लूका 13:11 - Sunuwar Bible

¹¹ मेकेर वोलम तशा, १८ बर्स कूंजी दुम्‍शो मीश का मुर बाक्‍माक्‍त। मेको गुर ब्‍वेशो बाक्‍माक्‍त। रिम्‍शो पा राप्‍ने मचाप्‍बाक्‍माक्‍त।

लूका 13:11 ပူးပေါင်းရင်းမြစ်များ

अय्‍युब 2:7

मिनु सैतान परमप्रभु यावे आ ङोंइती रे गाक्‍माक्‍त। मेकोमी अय्‍युब आ पिया रे खोइल सम्‍म गार मुपदा बाक्‍त। ब्‍यवस्‍था २८:२७

भजन संग्रह 145:14

मिनु परमप्रभु यावेमी गोल्‍शो नेल्‍ल आन कली पोक्‍ब। मेकोमी आन थुं लुक्‍च लशो आन कली आन थुं बारपाइक्‍ब। भजन संग्रह १४६:८

भजन संग्रह 146:8

परमप्रभु यावेमी मिक्‍च मताइब आन कली ताइब सेल्‍ब। मिनु आन थुं लुक्‍च लशो मुर आन कली आन थुं बारपाइक्‍ब। परमप्रभु यावेमी ठीक पाइब आन कली दाक्‍ब। भजन संग्रह १४५:१४

भजन संग्रह 38:6

गो नाक्‍त रे आं पिया खुक्‍शा, रोंका पा गुर ब्‍वेशा गाक्‍शो बाक्‍नुङ।

भजन संग्रह 42:5

आं थुं, गे मारदे लुक्‍च लाइनेवे? मारदे ग्‍येत्‍थ लुक्‍च दुम्‍नेवे? परमप्रभुमी मार पाइबा, मेको रिम्‍दो। मिनु नोले मेकोमी आं कली श्‍येत रे प्रोंइशो तशा, गो परमप्रभु कली ठेयब सेल्‍नुङ। मारदे हना मेको आं कली श्‍येत रे प्रोंइब नु आं परमप्रभु बाक्‍ब।

भजन संग्रह 6:2

परमप्रभु यावे, गे आं कली शिशी पने। मारदे हना गो बेक्‍चा चिक्‍शो बाक्‍नुङ। गे आं कली सापाइय्‍यीनी। मारदे हना आं खोइली ख्रिंख्रि पाइब।

मत्ती 4:23

मिनु गालील रागी तेइ तेइ हिरना हिरन लमानु, येसुमी ग्रुम्‍तीक खिंमी स्‍वर्ग ङा राज्‍य ङा ग्‍येरपाइक्‍ब लोव़ शेंना शेंन नु रोइ पशो नु रोइमी गुरशो मुर नेल्‍ल आन कली सापाइक्‍ना पाइक्‍न गाक्‍बाक्‍माक्‍त।

मर्कूस 9:21

मिनु येसुमी आ आफ कली “गेना रे ओदेंशो दुम्‍शो?” दे हिल्‍लो पवानु, आ आफोमी “आइक्‍च रेन,

लूका 13:12

मिनु येसुमी मेको मीश मुर कली तशा “एक पिवो” दे ब्रेत्‍ता बाक्‍त। मिनु पिमेनु “आं तमी, कूंजी दुम्‍शो रे प्रोंइतन” देंशा आ गुइ मेको तारी वोदा बाक्‍त।

लूका 13:16

एको मीश मुर अब्राहाम आ तमी बाक्‍ब। सैतानमी एको कली १८ बर्स सम्‍म रोइम गुरपाइश्‍शा वोइश्‍शो बाक्‍त। मिनु एको कली नाइक्‍तीक नाक्‍ती मप्रोंइचा? मसापाइक्‍चा?” दे हुइक्‍ता बाक्‍त। लूका १९:९

लूका 21:28

मेको चिन्‍डपुकी दुम्‍शो तनीनु, इन पिया पोक्‍शा, ठेयब थुं पा ग्‍येरसीने। मारदे हना श्‍येत रे प्रोंइब इन नेक्‍था जाक्‍शो बाक्‍ब” दे शेंदीमी बाक्‍त। फिलिप्‍पी ४:४,५

लूका 8:2

मेको नु मीश मुर का निक्‍शी यो बाक्‍मा बाक्‍त। मेको वोल ग्रुंइशो नु रोइ रे साशो बाक्‍मा बाक्‍त। मेको आन दातेमी माग्‍दाला ङा मरीयम बाक्‍माक्‍त। येसुमी मेको रे पा ७ ओटा वोल ग्रुंइशो बाक्‍माक्‍त। यूहन्‍ना २०:१,११-१८

लूका 8:27

मिनु जाक्‍दीश्‍शा, डोंगा रे तोंइसामानु, वोलम सुम्‍‍शो मुर का सहर रे पिशा, येसु आ ङोंइती जाक्‍माक्‍त। मेको मुर वोलम सुमा रे शिश्रा गाक्‍शा, खिंमी मबाक्‍थु, बेक्‍शो मुर वोइक्‍तीकेमी बाक्‍शो बाक्‍माक्‍त। मोपा बाक्‍शो शुश बर्स दुम्‍शो बाक्‍माक्‍त।

लूका 8:43

मेको हुलमी १२ बर्स रे हुश याप्‍शा रोइ पशो मीश मुर का बाक्‍माक्‍त। मेकोमी ओख्‍ती पा आ बाक्‍शो नेल्‍ल थुम्‍शो बाक्‍माक्‍त। तन्‍न सुइमी मेको कली आ रोइ सापाइक्‍ने मचाप्‍शो बाक्‍मा बाक्‍त।

प्रेरित 3:2

मेकेर जरमेसे रेन खोइल मदुक्‍ब मुर का बाक्‍माक्‍त। मेको कली नाक्‍त किंत किंत कुरशा चाक्‍शा, खिं ओव़ब आन कली पुंइदीमील, दे “रिम्‍शो लाप्‍चो” नें पाइश्‍शो लाप्‍चो आ ङोंइती वोइक्‍बाक्‍मा बाक्‍त।

प्रेरित 4:22

साशो मुर चहिं ४० बर्स लाक्‍शो बाक्‍माक्‍त। मोपतीके मेको कली साशो तशा, नेल्‍ल छक लाक्‍मा बाक्‍त।