लूका 12:4 - Sunuwar Bible

⁴ आं वारचपुकी, इन रां कली साइक्‍ने चाप्‍बपुकी तशा महिनीन। मारदे हना साइक्‍ने थुम्‍शा, नोले मारेइ पने मचाप्‍नीम।

लूका 12:4 ပူးပေါင်းရင်းမြစ်များ

हितोपदेस 29:25

मुर क्‍येङा हिंचा ब्‍वारद खोदेंशो बाक्‍ब। तन्‍न परमप्रभु यावे कली थमा सुइक्‍चा ब्रोंइतीक बाक्‍ब। मत्ती १०:२८

ठेयब कुम्सो 5:1

ए आं समी, आं ग्‍युम्‍ली, गो आं फल फुल रूमी जाक्‍ती। गो आं ब्रोव़शो रिना पाइश्‍शो मूरे नु मस्‍ला खुप्‍ताक्‍ङमी। गो आं सुरबु चाका नु आं खुदो जाइनुङ। गो आं अङगुर शांबु नु आं दूध तूनुङ। ए वारचपुकी, जने तूङीन। वारचपुकी दाक्‍तीकेम दुक्‍शो खोदेंशो दुमीन।

ठेयब कुम्सो 5:16

ए यरूसलेम ङा मीश आलपुकी, मेको आ शोव़ ब्रोव़शो लोव़मी ब्रीशो बाक्‍ब। मेको थम दारशो बाक्‍ब। मेकोन आं दाक्‍शो वोंइश मुर नु आं वारच बाक्‍ब।

यसैया 41:8

मिनु परमप्रभु यावेमी “आं गेय पाइब इस्राएल, आं योव़शो याकूब, आं वारच अब्राहाम आ चच युइ बाक्‍ब। यसैया ४२:१९; यसैया ४३:१०; यसैया ४४:१,२१; यसैया ४५:४; भजन संग्रह १३५:४; याकूब २:२३

येरमीया 1:17

गे चहिं बोक्‍शा, ठीक दुमो। मिनु गो इ कली मार, मार, अरेङा, मेको आन कली माइक्‍मी। गे मेको आन क्‍येङा महिनो। मो पाप्‍तीवी हना, गो इ कली मेको आन ङोंइती हिंपाइक्‍नन।

येरमीया 1:8

गे मेको आन क्‍येङा महिनो। मारदे हना गो इ कली प्रोंइचा कली गे नु बाक्‍नुङ” दे परमप्रभु यावेमी देंत। प्रस्‍थान ३:१२

येरमीया 41:18

मेकोपुकी कल्‍दी आन क्‍येङा हिंशो बाक्‍तेक्‍म। मारदे हना बेबीलोन ङा पिपमी मेको रागी कली योव़शा वोइश्‍शो हुकुम पाइब अहीकाम आ तौ गेदाल्‍याह कली नेथन्‍याह आ तौ इश्‍माएलमी साइश्‍शो बाक्‍त।

इजीकीएल 2:6

मिनु गे मेकोपुकी नु मेको आन लोव़ नेंशा महिनो। गे इ एर ओंथ चू नु चोंक बाक्‍तेक्‍म नु गे बिच्छी आन दातेम बाक्‍ते हना यो, महिनो। मेकोपुकीम मार देंतेक्‍म हना यो, मेको आन लोव़ क्‍येङा महिनो। मेको आन कोव़शोम ग्‍येत्‍थ लुक्‍च मदुमो। मारदे हना मेको मटीब आन खिं ङा मुर बाक्‍नीम। येरमीया १:८

मत्ती 10:28

इन रां कली साइक्‍ने चाप्‍ब। तन्‍न इन सोक्‍ती कली साइक्‍ने मचाप्‍बपुकी आन कली तशा महिनीन। रां नु सोक्‍त निम्‍फा नरकमी खतम पने चाप्‍ब कली तशा चहिं हिनीन। हिब्रू १०:३१; याकूब ४:१२

यूहन्‍ना 15:13

सु आ वारच आ पर्बम साइक्‍चा पुंइसीबा, मेको नेल्‍ल क्‍येङा ठेयब दाक्‍ब वारच बाक्‍ब। यूहन्‍ना १०:११; १यूहन्‍ना ३:१६

प्रेरित 20:24

गो साइक्‍चा पुंइसाक्‍ङ हना यो, एको आं गिंम मारेइ ममिम्‍नुङ। प्रभु येसुमी आं कली पपाइश्‍शो लोव़ ‘परमप्रभु यावेमी मुर आन कली शिशी पाइब’ आ ग्‍येरपाइक्‍ब लोव़ कली तुइक्‍पाइक्‍‍नुङ। प्रेरित २१:१३; २तिमोथी ४:७

प्रेरित 4:13

पत्रुस नु यूहन्‍ना शुश मशेंसीशो बाक्‍ताक्‍स हना यो, जोक्‍ब तुइक्‍ब खोदेंशो पा महिंथु, ठेयब थुं पा लोव़ पाम्‍से बाक्‍त। मेको लोव़ नेंशा, कछडी पाइबपुकी छक लाक्‍मा बाक्‍त। मिनु मेको निक्‍शी थमा पा येसु नु काथा गाक्‍ब काथा बाक्‍ब बाक्‍सा बाक्‍त, दे तुइक्‍तमे बाक्‍त।

फिलिप्‍पी 1:28

इन कली श्‍येत गेब आन कली तशा काइ महिनीन। मेकोन मेको आन कली ब्रुतीक चिनु बाक्‍ब। इन कली चहिं ब्रोंइतीक चिनु दुम्‍ब। मेको परमप्रभु यावे रे दुम्‍ब। २थिस्‍सलोनिकी १:५

याकूब 2:23

मिनु अब्राहाम आ पर्बम ब्रेक्‍शो लोव़ ठीक दुम्‍माक्‍त। मार ब्रेक्‍शो बाक्‍त देंशा हना “अब्राहाममी परमप्रभु यावे कली थमा सुदा बाक्‍त। मेको थमा सुइश्‍शोमी अब्राहाम कली ठीक सेला बाक्‍त” दे ब्रेक्‍शो बाक्‍त। मिनु मुरपुकीमी अब्राहाम कली “परमप्रभु यावे आ वारच” दे याइनी नें वोदमे बाक्‍त। उत्‍पत्ती १५:६; यसैया ४१:८

१ पत्रुस 3:14

ठीक पशा यो मोशा श्‍येत जाइतीनी हना, आसीक ताइब दुम्‍नीनी। इन कली श्‍येत गेब कली महिनीन। इन थुंमी ग्‍येत्‍थ लुक्‍च मदुमीन। १पत्रुस २:२०; मत्ती ५:१०

प्रकाश 2:10

मिनु मुल इन कली श्‍येत दुम्‍चाप्‍तु। तन्‍न महिनीने। नेनीन, मुल दियाबलस सैतानमी गे का निक्‍शी इन कली थुं थाम्‍चा कली जेल्‍खानम चोक्‍पाइक्‍ब। गे १० नाक्‍त सम्‍म ला श्‍येत जाइनीनी। साइक्‍चाम्‍तेक्‍म हना यो, फाल्‍शा थमा सुइक्‍चा मप्रोनीन। मो पाइतीनी हना, गो इन कली गेना हना यो ब्रोंइशा बाक्‍तीक सिरपेच गेनुङ। मत्ती १०:१९,२८; प्रकाश ३:११; २तिमोथी ४:८