लूका 12:17 - Sunuwar Bible

¹⁷ मिनु मेकोमी शुश ग्रेल्‍शो तशा ‘मुल अन्‍न वोइक्‍तीके खिं मजाक्‍दीप्‍ब।

लूका 12:17 ပူးပေါင်းရင်းမြစ်များ

उपदेसक 11:2

गे इं के बाक्‍शो क्‍येट ७, ८ जना आन कली वोइक्‍चा गे‍मी। मारदे हना रागीम दोदेंशो ठेयब श्‍येत जाक्‍बा, मेको गे मतुइक्‍नेवे।

यसैया 58:7

आंम जचा थोव़क शोव़लु बेक्‍ब नु योक्‍चा, खिं मबाक्शो नु प्रुङग आन कली इन खिंम बाक्‍चा गेचा, शिश्रा बाक्‍ब आन कली वा फेक्‍चा गेचा नु इन लोक्‍ब आन कली वारच पचा, आं दाक्‍शो माइजा बाक्‍तीक बाक्‍ब। ब्‍यवस्‍था १५:११; इजीकीएल १८:७; मत्ती २५:३५-३६

मत्ती 16:7

मिनु “शोब्‍ले कुरचा प्रेंदया बाक्‍त, दे तुइश्‍शा, मो देंम कों” देंमुम्‍तेक्‍म।

मत्ती 5:42

इन के मारेइ थोव़क पुंइतेक्‍म हना, आन पुंइशो गेने, जेर पुंइतेक्‍म हना यो, मगेनीकी, दे श्‍येत्‍थी मसोइक्‍तीने।

लूका 10:25

मिनु येसुमी मुर आन कली शेंदानु, सास्‍त्री का बोक्‍शा, येसु आ थुं थाम्‍शा “हे शेंब, गो गेना हना यो ब्रोंइशा बाक्‍चा कली मार पचा माल्‍नुङा?” दे हिल्‍लो पवा बाक्‍त। मत्ती २२:३५-४०; मर्कूस १२:२८-३४; लूका १८:१८-२०

लूका 11:41

गे आगा ङा थोव़क मथीब आन कली गेने। मिनु इन कली नेल्‍ल रिम्‍शो दुम्‍ब।

लूका 12:16

मिनु कथा सेल्‍शा “शोंप पाइश्‍शो मुर का आ बाली नाली शुश ग्रेल्‍माक्‍त।

लूका 12:18

मोपतीके खिं प्रेश्‍शा अन्‍न वोइक्‍तीक ठेयब खिं सेल्‍शा, बाक्‍शो अन्‍न नेल्‍ल मेकेर उप्‍नुङ’।

लूका 12:22

मिनु आ शेंसीब आन कली “मार जचा, मार फेक्‍चा, दे सुर्ता मपने।

लूका 12:29

मार जचा मार तूचा, दे थुंमी सुर्ता मपने।

लूका 12:33

इन के बाक्‍शो लेयशा, मथीब आन कली योक्‍शा गेने। मो पनीनु, स्‍वर्गम इन शोंप लीब। मिनु मेको मोपा वोइश्‍शो शोंप खुइमी खुइ पने मचाप्‍नीम, खिया मजोइब मराक्‍ब, गेनायो मजाम्‍ब। लूका १८:२२

लूका 16:3

मिनु मेकोमी ‘आं गेय रोइश्‍शा सोइक्‍ताक्‍यी। मुल गेय मताइनुङ। कोदाली दोने यो मचाप्‍नुङ। पुंइशा जचा कली यो मुने पाइनुङ।

लूका 16:9

मोपतीके गे यो निप्‍स पाइश्‍शो गेय पा वारचपुकी सेलीने। इन शोंप क्‍येट मारेइ मारेइ यो मथीब आन कली शिशी पा गेतीनी हना, परमप्रभु यावेमी इन पशो खोदेंशो पा गेब” देंमाक्‍त। लूका १४:१४; मत्ती ६:२०; मत्ती १९:२१

लूका 18:22

मिनु येसुमी “नेल्‍ल पाप्‍तीवी, का चहिं मपवी। इ शोंप नेल्‍ल लेयशा, क्‍येट मथीब आन कली योक्‍शा गेमी। मिनु आं नोले खोइय्‍यी। मिनु इ शोंप स्‍वर्गम बाक्‍ब” देंमाक्‍त। मत्ती ६:२०

लूका 19:17

‘गे रिम्‍शो गेय पाइब बाक्‍ते, आइक्‍च गेयमी रिम्‍शो पाप्‍तीवी। मोपतीके १० ओटा सहर कली अधिकार पाइब सेल्‍नन’ देंमाक्‍त। लूका १६:१०

लूका 3:11

मिनु यूहन्‍नामी “सु के फेक्‍तीक वा निक्‍शी बाक्‍मे, मेकोमी फेक्‍तीक का मबाक्‍शो कली गेचा माल्‍ब। सु के जचा थोव़क बाक्‍मे, मेकोमी जचा मताइब कली गेचा माल्‍ब” देंमाक्‍त।

प्रेरित 16:30

मिनु मेको आस कली ग्रुंइशा “हजुर, आं पशो पाप मार पा क्‍याम्‍सीबा?” दे हिल्‍लो पवा बाक्‍त। प्रेरित २:३७

प्रेरित 2:37

मिनु आ लोव़ नेंब आन थुं खाइक्‍माक्‍त। मिनु पत्रुस नु सोइश्‍शो आन कली “गो मार पक मिनु?” दे हिल्‍लो पामेनु, प्रेरित १६:३०; लूका ३:१०

रोमी 12:13

थमा सुइक्‍ब आन कली आन माल्‍शो गेशा, वारच पने। इन खिंमी जाक्‍ब आन कली बास गेशा थुलीन। ३यूहन्‍ना ५-८; हिब्रू १३:२

१ तिमोथी 6:17

गे मुल शुश क्‍येट थीब आन कली “ठेयब लेश्‍शो मदुमीन। जाम्‍शा लाइब शोंप कली आस मपथु, परमप्रभु यावे कली आस पने। मारदे हना परमप्रभु यावेमी इं कली शुश तेम्‍शा गेब। आ गेशो तशा ग्‍येरसीन” दे माइक्‍मी। भजन संग्रह ६२:११; लूका १२:१५-२१

१ यूहन्‍ना 3:16

मिनु लोक्‍ब आन कली दाक्‍चा, दोपा तुंइ‍सीब देंशा हना, येसु ख्रीस्‍त इं कली दाक्‍शा, साइक्‍चा पुंइसाक्‍व। मिनु गोपुकीमी यो लोक्‍ब आन कली दाक्‍चा माल्‍नय। थमा सुइक्‍ब लोक्‍ब आन कली मबेक्या सम्‍म वारच पचा माल्‍नय। यूहन्‍ना १५:१३