लूका 12:48 - Sunuwar Bible

⁴⁸ होव़प आ देंशो मतुइक्‍थु, मरिम्‍शो पाप्‍तु हना, इच्‍का ला तुप्‍‍चा पुंइसीब। सुमी शुश रुप्‍शा तुइश्‍शो बाक्‍मे, मेकोम शुश जिम्‍मा ब्राइबा। मिनु सुमी शुश जिम्‍मा ब्राइबा, मेको शुश जिम्‍मा वारी दुम्‍ब” दे शेंदीमी बाक्‍त।

लूका 12:48 ပူးပေါင်းရင်းမြစ်များ

लेवी 5:17

सुइ मुरुमी परमप्रभु यावेमी मपचा, दे शेंशो पाप्‍तु हना, मेकोमी मेको मतुइक्‍ताक्‍व हना यो, मेको दोस ताइब दुम्‍शो बाक्‍ब। मिनु मेको सजाइ ताइब दुम्‍ब।

गन्‍ती 15:27

मिनु सुइमी मतुइक्‍थु पाप पाप्‍तु हना, मेकोमी आ पाप आ पर्बम बर्स का गाप्‍शो क्‍यारश आ पाठी का चढ़ेचा माल्‍ब। लेवी ४:२७-२८

मत्ती 13:12

थीबमी तेम्‍शा गेचा पुंइसीब, मिनु शुश दुम्‍ब। मथीब चहिं बाक्‍शो यो रोइक्‍चा पुंइसीब। हितोपदेस ९:९; मत्ती २५:२८-२९; मर्कूस ४:२४; लूका ८:१८

मत्ती 23:14

सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना दुइश्‍शो प्रार्थना पा कोंइखु पा वोंइश बेक्‍शो मीश मुर आन शोंप नेल्‍ल नेक्‍शा गेनीनी। मोपतीके अरु आन क्‍येङा शुश सजाइ ताइनीनी।

लूका 12:41

मिनु पत्रुसमी “प्रभु, एको लोव़ गो आंइ कली ला शेंदीनी देय मुर नेल्‍ल आन कली शेंदीनी?” दे हिल्‍लो पवानु,

लूका 12:49

मिनु येसुमी शेंना शेंन “गो एको रागीम मी जेत्‍थ जाक्‍शो नङ। एको मी आं क्‍येङा ङोंइती जेश्‍शो हना, रिम्‍शो दुम वा।

लूका 16:2

मिनु क्‍येट थीबमी आ हिसाब पाइब कली ब्रेश्‍शा ‘गेमी आं क्‍येट थुम्‍शा गेयी बाक्‍त। ङोंइती रे ङा दोशो चेमी दोशो थुमी, लो, नेल्‍ल कोंइदी। मुल ङा मेरे इ कली मवोइक्‍नन’ दे मदा बाक्‍त।

यूहन्‍ना 15:22

गो रागीमी जाक्‍शा, मेको मुर आन कली शेंताक्‍ङमी। आं लोव़ तुइश्‍शा यो मटीमे। मोपतीके मेकोपुकी पाप राइनीमी। यूहन्‍ना ९:४१

प्रेरित 17:30

मुल सम्‍म गे मतुइक्‍तीनी। मिनु मतुइक्‍थु देवता आन कली सेउ पाइबाक्‍तीनी। मतुइक्‍थु मो पशो तुइश्‍शा, परमप्रभु यावेमी इन कली दोस मगेब। मुल चहिं परमप्रभुमी मुर नेल्‍ल आन कली ‘इन थुं आं गे लेत्‍तीन’ दे ब्रेप्‍ब। प्रेरित १४:१६; लूका २४:४७

ब्‍यवस्‍था 25:2

मिनु मरिम्‍शो पाइब का तुप्‍चा सजाइ पुंइसाक्‍व हना, मेको निसाफ पाइब आ ङोंइतीन मेको कली खोल्‍शा, मेको आ पाप गिश खेयप तुप्‍चा ङा बाक्‍मे, मिश खेयप मेको कली तुप्‍चा माल्‍नीम।

१ तिमोथी 1:11

मेको थमा शेंतीके नु नेल्‍ल आसीक पाइश्‍शो परमप्रभु यावे आ ग्‍येरपाइक्‍ब लोव़ शेंब सेल्‍ती।

१ तिमोथी 1:13

ङोंइती गो मेको कली शुक्‍शी पाइब, श्‍येत गेब नु शुश मरिम्‍शो पाइब बाक्‍ती। तन्‍न मतुइक्‍ब नु थमा मसुइक्‍ब बाक्‍तीके परमप्रभु यावे आ शिशी ताता।

१ तिमोथी 6:20

तिमोथी, इ कली शेंशो लोव़ रिम्‍शो पा पावो। जाम्‍शा लाइब लोव़ नु जिचा पोक्‍तीक लोव़, तुइक्‍ब थुं रे पीब देंखु पाइनीम। मेको रे ङोन बाक्‍को। २तिमोथी १:१२-१४; १तिमोथी ४:७

तीतस 1:3

आ दाक्‍शो ना मुर आन कली आ लोव़ तुइक्‍पाइक्‍तु। दोपा तुइक्‍पाइक्‍तु देंशा हना, इं मरिम्‍शो गेय रे प्रोंइब परमप्रभु यावेम “आं लोव़ शेंदीमी” देंत। एफिसी १:९-१०

याकूब 3:1

आं लोक्‍बपुकी, शुश शेंब मुर मदुमीन। मारदे हना परमप्रभुमी मेको शेंसीब आन क्‍येङा शेंब आन कली शुश कोव़शा, आन लोव़ नेंशा, निसाफ पाइब।