लूका 12:43 - Sunuwar Bible

⁴³ आ होव़प लेश्‍शा जाक्‍मेनु, आ गेय पाइबमी आ अरेशो गेय पना पन बाक्‍शो थित्‍तु हना, मेको गेय पाइब आसीक राइब दुम्‍ब।

लूका 12:43 ပူးပေါင်းရင်းမြစ်များ

भजन संग्रह 101:6

गो रागी ङा थमा सुइक्‍चा पुंइसीब मुर आन कली दाक्‍शा कोव़नुङ। मिनु गो नु बाक्‍चा गेनुङमी। सु सु दोस मततीक लां गाक्‍नीमी, मेको आन कली आं गेय पाइ‍ब सेल्‍नुङमी। हितोपदेस २२:११

हितोपदेस 27:18

सुमी फोव़शी रवा खाल पाइबा, मेकोमी फल जचा ताइब। सुम आ होव़प कली रिम्‍शो पा कोव़बा, मेको मान पाइक्‍चा पुंइसीब।

यसैया 56:2

सु मेको पाइबा, मेको ग्‍येरसीशो मुर दुम्‍‍ब। आं नाइक्‍तीक नाक्‍ती नाइक्‍ब नु अरु नाक्‍ती खोदेंशो पा गेय मपाइब नु मरिम्‍शो मपाइब, ग्‍येरसीशो मुर बाक्‍ब” देंत। यसैया ५८:१३; उत्‍पत्ती २:२-३; प्रस्‍थान १६:२३; प्रस्‍थान २०:८; येरमीया १७:२१-२२

मत्ती 24:46

आ होव़प लेश्‍शा जाक्‍शा, आ गेय पाइबमी आ देंशो टिशा पशो तशा ‘रिम्‍शो’ पाप्‍तीवी देंब।

लूका 12:37

मोदेंशो गेय पाइब आसीक ताइब बाक्‍नीम। होव़प लेश्‍शा जाक्‍मेनु, आ गेय पाइब आन कली मइप्‍थु रिम्‍शा बाक्‍शो थित्‍‍तु हना, आ होव़प थाम्‍पा ग्‍येरसीशा, मेको आन कली निप्‍पाइश्‍शा थुल्‍ब।

लूका 12:42

प्रभुमी “होव़पमी आ खिं कोव़ब कली जची जाक्‍मेनु जचा गेचा, दे अरेशा वोइक्‍चा पुंइसीब। मेको खोदेंशो निप्‍स पाइश्‍शो थमा सुइक्‍चा पुंइसीशो गेय पाइब सु बाक्‍बा?

लूका 12:44

नोफा दाइश्‍शा नेनीने, मेको होव़पमी आ बाक्‍शो मारेइ मारेइ मेको गेय पाइब कली जिम्‍मा गेब।

२ पत्रुस 3:14

आं दाक्‍शो लोक्‍बपुकी, मोदेंशो रिम्‍शा, गल्‍ती मपाइब नु दोस मताइब दुम्‍चा कली शुश गेय पने। परमप्रभु यावेमी इन कली मोदेंशो पशो नु थुं नाइश्‍शा बाक्‍शो ग्रुम्‍चा दाक्‍ब। १कोरिन्‍थी १:७-८