लूका 12:18 - Sunuwar Bible

¹⁸ मोपतीके खिं प्रेश्‍शा अन्‍न वोइक्‍तीक ठेयब खिं सेल्‍शा, बाक्‍शो अन्‍न नेल्‍ल मेकेर उप्‍नुङ’।

लूका 12:18 ပူးပေါင်းရင်းမြစ်များ

भजन संग्रह 17:14

परमप्रभु यावे, इन गुइमी रागी दाक्‍ब मुर आन गुइ रे प्रोंइ‍यीनी। मेकोपुकी मबेक्‍मा सम्‍म रिम्‍शो ला ताइनीम। गे मेको आन कोव़ज ब्रोव़शो थोव़कम प्रिंनीनी। मेको आन तौपुकी यो रूथ्री जाइनीमी। मिनु आन लीशो मारेइ मारेइ आन तौपुकीम ताइनीम।

मत्ती 6:26

सरीङमी बेरब चिक्‍ब आन कली कोव़शा मिम्‍तीने। मेकोपुकीमी वांचेर मशोक्‍नीम, अन्‍न मखुप्‍नीम, भकारीमी मवोइक्‍नीम। स्‍वर्गम बाक्‍ब इन आफोमी मेको आन कली थुल्‍शो बाक्‍ब। मेको आन क्‍येङा शुश ठेयब मननी ङा? मत्ती १०:२९-३१; लूका १२:६-७

लूका 12:17

मिनु मेकोमी शुश ग्रेल्‍शो तशा ‘मुल अन्‍न वोइक्‍तीके खिं मजाक्‍दीप्‍ब।

लूका 12:19

मिनु मेकोमी ‘शुश बर्स कली जाक्‍दीप्‍ब। शुश शोंप गे नु बाक्‍ब। मोपतीके जशा तूशा ग्‍येरशा बाक्‍को’ दे आंम थुं कली देंमाक्‍त। भजन संग्रह ४९:१-२०

लूका 12:21

परमप्रभु यावे कली ममिम्‍थु, शोंप ला मिम्‍ब मुर नेल्‍ल मोदेंशो दुम्‍नीम” दे शेंदीमी बाक्‍त। मत्ती ६:२०

लूका 12:24

खद आन कली कोव़ङीने। मेकोपुकीमी मशोक्‍नीम, मारेइ मरुप्‍नीम मखुप्‍नीम। आन अन्‍न वोइक्‍तीक खिं यो मबाक्‍ब। तन्‍न परमप्रभु यावेमी मेको आन कली कोव़शा थुल्‍ब। मिनु गे मेको चिक्‍ब आन क्‍येङा हिक्‍सीशो मबाक्‍नीनी ङा?

लूका 18:4

शुश नाक्‍ती सम्‍म निसाफ पाइबमी मेको कली आ पुंइशो मगेवा बाक्‍त।

लूका 18:6

मेको निसाफ पाइब आ मिम्‍शो मिम्‍तीने।

याकूब 3:15

ओदेंशो मिम्‍तीके परमप्रभु आ गेशो रुप्‍तीक थुं मबाक्‍ब। तन्‍न मुर आन थुं रे नु सैतान रे जाक्‍ब। याकूब १:५

याकूब 4:13

गेपुकीमी मार लोव़ पाइनीनी देंशा हना “दीसा नित्‍थी सहरम लशा, बर्स का सम्‍म बाक्‍य। मिनु शुश क्‍येट चेम्‍य” दे मिम्‍शा लोव़ पाइनीनी। हितोपदेस २७:१

याकूब 4:15

गे मार देंचा माल्‍शो ननी देंशा हना “गोपुकी ब्रोंइतय हना, प्रभुम आंइ मिम्‍शो दाक्‍ताक्‍व हना, गो आंइ मिम्‍शो गेय पाइनय” दे लोव़ पचा माल्‍नीनी। प्रेरित १८:२१; १कोरिन्‍थी ४:१९