लूका 15:4 - Sunuwar Bible

⁴ मिनु “मुर कामी सहे का भेडा थुल्‍शा, मेको आन कली योव़ङानु, भेडा का जाम्‍त हना, मार, मेकोमी लीशो ९९ भेडा आन कली प्रोंइशा, जाम्‍शो कली माल्‍थ मलाइबा ङा? मथिदा सम्‍म माल्‍ना माल्‍न गाक्‍ब। मत्ती १८:१२-१४; लूका १९:१०; इजीकीएल ३४:१२; यूहन्‍ना १०:११-१२

लूका 15:4 ပူးပေါင်းရင်းမြစ်များ

भजन संग्रह 119:176

गो जाम्‍शो भेडा खोदेंशो पा लां जाम्‍शो बाक्‍नुङ। इन गेय पाइब, आं कली माल्‍यीनी। मारदे हना गो इन शेंशो लोव़ मप्रेंनुङ। यसैया ५३:६

यसैया 53:6

गो नेल्‍ले भेडा खोदेंशो दुम्‍शा लां साम्‍तक। गो नेल्‍ले आंम आंमा लां खोइक्‍तक। परमप्रभु यावेमी आंइ मरिम्‍शो पशो नेल्‍ले मेको आ तारी वोइक्‍तु। १पत्रुस २:२५; १यूहन्‍ना ३:५

येरमीया 33:13

मिनु पहाड ङा सहर, शेफेलाह, नेगेब बेन्‍यामीन आ रागी यरूसलेम आ एर ओंथ नु यहूदा ङा सहरम गोठलापुकीमी क्‍यारश भेडा लेंशा हिक्‍शा ओंइनीम” दे परमप्रभु यावेम देंत। येरमीया ३२:४४

येरमीया 50:6

आं मुरपुकी जाम्‍शो भेडा खोदेंशो बाक्‍तेक्‍म। मेको आन गोठलापुकीम मेको आन कली हेंथे गाक्‍पाइश्‍शो बाक्‍तेक्‍म। मिनु मेको आन कली डांडा मेर हिरपाइश्‍शो बाक्‍तेक्‍म। मेकोपुकी डांडा पहाड सम्‍म हिरसाक्‍म। मिनु आन गोठ प्रेंताक्‍मे। येरमीया २३:१

इजीकीएल 34:16

गो जाम्‍शो आन कली माल्‍नुङमी। हेंथे गाक्‍शो आन कली माल्‍शा थिश्‍शा चाक्‍नुङमी। गो गार दुम्‍शो आन कली ओख्‍ती ख्रेक्‍नुङमी। मचाप्‍शो आन कली बोल्‍यो सेल्‍नुङमी। तन्‍न गो दोम्‍शो नु सक्ति पाइश्‍शो आन कली साइक्‍नुङमी। गो मेको आन कली ठीक पा योव़नुङमी” देंत।

इजीकीएल 34:31

गे आं भेडा खोदेंशो ननी। आं योव़तीके ङा भेडा बाक्‍नीनी। मिनु गो इन परमप्रभु नङ” दे परमप्रभु, परमप्रभु यावेमी देंत। भजन संग्रह १००:३

इजीकीएल 34:4

गेपुकीम मचाप्‍शो आन कली बोल्‍यो मसेल्‍नी। रोइ पशो आन कली मसापाइक्‍नी। गार दुम्‍शो आन कली आन गारमी ओख्‍ती मख्रेक्‍तीनी। गेपुकीम लां जाम्‍शो आन कली माल्‍थ लशा मलेत्‍तीनी। गे जाम्‍शो आन कली ममाल्‍थु, मरिम्‍शो पा सासन पशो बाक्‍तीनी। जकरिया ११:१५-१६; यूहन्‍ना १०:११

इजीकीएल 34:8

परमप्रभु, परमप्रभु यावेमी “गो आं ब्रोंइशा बाक्‍शो खोदेंशो पा, आं भेडा सिखार दुम्‍तेक्‍म। गोठला मबाक्‍तीके ब्‍वाकी ङा जन्‍तु आन जचा थोव़क दुम्‍तेक्‍म। मिनु आं गोठलापुकीम आं भेडा आन कली ममलेम। तन्‍न आंम कली ला कोव़साक्‍म। आं भेडा आन कली चहिं मकोव़ङेम।

मत्ती 12:11

मिनु येसुमी “सुइ इन के कांइचीक भेडा नाइक्‍तीक नाक्‍त खाल्‍टाम बिक्‍त हना, मेको कली कीशा मग्रुंइनीनी ङा? लूका १४:३-५

लूका 13:15

मिनु प्रभुमी हुइक्‍ब मुर कली “ए कपटी, गे नाइक्‍तीक नाक्‍ती इन ब्‍यफ नु गधा आन कली प्रोंइशा, ब्‍वाक्‍कु मतूपाइक्‍नीनी ङा? लूका १४:५

लूका 15:3

मिनु येसुमी मेको आन थुं मनुशो तुइक्‍ता बाक्‍त।

लूका 19:10

रागीम जरमेशो लां साम्‍शो आन कली लां कोंइथ जाक्‍त” देंमाक्‍त। लूका ५:३२; इजीकीएल ३४:१६; १तिमोथी १:१५

रोमी 2:1

गे अरु आन कली दोस गेचा दाक्‍बपुकी, नेनीने, सु बाक्‍तीनी हना यो, दोस गेचा मदुम्‍ब, दे तुइक्‍तीन। दोस गेतीनी हना, दोसी दुम्‍नीनी, मारदे हना दोस गेबपुकी दोस ताइब आन पशो गेय खोदेंशोन पशो बाक्‍नीम, दे रुपीन। मत्ती ७:२; यूहन्‍ना ८:७; याकूब ४:१२

१ पत्रुस 2:25

ङोंइती गे हेंथे गाक्‍ब भेडा खोदेंशो बाक्‍तीनी। तन्‍न मुल इन गोठला नु इन थुं कोव़ब आ नेक्‍था लेश्‍शा जाक्‍तीनी। यसैया ५३:६; यूहन्‍ना १०:१२