लूका 12:20 - Sunuwar Bible

²⁰ मिनु परमप्रभु यावेमी मेको कली ‘गे मूर्ख नवे। मारदे हना मुलाक्‍दो बेक्‍नेवे। मिनु इ खुप्‍शा उप्‍शो शोंप सुम जाइबा?’ दे मदा बाक्‍त।

लूका 12:20 ပူးပေါင်းရင်းမြစ်များ

एस्‍तर 5:11

मिनु मेको आन कली “आं शोंप, आं थेरशो रू नु शुश तौ बाक्‍नीम। मिनु पिपमी सासन पाइब नु गेय पाइब नेल्‍ल आन क्‍येङा आं कली शुश मान गेशो बाक्‍ब” दे आ नें बोरपाइश्‍शा लोव़ पाप्‍तु।

अय्‍युब 27:8

परमप्रभु यावे आ अरेशो मटीब मुर बेक्‍चामेनु, परमप्रभुम मेको आन सोक्‍त लाइक्चावानु, मेको आन के मार आस बाक्‍बा ङा? लूका १२:२०

भजन संग्रह 39:6

मुरपुकी वांकु खोदेंशो पा गाक्‍शो बाक्‍नीम। मेकोपुकी मोशा सुर्ता पाइनीम। शुश शोंप तेल्‍नीम। मेको सुम जाइबा मतुइक्‍नीम। भजन संग्रह ४९:१७-२१; उपदेसक २:१८-२१; लूका १२:१५-२१

भजन संग्रह 49:10

मिनु नेल्‍लेमी जोक्‍ब तुइक्‍ब मुर, मूर्ख नु मिम्‍तीक मपाइश्‍शो नेल्‍ल बेक्‍नीम, दे तुइश्‍शो बाक्‍नीम। मिनु आन शुश क्‍येट नेल्‍ल अरु आन कली प्रोंइशा लाइनीम। उपदेसक २:१६; उपदेसक ६:२

भजन संग्रह 73:19

मेको मतुइक्‍थु रीब पा खतम दुम्‍नीम। मेकोपुकी हिंतीकेमी योल्‍चा पुंइसीशो बाक्‍नीम।

भजन संग्रह 78:30

तन्‍न मेकोपुकीमी ब्‍वना ब्‍वन, आन ब्‍वशो श्‍ये आन शोव़म बाक्‍ना बाक्‍न,

हितोपदेस 10:2

परमप्रभु यावे कली मटिथु, चेम्‍शो शोंप शोर गाक्‍ब। सु ठीक पाइब बाक्‍मे मेको बेक्‍तीक रे ब्रोंइ‍ब।

हितोपदेस 11:4

गाइश्‍शो नाक्‍ती शुश शोंप शोर गाक्‍शो दुम्‍‍ब। तन्‍न ठीक प‍तीकेमी बेक्‍तीक रे प्रोंइब। लूका १२:२०; हितोपदेस १०:२

हितोपदेस 13:7

का निक्‍शी मुर प्रुङग बाक्‍शा यो “क्‍येट थीब नङ” देंखु पाइनीम। का निक्‍शी मुर चहिं क्‍येट थीब बाक्‍शा यो “प्रुङग नङ” देंखु पाइनीम। प्रकाश २:९; प्रकाश ३:१७

हितोपदेस 27:1

“दीसा पाइनुङ” दे ठेयब लेश्‍शो लोव़ मपावो। मारदे हना मेको नाक्‍त मार दुम्‍बा गे मतुइक्‍नेवे। याकूब ४:१३,१४

हितोपदेस 28:8

सुम आ क्‍येट मुर कली शुश चाइक्‍ब ताक्‍चा कली गेबा, मेको आ क्‍येट प्रुङग आन कली शिशी पाइब मुर कली हेक्‍ब।

यसैया 56:12

मेकोपुकीमी ‘जाक्‍कीन, अङगुर शांबु ग्‍याप्‍य। राकसी तूशा, दुक्‍य। दीसा यो मुलाक्‍त ङा खोदेंशो दुम्‍ब। मेको क्‍येङा यो रिम्‍शो दुम्‍ब’ देंनीम” देंत।

येरमीया 17:11

मुर, आंम आ मपशो ब्‍वोफु पुप्‍ब क्‍येन्‍रे खोदेंशो बाक्‍ब। मेकोमी हेंथे पा शोंप चेम्‍ब। मेको आ ब्रोंइतीक नाक्‍ती उइक्‍थ दुम्‍मेनु, मेको आ शोंपोम मेको मुर कली प्रोंइब। मिनु आ बेक्‍ची ना मेको कली मूर्ख मिम्‍सीब। लूका १२:२०

आमोस 6:13

गेपुकी लो-देबार सहर आ पर्बम ग्‍येरसाक्‍नी। मिनु ‘मार, गोपुकीमी इं सक्तिम कारनाइम सहर मग्रासे ङा?’ देंनीनी।

नहुम 1:10

आ जोरी सत्रु चूम रेश्‍शो खोदेंशो पा रेश्‍शो बाक्‍नीम। मिनु दुक्‍शो मुर खोदेंशो पा दुक्‍नीम। मिनु सोव़शो नल खोदेंशो पा मीम नेक्‍चा पुंइसीनीम।

लूका 11:40

गे मूर्खपुकी, सुमी आ लाङगा ङा सेला, आगा ङा यो मेकोम सेल्‍शो ममाइ ङा?

१ थिस्‍सलोनिकी 5:3

मेना मुरुमी “दुशा बाक्‍नय, मारेइ मदुम्‍ब” देंतेक्‍म हना यो, आल कुरशो मीश मुर आल थिचा रोइ गेना पाइबा मतुइक्‍ब। मोदेंशो खोदेंशो पा मुरपुकी मब्रोंइचा ङा पा श्‍येत जाइनीम। येरमीया ६:१४; मत्ती २४:३९

१ तिमोथी 6:17

गे मुल शुश क्‍येट थीब आन कली “ठेयब लेश्‍शो मदुमीन। जाम्‍शा लाइब शोंप कली आस मपथु, परमप्रभु यावे कली आस पने। मारदे हना परमप्रभु यावेमी इं कली शुश तेम्‍शा गेब। आ गेशो तशा ग्‍येरसीन” दे माइक्‍मी। भजन संग्रह ६२:११; लूका १२:१५-२१

१ तिमोथी 6:7

मारदे हना गोपुकीम जरमेशोनु, मारेइ पने मचाक्‍नय। बेक्‍शोनु यो मारेइ मलाइक्‍नय। अय्‍युब १:२१; भजन संग्रह ४९:१८; उपदेसक ५:१४

याकूब 4:14

दीसा नित्‍थी मार दुम्‍बा, ब्रोंइनीनी कों, बेक्‍नीनी कों मारेइ मतुइक्‍नीनी। इन गिंम मार में? मेको गोस्‍स खोदेंशो बाक्‍ब, इच्‍का का ला लीशा, जाम्‍ब। लूका १२:२०