लूका 15:28 - Sunuwar Bible

²⁸ मिनु मेको नेल्‍ल नेंशा ‘खिं मओव़नुङ’ दे चुरशा बाक्‍माक्‍त। मत्ती २०:१५

लूका 15:28 ပူးပေါင်းရင်းမြစ်များ

यसैया 65:5

मेकोपुकीमी ‘गे मेके उइ बाक्‍कीन। आंइ नेक्‍था मपिने। मारदे हना इन थिशो मजाइनुङ’ देंनीम। मेकोपुकी आं कली मरिम्‍शो रिना पाइश्‍शो कुन खोदेंशो दुम्‍शा, गेना हना यो ब्रशो मी बाक्‍नीमी।

यसैया 66:5

परमप्रभु यावे आ लोव़ क्‍येङा हिंशा, ख्रिंख्रि पाइबपुकीम “आं लोव़ नेनीन। इन लोक्‍बपुकीमी गेपुकी आं मुर दुम्तीके इन कली काइ मदाक्‍थु, तिल्‍नीम। मेकोपुकीमी ‘परमप्रभु यावे कली ठेयब सेलल। मिनु गो इन ग्‍येरशा बाक्‍शो तकल’ देंनीम। तन्‍न मेकोपुकी मुने दोक्‍नीम। लूका ६:२२

येरमीया 35:16

रेकाब आ तौ योनादाब आ चच युइमी आन किकी पिपीमी अरेशो टीनीम। तन्‍न एको मुरपुकीम आं देंशो मटिशो बाक्‍नीम” देंत।

योना 4:9

मिनु परमप्रभुमी योना कली “गे मेको रवा आ पर्बम गाइक्‍चा, ठीक दुम्‍बा ङा?” दे लोव़ पवानु, मेकोमी “गो मबेक्‍ङा सम्‍म गाइक्‍नुङ” दे लोव़ लेत्‍ता बाक्‍त।

मत्ती 20:11

मिनु ताक्‍शा, मेको आन थुं मनुथु, होव़प कली

मर्कूस 1:40

मिनु कोर पाइब का जाक्‍शा, येसु आ ङोंइती आ पोक्‍च थेक्‍शा “सापाइक्‍चा दाक्‍ताक्‍नी हना, आं कली सापाइक्‍ने चाप्‍नीनी” दे सेउ पशा पुना बाक्‍त।

लूका 13:34

मिनु यरूसलेम कली “ए यरूसलेम, यरूसलेम, परमप्रभु यावे आ लोव़ पाइब आन कली साइक्‍तीवी। इ कली शेंथ सोइश्‍शो आन कली फुल्‍लु क्रोम्‍ताक्‍वी। पोव़थीमी आ चितोली आन कली पुप्‍शो खोदेंशो पा, गो शुश खेयप इ आल आन कली पुप्‍चा माल्‍ती, गे चहिं मबिस्‍से। मत्ती २३:३७-३९; लूका १९:४१-४४

लूका 15:2

मिनु फरिसी नु सास्‍त्रीपुकीमी तिरो पोक्‍ब नु पापी शुश येसु नु काथा बाक्‍शा जशो तशा “मेको मुरुमी पापी आन कली ब्राइब। पापीपुकी नु काथा बाक्‍शा, खमे जाइब” दे आन थुं मनुथु, लोव़ पामे बाक्‍त। लूका ५:३०; लूका १९:७

लूका 15:27

मेकोमी ‘इन लोक्‍ब जाक्‍त। मिनु इन आफोमी जाक्‍शो तशा, ग्‍येरसीशा, दोम्‍शो बाछा क्‍योरपाइक्‍तु’ देंमाक्‍त।

लूका 15:29

मिनु आफोमी लेम्‍शा ‘ओव़ङो, गे यो ग्‍येरसो’ देंमेनु ‘मार ग्‍येरसीनुङा, गो शुश बर्स एको खिं ङा गेय पना पन बाक्‍ती। इन लोव़ नेल्‍ल टिशा बाक्‍ती। गेना हना यो रिम्‍शो ला पाता। तन्‍न आं वारचपुकी नु बाक्‍शा ग्‍येरसीचा कली बोका का यो मगेनी।

लूका 24:47

मिनु यरूसलेम रे पा रागी नेल्‍ल ङा मुर आन कली ‘गे इन थुं परमप्रभु यावे गे लेत्‍चा माल्‍नीनी। मिनु येसु ख्रीस्‍त आ नेंमी पाप क्‍याम्‍चा तांइसीब’ दे नेंपाइक्‍चा माल्‍ब” देंमाक्‍त। प्रेरित २:३८ प्रेरित १७:३०

लूका 5:30

मिनु फरिसी नु सास्‍त्रीपुकीमी मेको आन कली काथा बाक्‍शो तशा, आन थुं मनुथु येसु आ शेंसीब आन कली “मारदे गे तिरो पोक्‍ब नु पापीपुकी नु काथा बाक्‍शा जाइनीनी?” देंमा बाक्‍त।

लूका 7:39

मिनु फरिसीमी मो पशो तशा “येसु परमप्रभु यावे आ लोव़ पाइब बाक्‍त हना, आ कली थीब मीश मुर दोदेंशो बाक्‍म, दे तुइक्‍त वा। मारदे हना पापी बाक्‍ब” दे मिम्‍ता बाक्‍त।

प्रेरित 13:45

मोपा शुश मुर देल्‍शो तशा, यहूदी आन थुं चोव़मे बाक्‍त। मिनु पावलमी लोव़ शेंदानु, मेकोपुकीमी आ लोव़ ख्रोइश्‍शा, जिचा पोक्‍ग्‍मे बाक्‍त।

प्रेरित 13:50

ख्रीस्‍त कली थमा मसुइक्‍ब यहूदीपुकीमी यहूदी धर्म मानेब ठेयब मीश मुर नु सहर ङा सरकार ङा ठेयब मुर आन कली पोक्‍शा, पावल नु बारनाबास आस कली मेको रागी रे ग्रुंइदमे बाक्‍त।

प्रेरित 14:19

मिनु नोले एन्‍टीओक नु आइकोनीयम सहर रे थमा मसुइक्‍ब यहूदीपुकी जाक्‍मा बाक्‍त। मेकोपुकीमी सहर ङा मुर आन कली पोक्‍शा, पावल कली साइक्‍चा कली फुल्‍लु क्रोम्‍पदमे बाक्‍त। मिनु बेक्‍त, दे आ रां लाइश्‍शा, सहर रे ग्रुंइशा ताइक्‍तमे बाक्‍त। २कोरिन्‍थी ११:२५; २तिमोथी ३:११

प्रेरित 14:2

मिनु थमा मसुइक्‍ब यहूदीपुकीमी अर्को रागी ङा मुर आन कली पोक्‍शा “मेको आस शेंशो लोव़ मनेंचा” दे आन थुं हिरपा मरिम्‍शो पचा गोव़मे बाक्‍त।

रोमी 10:19

मोपा यो इस्राएलीमी एको लोव़ मरुप्‍मे ङा? मोसामी यहूदी आन पर्बम ओदेंशो ब्रेक्‍शो बाक्‍त “अर्को रागी ङा मुरपुकीमी आं कली थमा सुइक्‍चा गेनुङमी। मिनु गेपुकीमी अरु आन कली आं गे पिशो तशा, रुश पा थमा सुइक्‍नीनी, दे परमप्रभु यावेम देंत” दे ब्रेक्‍शो बाक्‍त। ब्‍‍यवस्‍था ३२:२१

२ कोरिन्‍थी 5:20

मिनु गो ख्रीस्‍त आ पर्बम मुर आन कली गेय पाइब बाक्‍नीकी। परमप्रभु यावेमी आंइ पतीकेमी मुर आन कली ब्रेप्‍ब। गोपुकी ख्रीस्‍त आ पर्बम मुर नेल्‍ल आन कली “परमप्रभु यावे नु गारब दुमीने” दे शेंनीकी। लूका १०:१६

१ थिस्‍सलोनिकी 2:16

दोपा श्‍येत गेम्‍तेक्‍म देंशा हना, रागी रागी ङा मुर आन कली पाप रे ब्रोंइचा ताइनीम, दे आंइ कली लोव़ पचा मगेम। मोदेंशो पा यहूदीम आन पाप गेना हना यो तेम्‍ना तेम्‍न बाक्‍नीम। मोपतीके परमप्रभु यावेमी मेको आन कली चुरशा सजाइ गेब। मत्ती २१:३२-३३

१ सामुएल 17:28

मेको कली मुरपुकी नु लोव़ पा बाक्‍शो आ लोक्‍ब एलीआबम नेना बाक्‍त। मिनु मेको गाइक्‍ता बाक्‍त। मेकोम दाऊद कली “गे मारदे एक बाक्‍ङे? गोरशो रागीम बाक्‍शो मेको इच्‍का खोइ भेडापुकी यो सु कली कोव़पाइक्‍मी? गो इ कली तुइक्‍नुङ। गे मटीब नु हेंथे पाइब बाक्‍नेवे। गे एक लडाइ कोव़थ ला जाक्‍शो नवे” दे मदा बाक्‍त।

१ सामुएल 18:8

मिनु सावल थाम्‍पा गाइक्‍ता बाक्‍त। मेको लोव़ नेंशा थाम्‍पा आ थुं खुरसे बाक्‍त। मेकोमी दाऊद कली चहिं “१० हजार, हजार तन्‍न आं कली चहिं हजार हजार ला देंतेक्‍म। मुल मेको कली पिप सेल्‍चा का ला लीत” दे मिम्‍ता बाक्‍त।