लूका 12:45 - Sunuwar Bible

⁴⁵ तन्‍न मेको गेय पाइबमी ‘आं होव़प इच्‍का नोले जाक्‍ब’ दे मिम्‍शा, मेकोमी गेय पाइब वोंइश मुर, मीश मुर आन कली तुप्‍शा श्‍येत गेशा, जशा तूशा, दुक्‍शा पाप्‍तु हना,

लूका 12:45 ပူးပေါင်းရင်းမြစ်များ

अय्‍युब 24:23

परमप्रभुम मेको आन कली प्रोंइतु हना यो, मेकोमी मेको आन कली गेना हना यो कोव़शो बाक्‍ब।

यसैया 65:6

कोव़ङीन, आं ङोंइती मार ब्रेक्‍शो बाक्‍त देंशा हना ‘गो सिक्‍सी पा मबाक्‍नुङ। तन्‍न गो क्‍येक्‍क लेत्‍नुङ। गो थमा पा क्‍येक्‍क लेत्‍नुङ’।

येरमीया 20:2

मिनु पश्‍हुरमी परमप्रभु यावे आ लोव़ पाइब येरमीया कली तुप्‍‍तु। मिनु परमप्रभु यावे आ खिंम बाक्‍शो बेन्‍यामीन आ इर तला ङा लाप्‍चोम बाक्‍शो ठेंङरो थोक्‍ताक्‍व। प्रेरित १६:२४

इजीकीएल 12:22

“ए मुर, इस्राएल रागी आ पर्बम मार लोव़ बाक्‍बा? नाक्‍ती लाक्‍ना लाक्‍न बाक्‍नीम। मिनु परमप्रभु यावे आ कोंइतीके मखाप्‍‍नीम। २पत्रुस ३:४

इजीकीएल 34:8

परमप्रभु, परमप्रभु यावेमी “गो आं ब्रोंइशा बाक्‍शो खोदेंशो पा, आं भेडा सिखार दुम्‍तेक्‍म। गोठला मबाक्‍तीके ब्‍वाकी ङा जन्‍तु आन जचा थोव़क दुम्‍तेक्‍म। मिनु आं गोठलापुकीम आं भेडा आन कली ममलेम। तन्‍न आंम कली ला कोव़साक्‍म। आं भेडा आन कली चहिं मकोव़ङेम।

मत्ती 22:6

लीशोपुकीमी ब्रेत्‍थ जाक्‍ब आन कली शुक्‍शी पा ग्‍याइश्‍शा तुप्‍शा सदमे बाक्‍त। मत्ती २१:३५

लूका 12:44

नोफा दाइश्‍शा नेनीने, मेको होव़पमी आ बाक्‍शो मारेइ मारेइ मेको गेय पाइब कली जिम्‍मा गेब।

लूका 12:46

आ ममिम्‍शो मतुइश्‍शो नाक्‍त आ होव़प लेश्‍शा जाक्‍ब। मिनु मेकोमी मेको गेय पाइब कली सजाइ गेशा, मरिम्‍शो गेय पाइबपुकी नु काथा वोइक्‍ब।

लूका 21:34

आं देंशो मप्रेंथु होस पा बाक्‍कीन। शांबु राकसी दुक्‍शा मबाक्‍कीन। मार जचा मार फेक्‍चा, दो पचा, दे शुश ममिम्‍तीने। मारदे हना आं देंशो लोव़ इन मतुइक्‍थु दुम्‍ब। मर्कूस ४:१९; १थिस्‍सलोनिकी ५:३

यूहन्‍ना 2:10

“मुर नेल्‍लेमी ङोंइती ब्रोव़शो अङगुर शांबु योक्‍नीम। तूशा रांइदमे नोले मब्रोव़शो योक्‍नीम। गे चहिं मुल सम्‍म ब्रोव़शो अङगुर शांबु खेक्‍शा वोइश्‍शो बाक्‍ते” दे माइक्‍तु।

प्रेरित 2:18

आं वाइलीम वाइल आन कली यो आं सोक्‍तीम प्रिंनुङमी। मिनु मेकोपुकीमी यो आं लोव़ पाइनीम।

रोमी 16:18

मेकोपुकीमी येसु ख्रीस्‍त आ गेय मपाइनीम। आन कोव़ज प्रिंचा ला मिम्‍शा, गेय पाइनीम। मिलो शिलो लोव़ पा रिम्‍शो लोव़ नेंब आन थुं क्‍याल्‍नीम। मोदेंशो मुर आन क्‍येङा होस पा बाक्‍कीन। फिलिप्‍पी ३:१९; कलस्‍सी २:४

२ कोरिन्‍थी 11:20

सुइ मुरुमी इन कली वाइलीम वाइल सेल्‍तेक्‍म हना, रोइक्‍ताक्‍म हना, जोल पाम्‍तेक्‍म हना, बोरशा कोंइताक्‍म हना नु इन चोचो राप्‍तेक्‍म हना यो फाल्‍शा बाक्‍बाक्‍तीनी।

ब्‍यवस्‍था 12:12

मिनु गेपुकी, इन तमी तौ, वाइलीम वाइल, इन सहरम बाक्‍शो आंम कली शोंप मतशो लेवी नेल्‍ल परमप्रभु यावे, इन परमप्रभु आ ङोंइती ग्‍येरसीचा माल्‍नीनी। ब्‍यवस्‍था १०:९

१ थिस्‍सलोनिकी 5:7

इप्‍बपुकी नाक्‍दो इप्‍नीम, दुक्‍बपुकी नाक्‍दो दुक्‍शा बाक्‍नीम।

२ पत्रुस 2:13

आन मरिम्‍शो पशो आ पर्बम मरिम्‍शो पाइक्‍चा पुंइसीनीम। नाक्‍तीम आन दला दाक्‍स पशा ग्‍येरशा बाक्‍नीमी। गेपुकी नु भोज जशा, मुने दोक्‍चा ङा पा इन ग्रुम्‍तीक खिं मरिम्‍शो लुम्‍सीशो सेल्‍ब बाक्‍नीम।

२ पत्रुस 2:19

मेकोपुकीमी “गे पाप रे प्रोंइशो मुर बाक्‍नीनी” दे लोव़ पाइनीम। तन्‍न ग्रांग्रा दिचा ङा गेय आन वाइल बाक्‍नीम। मार मारमी मुर आन कली ग्राबा, मेको आन वाइल दुम्‍नीम। गलाती ५:१३; १पत्रुस २:१६

प्रकाश 16:6

रागी ङा मुरपुकीमी इन योव़शो मुर नु इन लोव़ पाइब आन कली क्‍योरशा, आन हुश शाइक्‍पाइश्‍शा साइक्‍तेक्‍म। मिनु गे मेको रागी ङा मुर आन कली हुश तूपाइक्‍तीनी। मार पामे, मेको ताम्‍तेक्‍म” देंशो नेंता।

प्रकाश 18:24

मिनु मेको सहर ङा मुरपुकीमी परमप्रभु यावे आ लोव़ पाइबपुकी नु परमप्रभु यावे आ योव़शो मुर आन कली साइश्‍शो बाक्‍तेक्‍म। नेल्‍ल रागी ङा सु सु मुर साइश्‍शो बाक्‍मा, मेको सहरमी साइश्‍शो बाक्‍तेक्‍मे” दे परमप्रभु यावे आ स्‍वर्ग ङा गेय पाइबमी देंत। प्रकाश ६:१०; प्रकाश १७:६