लूका 17:1 - Sunuwar Bible

¹ काबु येसुमी आ शेंसीब आन कली “मुरपुकीमी पाप पपाइश्‍शा दाइल पाइक्‍चा गोइनीम। तन्‍न सुइमी अरु आन कली दाइल मपपदल, मारदे हना दाइल पपाइक्‍ब कली शुश मरिम्‍शो दुम्‍ब। मत्ती १८:६-७

लूका 17:1 ပူးပေါင်းရင်းမြစ်များ

मत्ती 16:23

मिनु येसुमी नोले हिरशा पत्रुस कली कोव़शा “ए सैतान, इ कुल मकोंइदी। मारदे हना आं लां तेक्‍ब बाक्‍ङे बाक्‍त। गे परमप्रभु यावे आ मिम्‍शो मपथु, मुरुमी मिम्‍शो लोव़ कका पाप्‍तीवी” दे हुइक्‍ताक्‍व।

मत्ती 18:7

पाप पपाइक्‍ब आन पर्बम, आबी आबी। एको रागीमी पाप पपाइक्‍ब शुश जाक्‍‍नीम। तन्‍न सुमी अरु आन कली पाप पपाइक्‍बा, मेको आन कली आबी आबी।

लूका 16:31

मिनु अब्राहाममी ‘ममाइ, परमप्रभु यावे आ ब्रेक्‍पाइश्‍शो लोव़ मटिम्‍तेक्‍म हना, बेक्‍शो रे सेंसीशो मुर तशा यो थमा मसुइक्‍नीम’ देंमाक्‍त” दे येसुमी शेंदीमी बाक्‍त।

रोमी 14:13

मोपतीके आंम आंमा मनाक्‍मुय। थमा सुइक्‍ब लोक्‍ब आन थुं खाइक्‍पाइक्‍चा ङा गेय मपमुय। १कोरिन्‍थी १०:३३

रोमी 16:17

आं लोक्‍बपुकी, एको नेल्‍ल क्‍येङा नोले ङा लोव़ पशा, अर्ती गेनन्‍नी। कोइ मुरुमी ख्रीस्‍त आ लोव़ नेंशा, दूली मिम्‍ताक्‍म। मेको मुरपुकीमी मुल सम्‍म दुशा गारशा बाक्‍शो थमा सुइक्‍ब लोक्‍ब इन कली फ्राचा माल्‍नीम। मेको आन क्‍येङा होस पा बाक्‍कीन। मत्ती ७:१५; २थिस्‍सलोनिकी ३:६; तीतस ३:१०

१ कोरिन्‍थी 10:32

यहूदी नु ग्रीक आन कुल, परमप्रभु यावे कली थमा सुइक्‍ब आन कुल, मुर नेल्‍ल आन कुल, गेना हना यो रिम्‍शो गेय पने। रोमी १४:१३

१ कोरिन्‍थी 11:19

एर ओंथ ब्रा‍शा बाक्‍चा चहिं दुम्‍चा माल्‍ब। मारदे हना लोव़ रुप्‍ब नु मरुप्‍बपुकी दिल्‍नीम। मत्ती १८:७; १यूहन्‍ना २:१९

१ कोरिन्‍थी 8:13

मोपतीके मार देंनुङ देंशा हना, आं कली श्‍ये ब्‍वशो तशा, आं लोक्‍बपुकीमी आन थुं क्‍याल्‍नीम दे तुइक्‍ताक्‍ङ। मिनु मेको आन थुं मक्‍याल्‍मेक्‍ल देंशा, मुल ङा मेरे गो गेनायो श्‍ये मब्‍वाइनुङ दे आं थुं फ्रेंशा, श्‍ये ब्‍वचा प्रोंइता। रोमी १४:२१

१ तिमोथी 4:1

परमप्रभु यावे आ सोक्‍तीमी “नोले ङा नाक्‍तीम का निक्‍शी थमा सुइक्‍बपुकीमी थमा सुइक्‍चा प्रोंइनीम। मेको मुरपुकीमी हेंथे लां कोंइब नु जोल पाइब वोल आन शेंशो नें‍नीम” देंत। मत्ती २४:२४; २थिस्‍सलोनिकी २:३; २तिमोथी ३:१; २पत्रुस ३:३; १यूहन्‍ना २:१८; यहूदा १८

प्रकाश 2:14

तन्‍न गो इन कली लोव़ का पचा माल्‍नुङ। मार लोव़ पचा माल्‍नुङ देंशो हना, गे का निक्‍शीमी मरिम्‍शो गेय पाइतीनी। इन ग्रुम्‍तीके ङा का निक्‍शीमी बालाम माइश्‍शो मुर आ शेंशो थमा सुइक्‍नीमी। बालाममी मार शेंताक्‍व देंशा हना, ङोंइती बालाक माइश्‍शो पिप कली इस्राएल जात ङा वोंइश मुर आन कली खतम सेल्‍तु। दोपा खतम सेल्‍तु देंशा हना, चढ़ेशो थोव़क ब्‍वपाइक्‍तु। मिनु तेल्‍लेम पपाइक्‍तु। गन्‍ती ३१:१६; २पत्रुस २:१५; यहूदा :११

प्रकाश 2:20

तन्‍न इन कली लोव़ का पचा माल्‍नुङ। मार लोव़ पचा माल्‍नुङ देंशा हना, गे इजेबेल माइश्‍शो मीश मुर कली इन ग्रुम्‍तीकेमी बाक्‍चा गेतीनी। इजेबेलमी ‘गो परमप्रभु यावेमी तुइक्‍पाइश्‍शो लोव़ पाइब नङ’ देंखु पा, आं गेय पाइब आन कली मरिम्‍शो पचा शेंताक्‍मी। मार मरिम्‍शो पचा शेंताक्‍मी देंशा हना, तेल्‍लेम पचा नु मूर्ति कली चढ़ेशो थोव़क जचा ब्‍वचा दुम्‍ब, दे शेंताक्‍मी। २राजा ९:२२