लूका 15:3 - Sunuwar Bible

³ मिनु येसुमी मेको आन थुं मनुशो तुइक्‍ता बाक्‍त।

लूका 15:3 ပူးပေါင်းရင်းမြစ်များ

यसैया 53:6

गो नेल्‍ले भेडा खोदेंशो दुम्‍शा लां साम्‍तक। गो नेल्‍ले आंम आंमा लां खोइक्‍तक। परमप्रभु यावेमी आंइ मरिम्‍शो पशो नेल्‍ले मेको आ तारी वोइक्‍तु। १पत्रुस २:२५; १यूहन्‍ना ३:५

यसैया 65:19

गो यरूसलेम तशा ग्‍येरसीनुङ, आं मुर आन कली तशा, आं थुं ग्‍येरशा प्रेक्‍ब। मेना मेकेर ङाक्‍शो नु श्‍येत जशा ङाक्‍शो मनेंसीब।

मत्ती 10:6

तन्‍न गोठला मबाक्‍शो, लां जाम्‍शो भेडा खोदेंशो, इं इस्राएली आन बाक्‍तीके लने। मत्ती १५:२४; प्रेरित १३:४६

मत्ती 13:3

मिनु कथा सेल्‍शा, शुश लोव़ शेंताक्‍मी। कथा का ओं देंत “मुर कामी वांचेर शोक्‍थ लमाक्‍त।

मत्ती 9:13

चढ़ेतीक ममाइ, तन्‍न शिशी पशो तचा दाक्‍नुङ, दे देंशो आ अर्थ मार बाक्‍म, दे शेंसीने। ठीक पाइब आन कली ब्रेत्‍थ जाक्‍शो मनङ। पापी आन कली ब्रेत्‍थ जाक्‍शो नङ” दे माइक्‍तीमी। होसे ६:६; मत्ती १२:७; १सामुएल १५:२२; मत्ती १८:११

लूका 15:2

मिनु फरिसी नु सास्‍त्रीपुकीमी तिरो पोक्‍ब नु पापी शुश येसु नु काथा बाक्‍शा जशो तशा “मेको मुरुमी पापी आन कली ब्राइब। पापीपुकी नु काथा बाक्‍शा, खमे जाइब” दे आन थुं मनुथु, लोव़ पामे बाक्‍त। लूका ५:३०; लूका १९:७

लूका 15:4

मिनु “मुर कामी सहे का भेडा थुल्‍शा, मेको आन कली योव़ङानु, भेडा का जाम्‍त हना, मार, मेकोमी लीशो ९९ भेडा आन कली प्रोंइशा, जाम्‍शो कली माल्‍थ मलाइबा ङा? मथिदा सम्‍म माल्‍ना माल्‍न गाक्‍ब। मत्ती १८:१२-१४; लूका १९:१०; इजीकीएल ३४:१२; यूहन्‍ना १०:११-१२

यूहन्‍ना 21:16

मिनु येसुमी लेंशा पत्रुस कली “योआन्‍नेस आ तौ सिमोन, गे आं कली दाक्‍नेवे” दे हिल्‍लो पाप्‍तु। मिनु पत्रुसमी “दाक्‍नन्‍नी, प्रभु, गे तुइक्‍नीनी” दे माइक्‍तु। मिनु येसुमी “आं भेडा आन कली कोव़मी” देंत। १पत्रुस ५:२,४

प्रेरित 21:20

आ लोव़ नेंशा, परमप्रभु यावे कली ठेयब सेल्‍तेक्‍म। मिनु मेकोपुकीमी पावल कली “आंइ लोक्‍ब, इ देंशो नेल्‍ल रिम्‍शो बाक्‍ब। तन्‍न गो इ कली लोव़ का निक्‍शी देंनीकी। इं यहूदीपुकी हजार हजार जना ख्रीस्‍त कली थमा सुइक्‍ब दुम्‍तेक्‍म, दे तुइक्‍नेवे। मेकोपुकीमी थमा सुइश्‍शा यो इं यहूदी अरेशो लोव़ काइ मप्रोंइथु पचा माल्‍ब देंनीमी। प्रेरित १५:१