपङ’ देंतीके गो इ कली निसाफ पाइनुङ। यसैया ४३:२५-२६

इजीकीएल 33:31

मेकोपुकीम आं मुर खोदेंशो पा इ बाक्‍तीक जाक्‍शा इ ङोंइती नित्‍नीम। मिनु इ लोव़ नोफा दाइश्‍शा नेंनीम। तन्‍न मेकोम इ लोव़ मटीनीम। मेकोम रिम्‍शो लोव़ पखु पा, आन थुंम चहिं दोपा क्‍येट चेम्‍चा, दे मिम्‍नीम। यसैया ५३:१

मीका 3:11

मेकेर ङा ठेयब मुरपुकीमी घूस जशा निसाफ पाइनीम। मेकेर ङा चढ़ेबपुकीम शेंशो ङा क्‍येट ताक्‍नीम। परमप्रभु यावे आ लोव़ पाइबपुकी क्‍येट तचा कली नोले दुम्‍ब लोव़ पाइनीम। मो हना यो मेकोपुकीमी ‘परमप्रभु यावे आंइ दातेमी बाक्‍ब। गो श्‍येत मजाइनीकी’ देंनीम। येरमीया ७:४

मत्ती 10:3

फिलीप नु बारथोलोमाइ, थोमास, तिरो पोक्‍ब मत्ती, अल्‍फयस आ तौ याकूब, थदेयस,

मत्ती 5:20

सास्‍त्री नु फरिसी आन पशो क्‍येङा गे रिम्‍शो ठीक गेय मपाइतीनी हना, गेपुकी यो स्‍वर्ग ङा राज्‍य ओव़चा मताइनीनी, दे इन कली देंनुङ। मत्ती २३:२-३३

मत्ती 6:5

परमप्रभु यावे कली प्रार्थना पनीनु, कपटीपुकीमी पशो खोदेंशो पा मपने। मेकोपुकीमी ग्रुम्‍तीक खिंमी, लांमी मुर आन कुल राप्‍शा कोव़पांइसीशा, प्रार्थना पाइनीम। नोफा दाइश्‍शा नेनीने, मेको आन तचा ङा इनाम मारेइ मबाक्‍ब।

मर्कूस 11:25

प्रार्थना पा बाक्‍नीनु, सुइ नु चुरशो बाक्‍तीनी हना, मेको कली माफ गेने। मिनु स्‍वर्गम बाक्‍ब इन आफोमी यो इन मरिम्‍शो पशो क्‍याम्‍शा माफ गेब।

लूका 20:47

मेकोपुकीमी वोंइश बेक्‍शो मीश मुर आन खिं रोइक्‍नीमी, दुइश्‍शो प्रार्थना पा कोंइखु पाइनीम। मोदेंशो पाइबपुकी अरु आन क्‍येङा शुश सजाइ ताइनीम” देंमाक्‍त।

लूका 22:41

मिनु आन बाक्‍तीक आ ता एरे लशा, पोक्‍च थेक्‍शा

गलाती 3:10

सु सुमी चहिं यहूदी आन पतीक पा, ठीक दुम्‍चा माल्‍मे, मेकोपुकी सराप राइनीम। मिनु “परमप्रभु यावेमी अरेशो लोव़ नेल्‍ल टिचा माल्‍ब। सु सुमी लोव़ नेल्‍ल टिशा पशा, का चहिं मटीमे, मेकोपुकी सराप राइनीम” दे ब्रेक्‍शो बाक्‍ब। ब्‍यवस्‍था २७:२६

फिलिप्‍पी 3:6

गो थमा सुइक्‍ब आन कली खेदा पाता। परमप्रभु यावे आ अरेशो लोव़ टिशा, ठीक पाता, दे मिम्‍शा, दोस मताइब दुम्‍ती, देंती। प्रेरित ८:३

प्रकाश 3:17

मिनु गेपुकीमी ‘आंइ के शुश शोंप बाक्‍ब। गो शोंप पाइश्‍शो नकी। गो मारेइ ममाल्‍नीकी’ देंनीनी। तन्‍न गो इन कली श्‍येत जाइब नु प्रुङग, मिक्‍च मताइब नु हेरा शिश्रा गाक्‍शा पुंइब खोदेंशो दुम्‍शो ताता। १कोरिन्‍थी ३:१८; १कोरिन्‍थी ४:८