लूका 13:4 - Sunuwar Bible

⁴ सिलोआमी नेल्‍ल क्‍येङा लाइश्‍शो खिं ब्रेम्‍मेनु, १८ जना चिप्‍शा बेक्‍मा बाक्‍त। मोपा बेक्‍शोपुकी यरूसलेम सहरम बाक्‍ब नेल्‍ल आन क्‍येङा मरिम्‍शो बाक्‍मा बाक्‍त, दे मिम्‍नी‍नी? ममाइ, मेको इन खोदेंशोन नम।

लूका 13:4 ပူးပေါင်းရင်းမြစ်များ

१ राजा 20:30

मिनु मेको आन दाते ङा लीशोपुकी अफेक ङा सहरम प्रोक्‍मा बाक्‍त। मिनु मेकेर ङा गारो ब्रेश्‍शा १७ हजार आन कली चिप्‍ता बाक्‍त। बेन-हादाद चहिं सहर ओव़शा, ख्रुइश्‍शा बाक्‍माक्‍त।

नेहेम्‍याह 3:15

मिनु कोल-होजे आ तौ, मिस्‍पा सहर ङा ठेयब हुकुम पाइब शाल्‍लुममी ब्‍वाक्‍कु बुक्‍तीक लाप्‍चो प्रोव़तु। मेकोमी साप्‍शा ठेयब लाप्‍चो सेल्‍शा, थारशा, लाप्‍चो पाइक्‍तीके नु चोक्‍तीके आग्‍लो वोइक्‍तु। मेकोमी पिप आ फल फुल रू आ नेक्‍था ङा शेलाह माइश्‍शो दोम्‍ली ङा गारो प्रोव़शा, दाऊद आ सहर रे ब्रुप्‍तीके सम्‍म ङा गारो प्रोव़तु। नेहेम्‍याह २:१४; २राजा २०:२०; यूहन्‍ना ९:७

अय्‍युब 1:19

मेना गोरशो रागी रे फश गिवार जाक्‍शा, खिं आ एर ओंथ नेल्‍ल रे थोक्‍ताक्‍व। मिनु मेको खिं मेको आन तार ब्रेश्‍शा, मेको नेल्‍ल आन कली चिप्‍शा साइक्‍तु। इन कली एको लोव़ शोव़चा कली गो का ला ब्रोंइती” देंमाक्‍त।

यसैया 8:6

“मेको मुरपुकीम शीलोआ ङा रिम्‍शो ब्‍वाक्‍कु प्रोंइनीम। रेसीन नु रेमाल्‍याह आ तौ आस क्‍येङा हिंशा, मेको आस नोले खोइक्‍तेक्‍म।

मत्ती 18:24

मिनु हिसाब ताक्‍गानु, मुर कामी १० हजार टलेन्‍ट शुश जेर थुइश्‍शो बाक्‍माक्‍त। टालेन्ट का ६ हजार द्राक्‍मे कि ३४ किलो खोदेंशो बाक्‍त।

मत्ती 6:12

आंइ मरिम्‍शो पशो क्‍याम्‍शा गेने। मारदे हना गो यो आंइ कली मरिम्‍शो पाइब आन कली माफ गेतक। मत्ती १८:२१-३५

लूका 11:4

आंइ मरिम्‍शो पशो क्‍याम्‍शा गेकी। मारदे हना गो यो आंइ कली मरिम्‍शो पाइब आन कली का का पा माफ गेनीकी। सैतानमी आंइ थुं थाम्‍चा मगेने’ दे प्रार्थना पने” दे शेंदीमी बाक्‍त।

लूका 13:3

इन थुं परमप्रभु यावे गे मलेत्‍ताक्‍नी हना, गे यो मोदेंशो पा बेक्‍नीनी।

लूका 13:5

इन थुं परमप्रभु यावे गे मलेत्‍ताक्‍नी हना, गे यो मोदेंशो पा बेक्‍नीनी” दे माइक्‍मी बाक्‍त।

यूहन्‍ना 9:11

मेकोमी “येसु माइश्‍शोमी खप निशा, आं मिक्‍चीम ख्रेक्‍ताक्‍यी। मिनु ‘सिलोआ ङा दोम्‍लीम लशा चिक्‍सो’ दे माइक्‍ती। मिनु गो दोम्‍ली लशा चिक्‍सीङानु, मिक्‍च ताइब दुम्‍ती” दे माइक्‍तीमी।

यूहन्‍ना 9:7

मिनु मिक्‍च मताइब कली “सिलोआ ङा दोम्‍लीम लशा चिक्‍सो” दे माइक्‍तु। सिलोआ दें‍शो चहिं सोइश्‍शो, दे रुम्‍सीब। मिनु मेको लशा चिक्‍से बाक्‍त। मिनु मिक्‍च ताइब दुम्‍शा, लेश्‍शा जाक्‍त।

प्रेरित 28:4

टापुमी बाक्‍बपुकीमी पावल आ गुइ बुस्‍सुम गिल्‍शो तशा “एको मुर मुर साइक्‍ब बाक्‍माक्‍त। समुन्‍द्रमी फश गिवार पा ग्रुम्‍शा हेररा बेक्‍शा यो ब्रोंइशा, रागीमी ग्रूशा यो बुस्‍सुमी कोक्‍शा बेक्‍ब दुम्‍त” देंमुम्‍तेक्‍म।