लूका 15:7 - Sunuwar Bible

⁷ मारदे हना ९९ परमप्रभु यावे गे लेत्‍चा ममाल्‍शो रिम्‍शो पाइब आन क्‍येङा पापी कामी पाप पचा प्रोंइशो तशा, स्‍वर्गम बाक्‍बपुकी ग्‍येरसीनीम” दे शेंताक्‍मी।

लूका 15:7 ပူးပေါင်းရင်းမြစ်များ

हितोपदेस 30:12

का निक्‍शी मुरुमी आंम कली “गो गेना हना यो रिम्‍शो पाइब मुर नङ” देंनीम। तन्‍न मेको आन मरिम्‍शो पशो मक्‍याम्‍सीशो बाक्‍ब। हितोपदेस २०:९

मत्ती 18:13

नोफा दाइश्‍शा नेनीने, थिदानु, मजाम्‍शो ९९ भेडा क्‍येङा मेको थिशो का आ पर्बम शुश ग्‍येरसीब।

मत्ती 3:8

परमप्रभु यावे गे इन थुं लेश्‍शो तचा ङा पा फल सिप्‍पा कोंइदीने।

लूका 15:10

मोपा पापी मुर कामी पाप पचा प्रोंइशा, आ थुं परमप्रभु यावे गे लेत्‍ताक्‍व हना, परमप्रभु यावे आ स्‍वर्ग ङा गेय पाइबपुकी ग्‍येरसीनीम” दे माइक्‍मी बाक्‍त।

लूका 15:29

मिनु आफोमी लेम्‍शा ‘ओव़ङो, गे यो ग्‍येरसो’ देंमेनु ‘मार ग्‍येरसीनुङा, गो शुश बर्स एको खिं ङा गेय पना पन बाक्‍ती। इन लोव़ नेल्‍ल टिशा बाक्‍ती। गेना हना यो रिम्‍शो ला पाता। तन्‍न आं वारचपुकी नु बाक्‍शा ग्‍येरसीचा कली बोका का यो मगेनी।

लूका 15:32

इ लोक्‍ब चहिं बेक्‍शा रे ब्रोंइत। जाम्‍शो रे थिस्‍साक्‍व। मोपतीके गो नेल्‍ल ग्‍येरसय’ देंमाक्‍त” दे येसुमी शेंदीमी बाक्‍त।

लूका 15:6

मिनु आ वारच आन कली ‘आं जाम्‍शो भेडा थिश्‍शा चाक्‍ता। मोपतीके नेल्‍ल ग्‍येरसय’ देंब।

लूका 15:8

मिनु “मार, मीश मुर कामी १० ओटा द्राक्‍मे वोइश्‍शोमी का जाम्‍त हना, बत्ती दाशा, खिं गा, कुना लाङगा नेल्‍ल हिरशा, मथिदा सम्‍म ममाल्‍बा ङा? द्राक्‍‍मे ग्रीक लोव़ बाक्‍ब। मेको देनार का खोदेंशो नाक्‍त का ङा गाल्‍च बाक्‍त। देनार चहिं रोमी लोव़ बाक्‍ब।

लूका 16:15

मिनु येसुमी “मुर आन कली ‘गो ठीक नकी’ देंखु पा कोंइनीनी। मिनु मुरपुकीमी इन कली ठेयब सेल्‍नीम। परमप्रभु यावेमी चहिं इन मिम्‍शो नेल्‍ल तुइक्‍ब। मुर आन दातेमी हिक्‍सीशो नेल्‍ले परमप्रभु यावे आ ङोंइती थम आइक्‍च दुम्‍नीम। लूका १८:९-१४

लूका 5:32

ठीक पाइब आन कली ब्रेत्‍थ जाक्‍शो मनङ। तन्‍न पापी आन कली ‘इन थुं परमप्रभु यावे गे लेत्‍तीन’ दे ब्रेत्‍थ जाक्‍शो नङ” दे माइक्‍मी बाक्‍त।

रोमी 7:9

अरेशो लोव़ मपढेशो नङ हना यो, पाप मतुइक्‍तु वा। तन्‍न मेको लोव़ तुइक्‍तु रे आं थुंमी पाप बोक्‍त। मिनु बेक्‍ती।