लूका 16:19 - Sunuwar Bible

¹⁹ शुश शोंप पाइश्‍शो मुर का बाक्‍माक्‍त। मेको रिम्‍शो रिम्‍शो फेक्‍शा, ब्रोव़ब्रोव़शो जशा बाक्‍बाक्‍माक्‍त।

लूका 16:19 ပူးပေါင်းရင်းမြစ်များ

एस्‍तर 8:15

मिनु मोरदेकै पिप आ बाक्‍तीक रे दरवार ङा ठेयब नीलो नु बुश फेक्‍तीक वा फेक्‍शा, पियाजी रङ ङा बरखी रुक्‍शा, पियामी सुन के ठेयब सिरपेच गुप्‍शा, सहर लत। मिनु मोरदेकै कली तशा, सुसा सहर ङा मुरपुकी थाम्‍पान ग्‍येरसाक्‍म।

हितोपदेस 14:24

जोक्‍ब मुर आन तुइक्‍तीके आन सिरपेच खोदेंशो बाक्‍ब। तन्‍न मूर्ख आन पशो आन माला खोदेंशो बाक्‍ब।

हितोपदेस 31:22

मेकोमी आ ब्रतीक रिम्‍शो पा सेल्‍ब। मेको आ फेक्‍तीक प्‍याजी रङ ङा रिम्‍शो पा किरशो सुती वा के बाक्‍नीम।

यसैया 3:23

पात्‍लो वा, रिम्‍शो सुती वा, आन पियाम गुप्‍तीक वा नु आन सुम्‍सीतीक वा नेल्‍ल लाइक्‍नुङ।

इजीकीएल 16:13

मोपा गे सुन चांदीम ग्‍योम्‍साक्‍वे। इ वा रिम्‍शो पा किरशो सुती श्‍येले के वा, शुश क्‍येट लाइब वा नु बुटा आप्‍शो दारशो वा दुम्‍तेक्‍म। इ जचा थोव़क रिम्‍शो फस, खुदो नु रिम्‍शो तेल बाक्‍तेक्‍म। गे थम दारशो दुम्‍शा कोल्‍ते। मिनु गे पिपीम दुम्‍चा शिर‍ते।

इजीकीएल 16:49

इ लोक्‍ब सोदोम आ दोस मार बाक्‍त देंशा हना, मेको नु आ तमीपुकी ठेयब लेश्‍शा, शुश जशा ब्‍वशा, शोंप पाइश्‍शो दुम्‍शा बाक्‍तेक्‍म। मेकोपुकीम प्रुङग नु मारेइ मथीब आन कली वारच मपदेम।

इजीकीएल 27:7

इ जहाज ङा वापुकी इजीप्‍त रागी ङा दारशो बुटा आप्‍शा सेल्‍शो रिम्‍शो किरशो सुती वा के बाक्‍तेक्‍म। मेको इ छेदर दुम्‍शो बाक्‍तेक्‍म। मेको एलीशाह रागी ङा समुन्‍द्र आ शुंइच ङा नीलो नु प्‍याजी रङ ङा चाक्‍शो बाक्‍त। उत्‍पत्ती १०:४

मर्कूस 15:17

आ फेक्‍शो वा प्रुइश्‍शा, पिप आन फेक्‍तीक रङ पाइश्‍शो वा फेक्‍पाइश्‍शा, चू के सिरपेच सेल्‍शा, आ पियाम गुप्‍तमे बाक्‍त।

मर्कूस 15:20

मिनु शुक्‍शी पचा रूशा, वा प्रुइश्‍शा, आंम आ वा फेक्‍पाइश्‍शा, ग्रुंइशा, शीमी क्‍येप्‍शा कांटी थोक्‍शा क्‍याइक्‍चा कली लदमे बाक्‍त।

लूका 15:13

मिनु कान्‍छामी इच्‍का नाक्‍त नोले आ अङस नेल्‍ल खुप्‍शा, क्‍येट नेल्‍ल कुरशा गाक्‍माक्‍त। मिनु जशा, तूशा, तेल्‍लेम पा, जवा ग्‍यारशा, क्‍येट नेल्‍ल थुमा बाक्‍त। हितोपदेस २९:३

लूका 16:1

काबु येसुमी आ शेंसीब आन कली “क्‍येट थीब मुर कामी आ मार मार बाक्‍मा, मेको नेल्‍ल हिसाब पाइब का कली जिम्‍मा गेशा वोइश्‍शो बाक्‍माक्‍त। मिनु काबु मुरपुकीमी ‘हजुर, इन हिसाब पाइबमी क्‍येट मारेइ मारेइ हेंथे पा थुम्‍तु’ दे शेंदमे बाक्‍त।

लूका 16:18

सुमी आ मीश कली प्रोंइशा, अर्को मीश चाक्‍बा, मेकोमी मीश वोंइश आस नाता ख्रोइश्‍शा, हें‍थे पाइब। सुमी आ वोंइश नु ब्राशा गाक्‍शो मीश चाक्‍बा, मेकोमी यो वोंइश मीश आस नाता ख्रोइश्‍शा, हेंथे पाइब।

लूका 16:20

आ खिं ङा लाङगाम चहिं जचा मतथु, श्‍येत जशो लाजरस माइश्‍शो मुर का गोल्‍शा बाक्‍बाक्‍माक्‍त। मेको रोइ पा आ रां नेल्‍ल गार ग्रूशा राक्‍शो बाक्‍माक्‍त।

प्रकाश 17:4

मिनु मेको मीश मुर दोदेंशो तांइसाक्‍व देंशा हना, पिप आन फेक्‍शो खोदेंशो वा नु लल वा फेक्‍शो बाक्‍त। सुन, हीरा नु मोती पांइशो बाक्‍त। मेकोमी सुन के कचौरा कुरशो बाक्‍त। मेको कचौरा आ तेल्‍लेम पतीके, ग्रांग्रा दिचा ङा नु मरिम्‍शो गेयमी ब्रीशो बाक्‍त। येरमीया ५१:७

प्रकाश 18:16

“आबी आबी, मेको ठेयब सहर, मेको सहर ङा मुरपुकी शुश क्‍येट लाइब सुती वा, प्‍याजी नु लल रङ ङा वा फेक्‍शो बाक्‍तेक्‍म। मिनु मेकोपुकीम शुश सुन, हीरा नु मोती पांइशो बाक्‍तेक्‍म। प्रकाश १७:४

प्रकाश 18:7

मिनु आंम कली गिश ठेयब सेला, मिश श्‍येत गेशा, सुर्ता नु रोंका पपतीन। मिनु मेकोमी आ थुंमी चहिं ‘गो पिपीम नङ। गो वोंइश बेक्‍शो मीश मुर मनङ। मोपतीके गो सुर्ता गेनायो मपाइनुङ’ देंब। यसैया ४७:७-९

न्‍यायाधीस 8:26

मिनु अरु शुश क्‍येट लाइक्‍ब माला नु आन दलओंठ आ शुरम रेल्‍शो सुन के माला, पिप आन फेक्‍तीक वा मनाक्‍थु, मेकोमी पुंइशो सुन हजार का ७ सहे शेकेल दुम्‍माक्‍‍त। शेकेल का ११.५ ग्राम खोदेंशो बाक्‍ब। गन्‍ती ३१:५०