लूका 12:19 - Sunuwar Bible

¹⁹ मिनु मेकोमी ‘शुश बर्स कली जाक्‍दीप्‍ब। शुश शोंप गे नु बाक्‍ब। मोपतीके जशा तूशा ग्‍येरशा बाक्‍को’ दे आंम थुं कली देंमाक्‍त। भजन संग्रह ४९:१-२०

लूका 12:19 ပူးပေါင်းရင်းမြစ်များ

अय्‍युब 14:1

मिनु लेंशा अय्‍युबमी “मीश मुर रे जरमेशो बेक्‍शा लाइब मुर इच्‍का नाक्‍त ब्रोंइशा, श्‍येत ला जाइब।

भजन संग्रह 49:18

मिनु मेको ब्रोंइमा सम्‍म “गो आसीक ताइब नकी” देंनीम। मुरपुकीमी थीब मुर आन कली ठेयब सेल्‍नीम। १तिमोथी ६:७ लूका १२:१६-२१; लूका १६:१९-३१

भजन संग्रह 62:10

मुर आन कली दिप्‍शा “रिम्‍शो दुम्‍नुङ” दे ममिम्‍तीन। खुइ पशो मार मार तशा, ठेयब मलेतीन। इन शोंप शुश दुम्‍त हना यो, मेको कली थमा मसुतीन। मत्ती १९:२२; लूका १२:१५-२१; १तिमोथी ६:९,१७

हितोपदेस 10:2

परमप्रभु यावे कली मटिथु, चेम्‍शो शोंप शोर गाक्‍ब। सु ठीक पाइब बाक्‍मे मेको बेक्‍तीक रे ब्रोंइ‍ब।

हितोपदेस 14:24

जोक्‍ब मुर आन तुइक्‍तीके आन सिरपेच खोदेंशो बाक्‍ब। तन्‍न मूर्ख आन पशो आन माला खोदेंशो बाक्‍ब।

हितोपदेस 18:11

थीब मुर आन शोंप मेको आन कली बोल्‍यो सहर खोदेंशो बाक्‍ब। मेकोपुकीमी आन शोंप कली ठेयब गारो खोदेंशो मिम्‍नीम। हितोपदेस १०:१५

हितोपदेस 23:5

मेको याम का तशा नोले, चिक्‍ब खोदेंशो पा बेरशा लाइब। मेको ककाकुली खोदेंशो पा सरीङ गे बेरशा लाइब।

हितोपदेस 27:1

“दीसा पाइनुङ” दे ठेयब लेश्‍शो लोव़ मपावो। मारदे हना मेको नाक्‍त मार दुम्‍बा गे मतुइक्‍नेवे। याकूब ४:१३,१४

उपदेसक 11:9

ए ठिटा मुर, गे ठिटा बाक्‍ङेनु ग्‍येरसो। इ थुंमी गे ठिटा बाक्‍ङेनु ग्‍येरपदल। इ त‍शो नु इ थुंमी मिम्‍शो आस नोले खोतो। तन्‍न परमप्रभुमी मेको नेल्‍ल तुइश्‍शा निसाफ पाइब, दे मिम्‍तो। उपदेसक २:२४

उपदेसक 2:24

मुरुमी जचा, तूचा नु आंम गेयमी ग्‍येरशा बाक्‍चा क्‍येङा लाक्‍शा अरु मारेइ रिम्‍शो मबाक्‍ब। मेको यो परमप्रभु रे जाक्‍शो तशो बाक्‍नुङ। उपदेसक ३:१२,२२; उपदेसक ५:१७; उपदेसक ८:१५; उपदेसक ९:७

यसैया 22:13

तन्‍न गेपुकीमी ग्‍येरशा, ब्‍यफ नु भेडा क्‍योरशा, ब्‍वशा, अङगुर शांबु तूशा “लो, जय ब्‍वय, तूय, मारदे हना दीसा बेक्‍नय” देंतीनी। १कोरिन्‍थी १५:३२

यसैया 5:11

आबी, गे राक‍सी तूचा कली सुनी कना बोक्‍बपुकी, नाक्‍दो सम्‍म शांबु तूना तून दुक्‍शा बाक्‍नीनी।

यसैया 5:8

आबी, गे शुश खिं नु रू ग्‍याप्‍ब। नोले सुइ मुर इ नेक्‍था मबाक्‍नीम। मारदे हना रू नु खिं नेल्‍ल इ के बाक्‍नीम। ब्‍यवस्‍था ५:२१

यसैया 56:12

मेकोपुकीमी ‘जाक्‍कीन, अङगुर शांबु ग्‍याप्‍य। राकसी तूशा, दुक्‍य। दीसा यो मुलाक्‍त ङा खोदेंशो दुम्‍ब। मेको क्‍येङा यो रिम्‍शो दुम्‍ब’ देंनीम” देंत।

होसे 12:8

एफ्राइममी “गो शुश क्‍येट थीब दुम्‍ती। गो शोंप पाइश्‍शो बाक्‍नुङ। आं शुश क्‍येट चेम्‍तीके ‘गे पाप पाप्‍तीवी’ दे दोस गेने मचाप्‍नीम” देंत। प्रकाश ३:१७

आमोस 6:13

गेपुकी लो-देबार सहर आ पर्बम ग्‍येरसाक्‍नी। मिनु ‘मार, गोपुकीमी इं सक्तिम कारनाइम सहर मग्रासे ङा?’ देंनीनी।

हबकुक 1:16

मोपतीके मेकोपुकीमी आन ग्‍याइल कली क्‍योरशा चढ़ेनीम। आन ग्‍याइक्‍तीके कली चोशा चढ़ेनीम। मारदे हना मेको ग्‍याइल नु ग्‍याइक्‍तीके रे पा शुश तशा, ब्रोव़शो जाइनीम।

लूका 12:18

मोपतीके खिं प्रेश्‍शा अन्‍न वोइक्‍तीक ठेयब खिं सेल्‍शा, बाक्‍शो अन्‍न नेल्‍ल मेकेर उप्‍नुङ’।

लूका 16:19

शुश शोंप पाइश्‍शो मुर का बाक्‍माक्‍त। मेको रिम्‍शो रिम्‍शो फेक्‍शा, ब्रोव़ब्रोव़शो जशा बाक्‍बाक्‍माक्‍त।

लूका 21:34

आं देंशो मप्रेंथु होस पा बाक्‍कीन। शांबु राकसी दुक्‍शा मबाक्‍कीन। मार जचा मार फेक्‍चा, दो पचा, दे शुश ममिम्‍तीने। मारदे हना आं देंशो लोव़ इन मतुइक्‍थु दुम्‍ब। मर्कूस ४:१९; १थिस्‍सलोनिकी ५:३

१ कोरिन्‍थी 15:32

एफिसस सहरम शेंना शेंन बाक्‍ङानु, मेकेर ङा मुरपुकीमी जोइ वां खोदेंशो पा खेदा पतीमी। मुर बेक्‍शो रे मसेंसीनीम हना, जय तू्‍य मारदे हना दीसा बेक्‍नय। यसैया २२:१३

फिलिप्‍पी 3:19

नोले मेकोपुकी जाम्‍शा लाइनीम। आन कोव़ज कली परमप्रभु यावे क्‍येङा ठेयब बाक्‍ब, दे मुने पचा ङा गेयमी आंम कली ठेयब सेल्‍सीशा, आन थुंमी रागी ङा माल्‍शो ला मिम्‍नीम। रोमी १६:१८

१ तिमोथी 5:6

आ दला दाक्‍स पाइब चहिं सेस बाक्‍त हना यो, बेक्‍शो खोदेंशो दुम्‍ब।

१ तिमोथी 6:17

गे मुल शुश क्‍येट थीब आन कली “ठेयब लेश्‍शो मदुमीन। जाम्‍शा लाइब शोंप कली आस मपथु, परमप्रभु यावे कली आस पने। मारदे हना परमप्रभु यावेमी इं कली शुश तेम्‍शा गेब। आ गेशो तशा ग्‍येरसीन” दे माइक्‍मी। भजन संग्रह ६२:११; लूका १२:१५-२१

२ तिमोथी 3:4

मुर आन कली श्‍येतम ख्रुम्‍नीम। चुइश्‍शा गेय पाइनीम। “गो जोक्‍नुङ” दे बोरशा, मुर आन लोव़ मनेंनीम। आंम दला दाक्‍स ला पाइनीम। परमप्रभु यावे कली मदाक्‍नीम।

याकूब 5:5

गेपुकी रागीमी दुक्‍चा, जचा, ब्‍वचामी शुश शोंप पाइश्‍शो दुम्‍शा, ग्‍येरशा बाक्‍तीनी। मिनु क्‍योरची नाक्‍त कली थुल्‍शा दोम्‍पाइश्‍शो खोदेंशो पा गेपुकी निसाफ पची नाक्‍ती ठेयब सजाइ ताइब दुम्‍नीनी। लूका १६:१९-२५

१ पत्रुस 4:3

ङोंइती परमप्रभु यावे कली मतुइक्‍थु मारेइ मारेइ पाइतीनी, मुल मेको गाप्‍त। थमा मसुइक्‍बपुकीमी मार पाइनीम देंशा हना, महिंब दुम्‍शा आन दला दाक्‍स पाइनीम। दुक्‍शा बाक्‍नीम, शुश जशा तूशा बाक्‍नीम नु ग्रांग्रा दिचा ङा मूर्ति पूजा पाइनीम। एफिसी २:२-३; तीतस ३:३

प्रकाश 18:7

मिनु आंम कली गिश ठेयब सेला, मिश श्‍येत गेशा, सुर्ता नु रोंका पपतीन। मिनु मेकोमी आ थुंमी चहिं ‘गो पिपीम नङ। गो वोंइश बेक्‍शो मीश मुर मनङ। मोपतीके गो सुर्ता गेनायो मपाइनुङ’ देंब। यसैया ४७:७-९

१ सामुएल 30:16

मिनु मेकोम लां कोंइना कोंइन मेको आन कली उइ चाक्‍दीदा बाक्‍त। मेकेर अमालेकी एर ओंथ ब्रशा जशा तूशा सिल पा, आन रोइश्‍शो मार मार पुक्‍शा ग्‍येरशा बाक्‍शो बाक्‍मा बाक्‍त। मारदे हना मेकोपुकीम पलिस्‍ती नु यहूदा रे शुश मार मार रोइश्‍शो बाक्‍मा बाक्‍त।