लूका 13:12 - Sunuwar Bible

¹² मिनु येसुमी मेको मीश मुर कली तशा “एक पिवो” दे ब्रेत्‍ता बाक्‍त। मिनु पिमेनु “आं तमी, कूंजी दुम्‍शो रे प्रोंइतन” देंशा आ गुइ मेको तारी वोदा बाक्‍त।

लूका 13:12 ပူးပေါင်းရင်းမြစ်များ

भजन संग्रह 107:20

मेकोमी आ लोव़ सोइश्‍शा, मेको आन कली सापाइक्‍तु। मेको आन कली बेक्‍चा रे प्रोंइतु।

यसैया 65:1

परमप्रभु यावेमी “गो आं कली मतुइक्‍ब आन कली माल्‍ब सेल्‍तामी। आं कली ममाल्‍बमी आं कली थित्‍तीमी। आं नें मथीब रागी ङा मुर आन कली गो ‘गो एके बाक्‍ती। गो एके बाक्‍ती’ दे माइक्‍तामी। रोमी १०:२०

योएल 3:10

गे इन फाली शोल्‍शा, तुप्‍शा तरवार सेलीन। मिनु इन गुये तुप्‍शा, तूतीक भाला सेलीन। मिनु गे हिंब मुरपुकीमी ‘गो बोल्‍यो लडाइ पाइब नकी’ देनीन। यसैया २:४

मत्ती 4:23

मिनु गालील रागी तेइ तेइ हिरना हिरन लमानु, येसुमी ग्रुम्‍तीक खिंमी स्‍वर्ग ङा राज्‍य ङा ग्‍येरपाइक्‍ब लोव़ शेंना शेंन नु रोइ पशो नु रोइमी गुरशो मुर नेल्‍ल आन कली सापाइक्‍ना पाइक्‍न गाक्‍बाक्‍माक्‍त।

मत्ती 8:16

में नाक्‍दो वोलमी सुम्‍शो शुश मुर आन कली चाक्‍गमे बाक्‍त। मिनु वोल आन कली लोव़ रे खेरमी बाक्‍त। रोइ पाइब नेल्‍ल आन कली सापाइक्‍मी बाक्‍त।

लूका 13:11

मेकेर वोलम तशा, १८ बर्स कूंजी दुम्‍शो मीश का मुर बाक्‍माक्‍त। मेको गुर ब्‍वेशो बाक्‍माक्‍त। रिम्‍शो पा राप्‍ने मचाप्‍बाक्‍माक्‍त।

लूका 13:13

मोपा वोदानु, साशा राम्‍माक्‍त। मिनु ग्‍येरशा परमप्रभु यावे कली ठेयब सेला बाक्‍त।

लूका 13:16

एको मीश मुर अब्राहाम आ तमी बाक्‍ब। सैतानमी एको कली १८ बर्स सम्‍म रोइम गुरपाइश्‍शा वोइश्‍शो बाक्‍त। मिनु एको कली नाइक्‍तीक नाक्‍ती मप्रोंइचा? मसापाइक्‍चा?” दे हुइक्‍ता बाक्‍त। लूका १९:९