लूका 16:23 - Sunuwar Bible

²³ मेको शोंप पाइश्‍शो मुर बेक्‍शो मुर आन बाक्‍तीक जाक्‍दीम्‍माक्‍त। मिनु शुश श्‍येत जशा, ङोन रे कोव़ङानु, लाजरस कली अब्राहाम आ थुकुम बाक्‍शो तवा बाक्‍त।

लूका 16:23 ပူးပေါင်းရင်းမြစ်များ

भजन संग्रह 16:10

मारदे हना गे आं कली बेक्‍चा मगेनीनी। इन योव़शो कली राक्‍चा मगेनीनी। प्रेरित १३:३५

भजन संग्रह 49:15

तन्‍न परमप्रभुमी आं कली तुरस रे प्रोंइब। मेकोमी थमा पा आ बाक्‍तीकेम लाइक्‍ब। ठेयब सेंदा पा।होसे १३:१४; भजन संग्रह ७३:२४

भजन संग्रह 86:13

मारदे हना इन गेना हना यो आं कली दाक्‍तीके ठेयब बाक्‍ब। गे आं कली बेक्‍शो मुर आन नेल्‍ल क्‍येङा आगा ङा बाक्‍तीके रे प्रोंइतीनी।

भजन संग्रह 9:17

परमप्रभु आ अरेशो मटीब रागी रागी ङा मुरपुकी नु मटीबपुकी बेक्‍शो मुर आन बाक्‍तीकेम लाइब बाक्‍नीम।

हितोपदेस 15:24

जोक्‍ब तुइक्‍ब मुर ब्रोंइचा गेब ग्‍येत्‍थ लां लाइब बाक्‍नीम। मोपा बेक्‍शो मुर आन बाक्‍तीक लतीक लुक्‍च लां मलाइनीम।

हितोपदेस 5:5

मेको आ लां बेक्‍चा कली लुक्‍च लाइब। मेको बेक्‍शो मुर आन बाक्‍तीके लचा कली आंम कली तेक्‍ने मचाप्‍ब।

हितोपदेस 7:27

मेको आ खिं बेक्‍शो मुर आन बाक्‍तीक लतीक लां खोदेंशो बाक्‍ब। मेको लां बेक्‍तीक कोठा जाक्‍दीप्‍ब।

हितोपदेस 9:18

मिनु मेको लां गाक्‍ब मुरपुकीमी “मेको आ खिं बेक्‍शो मुर आन बाक्‍तीके बाक्‍ब” दे मतुइक्‍नीम। मिनु मेको आ पौनामी आन कली बेक्‍शो मुर आन बाक्‍तीकेमी ब्रेश्‍शो बाक्‍नीम, दे मतुइक्‍नीम।

यसैया 14:15

तन्‍न गे बेक्‍शो मुर आन बाक्‍तीकेम तोक्‍चा पुंइसाक्‍वे। तुरस क्‍येङा यो उइ तोक्‍चा पुंइसाक्‍वे।

यसैया 14:9

मिनु बेक्‍शो मुर आन बाक्‍तीकेमी इ जाक्‍दीश्‍शो आ पर्बम ग्रांग्‍‍‍ये माग्‍ये दुम्‍नीम। रागी ङा मुरपुकीमी “इन कली ताक्‍चा कली बोक्‍नीम। रागी रागी नु जात जात ङा पिप आन कली आन नित्‍तीक रे पोक्‍शा राप्‍पाइक्‍नीम।

मत्ती 11:23

ए कापेरनाउम, मार गे स्‍वर्ग सम्‍म क्‍युक्‍सीनेवे ङा? नरकम तोक्‍चा पुंइसीनेवे। मारदे हना गेमी तशो छक लाक्‍चा ङा गेय नु चिन्‍ड सोदोम ङा मुरपुकीमी तशो नम हना, आन थुं परमप्रभु यावे गे लेश्‍शा सजाइ रे ब्रोंइचा ताम वा, मिनु सहर मुल सम्‍म ली वा। मत्ती ४:१३; मत्ती ८:५; मत्ती ९:१; यसैया १४:१३,१५

मत्ती 18:9

इ मिक्‍चीमी इ कली पाप पपाइक्‍तु हना, मिक्‍च फेश्‍शा ताइक्‍तो। मारदे हना मिक्‍च निम्‍फा पाइश्‍शा, नरकम ख्रुम्‍चा पुंइसीचा क्‍येङा काना दुम्‍शा, स्‍वर्ग ङा राज्‍यमी ओव़चा तचा रिम्‍शो दुम्‍ब।

मत्ती 23:33

गे बीख पाइश्‍शो बुस्‍स आ खलकपुकी, नरक लतीके सजाइ रे दोपा ब्रोंइनीनी ङा?

मत्ती 5:22

गोमी चहिं इन कली मार देंनुङ देंशा हना, सु मुर नु ईख पा ब्राशा बाक्‍बा, मेको सजाइ गेचा पुंइसीब। सुमी अर्को कली मरिम्‍शो लोव़ पाइबा, मेको कछडी पचा पुंइसीब। सुमी अर्को कली ‘ए मूर्ख’ देंबा, मेको नरक ङा मीम हुम्‍चा पुंइसीब। १यूहन्‍ना ३:१५

मत्ती 5:29

इ ग्‍युरा मिक्‍चीमी इ कली पाप पपाइक्‍तु हना, फेश्‍शा ताइक्‍तो। मारदे हना रां नेल्‍ल नरकम ख्रुम्‍चा पुंइसीचा क्‍येङा रां ङा मिक्‍च का जाम्‍शा लशो रिम्‍शो दुम्‍ब। मत्ती १८:८-९; मर्कूस ९:४७; कलस्‍सी ३:५

मत्ती 8:29

मिनु मार दुम्‍माक्‍त देंशा हना, मेको निक्‍शीमी “परमप्रभु यावे आ तौ, गे नु गोपुकी मार पमुइया ङा? आंइ कली श्‍येत गेची मजाक्‍थु, मुल कना श्‍येत गेथ जाक्‍नी?” दे ग्रीसा बाक्‍त। लूका ४:४१; २पत्रुस २:४; याकूब २:१९

लूका 16:24

मिनु ठेयब सेंदा पा ‘ए, आं आफ अब्राहाम, शिशी पाइय्‍यीनी। मारदे हना गो मीम दुप्‍शा, आं शोव़ सोव़शा बेक्‍चता। लाजरस कली आ ब्रेप्‍चो ब्‍वाक्‍कु ख्रुम्‍शा, ब्‍वाक्‍कु तोक्‍पाइक्‍थ सोइक्‍तीने’ दे ब्रेम्‍माक्‍त।

लूका 16:28

मेको आन कली “इन लोक्‍ब बेक्‍शा, नरक लशा श्‍येत जशा बाक्‍त। आ पशो खोदेंशो मपने। मो पाइतीनी हना, आ खोदेंशो दुम्‍नी” दे माइक्‍थ, लाजरस कली सोइक्‍तीने’ दे सेउ पवा बाक्‍त।

लूका 8:28

मेकोमी येसु कली तशा, वाइ ब्रेश्‍शा, आ ङोंइती बाप्‍शा, ठेयब सेंदा पा “येसु, नेल्‍ल क्‍येङा ठेयब, आ तौ, गो मार पमुया ङा? श्‍येत मगेयीनी, दे सेउ पाइनन्‍नी” देंमाक्‍त।

१ कोरिन्‍थी 15:55

ए बेक्‍चा, इ ग्रातीक ते लमे? ए बेक्‍चा, इ हिंपाइक्‍तीक ते लमे?” दे ब्रेक्‍शो बाक्‍ब।यसैया २५:८,; होसे १३:१४

२ पत्रुस 2:4

का निक्‍शी परमप्रभु यावे आ स्‍वर्ग ङा गेय पाइबपुकी यो पाप पतीके शिशी मतामे। परमप्रभु यावेमी मेको आन कली नरकमी ताइश्‍शा, नेल्‍ल क्‍येङा मरिम्‍शो बाक्‍तीकेमी सोइक्‍ताक्‍मी। मिनु निसाफ पची नाक्‍त सम्‍म छिङछिङमी चोक्‍शा वोइक्‍तीमी।

प्रकाश 20:10

मिनु मुर आन कली मरिम्‍शो लां शेंब दियाबलस गन्‍धक रे हुरुर पा ब्रशो मी ब्रतीकेमी हुम्‍चा पुंइसाक्‍व। मेकेर ठेयब जन्‍तु नु जोल पा परमप्रभु यावे आ लोव़ पखु पाइब यो बाक्‍ताक्‍स। मिनु मेकेर बाक्‍बपुकी नाक्‍दो नाक्‍ती गेना हना यो श्‍येत गेचा पुंइसीनीम। प्रकाश १९:२०