लूका 11:9 - Sunuwar Bible

⁹ परमप्रभु यावे कली पुनीने। मिनु इन पुंइशो ताइनीनी। मालीने। मिनु इन माल्‍शो थित्‍नीनी। ‘बाक्‍नी?’ दे लाप्‍चो ख्रोकोल पने। मो पाइतीनी हना ओव़चा ताइनीनी।

लूका 11:9 ပူးပေါင်းရင်းမြစ်များ

भजन संग्रह 118:5

गो श्‍येत जङानु, परमप्रभु यावे कली पुंइता। मिनु मेकोमी आं लोव़ लेत्‍ताक्‍यी। मिनु आं कली श्‍येत रे प्रोंइती।

भजन संग्रह 27:4

गो परमप्रभु यावे नु लोव़ का पुंइनुङ। मिनु मेको माल्‍ना माल्‍न बाक्‍नुङ। मेको मार बाक्‍ब देंशा हना “गो मबेक्‍ङा सम्‍म परमप्रभु यावे आ बाक्‍तीकेमी बाक्‍शा, परमप्रभु यावे आ रिम्‍शो पतीके तचा नु आ खिंम मेको कली माल्‍शा तुइक्‍चा दाक्‍नुङ। भजन संग्रह २६:८; भजन संग्रह ४२:५; भजन संग्रह ६३:३; भजन संग्रह ८४:४,५,११

भजन संग्रह 27:8

परमप्रभु यावे, इन लोव़मी ‘आं कली मालीन’ दे ब्रेक्‍शो खोदेंशो पा, आं थुंमी इन कली माल्‍नुङ। ब्‍यवस्‍था ४:२९

भजन संग्रह 34:10

शुश क्‍येट थीब आन तमी तौ जचा ब्‍वचा मतथु, शोव़लु बेक्‍नीम। तन्‍न परमप्रभु यावे कली माल्‍ब मारेइ मारेइम गाप्‍शो बाक्‍नीम। लूका १:५३

भजन संग्रह 34:4

मिनु गो परमप्रभु यावे कली माल्‍ता। मेकोमी आं लोव़ लेत्‍ताक्‍यी। मेकोमी आं कली हिंतीक नु श्‍येत रे प्रोंइती।

भजन संग्रह 50:15

मिनु श्‍येत जनी नाक्‍त आं कली पुनीन। मिनु गो इन कली श्‍येत रे प्रोंइनन्‍नी। मिनु आं कली ‘गे ठेयब बाक्‍नीनी’ देंनीनी” देंत। भजन संग्रह ९१:१५

ठेयब कुम्सो 5:6

मिनु गो आं दाक्‍शो मुर कली लाप्‍चो रोक्‍ता, तन्‍न मेको गाक्‍ने थुमा बाक्‍त। मेको मेकेर मबा। मेको गाक्‍तीके गो सुर्ता पाता। गो मेको कली माल्‍ता। तन्‍न मथिदु। गो मेको कली ब्रेत्‍ताक्‍ङ। तन्‍न मेकोम लोव़ मलेत्‍ती।

यसैया 45:19

गो छिङछिङ ङा रागीमी ख्रुइश्‍शो लोव़ मपङ। गो याकूब आ आल आन कली ‘गे आं कली खल्बलम मालीने’ मदेंङ। गो, परमप्रभु यावेमी थमा नु ठीक लोव़ ला पाइनुङ” देंत। यसैया ४८:१६

येरमीया 29:12

गेपुकीम आं नेक्‍था जाक्‍शा पुंइनीनु, गो इन पुंइशो नेंनुङ।

येरमीया 33:3

मेकोमी “आं कली ब्रेत्‍ती। मिनु गो इ कली लोव़ लेत्‍नुङ। मिनु गो इ मतुइश्‍शो ठेयब नु ख्रुइश्‍शो थोव़क शेंनुङ” देंत।

दानीएल 9:3

मिनु गो माइजा बाक्‍शा, अरन्‍डी फेक्‍शा नु पुलु मोंइसीशा परमप्रभु, आं होव़प कली लोव़ पा पुंइशा, मार लोव़ लेप्‍बा, दे रिम्‍शा बाक्‍ती।

मत्ती 21:22

थमा सुइश्‍शा प्रार्थना पा पुंइतीनी हना, इन पुंइशो ताइनीनी” दे माइक्‍तीमी।

मत्ती 21:31

आस आफ आ दाक्‍शो सुमी पवा? जेठामी पवा, दे कान्‍छामी पवा?” दे माइक्‍मीनु “जेठामी पवा बाक्‍त” देंतेक्‍म। मिनु येसुमी मेको आन कली “नोफा दाइश्‍शा नेनीने, इन क्‍येङा ङोंइती तिरो पोक्‍ब नु तेल्‍लेम पाइबपुकी परमप्रभु यावे आ राज्‍य ओव़चा ताइनीम। लूका १८:९-१४

मत्ती 6:29

पिप सोलोमन आ दारस नेल्‍ल कोंइताक्‍व हना यो, लिली फू खोदेंशो रिम्‍शो ग्‍योम्‍सीशो मबाक्‍ब। १राजा १०:-

मर्कूस 11:24

मोपतीके ‘आं पुंइशो ताइनुङ’ दे थमा सुइश्‍शा, प्रार्थना पा पुंइतीनी हना, इन पुंइशो ताइनीनी। मत्ती ७:७; यूहन्‍ना १४:१३; १यूहन्‍ना ५:१४-१५

मर्कूस 13:37

मोपतीके लां कोव़शा सासीशा बाक्‍कीन दे माइक्‍तन्‍नी। मोदेंशो नेल्‍ल आन कली माइक्‍नुङमी” दे शेंदीमी बाक्‍त।

लूका 11:10

मोपतीके सुम पुंइबा, मेकोमी आ पुंइशो ताइब। सुम माल्‍बा, मेकोमी आ माल्‍शो थिप्‍ब। सुम ओव़नुङ, दे लाप्‍चो ख्रोकोल पाइबा, मेको ओव़चा ताइब। लूका १३:२५

यूहन्‍ना 14:13

मिनु गेपुकी आं नेंमी मार मार पुंइनीनु, गो गेनन्‍नी। गो इन पुंइशो गेशा, गो, आं पतीके आं आफ आ सक्ति कोंइनुङ। यूहन्‍ना १५:७; यूहन्‍ना १६:२४; मर्कूस ११:२४; १यूहन्‍ना ५:१४-१५

यूहन्‍ना 15:16

गेपुकीमी आं कली मयोव़यीनी। तन्‍न गेपुकी लशा फल सिश्‍शा, इन सिश्‍शो फल लील, दे गो इन कली योव़तन्‍नी। मिनु गेपुकीमी आं आफ कली आं नेंमी इन दाक्‍शो पुंइनीनु, आं आफोमी इन कली गेवल, दे वोइक्‍तन्‍नी।

यूहन्‍ना 15:7

गेपुकी आं आगामी बाक्‍शा नु आं लोव़ इन आगामी बाक्‍त हना, इन दाक्‍शो पुनीन। मिनु इन पुंइशो ताइनीनी। मर्कूस ११:२४

यूहन्‍ना 4:10

मिनु येसुमी मेको मीश मुर कली “परमप्रभु यावेमी इ कली मार गेचा दाक्‍ब, दे तुइक्‍ताक्‍वी हना, नु ब्‍वाक्‍कु पुंइब, आं कली, सु बाक्‍नुङ, दे तुइक्‍ताक्‍वी हना, आं कली ‘ब्‍वाक्‍कु गेयी’ दे पुंइदी वा। मिनु ब्रोंइचा गेब ब्‍वाक्‍कु गेन वा” दे मदा बाक्‍त। यूहन्‍ना ७:३८-३९

रोमी 2:7

सुमी परमप्रभु यावे आ राज्‍य माल्‍शा, रिम्‍शो गेय पना पन बाक्‍नीमी नु गेना हना यो ब्रोंइचा माल्‍नीमी, मेको गेना हना यो परमप्रभु यावे नु बाक्‍चा ताइनीम।

२ कोरिन्‍थी 6:2

मारदे हना मेकोमी “शिशी पची ना इ पुंइशो नेंता। गो पाप रे प्रोंइतीक नाक्‍तीमी इ कली वारच पाता” दे ब्रेक्‍शो बाक्‍ब। नेनीने, मुल शिशी पची ना बाक्‍ब। नेनीन मुल पाप रे प्रोंइतीक नाक्‍त बाक्‍ब। यसैया ४९:८; लूका ४:१९,२१

हिब्रू 11:6

थमा मसुइक्‍थु मेको आ थुं नुपाइक्‍ने मजाप्‍ब। परमप्रभु यावे आ नेक्‍था जाक्‍दीन्‍ने यो मजाप्‍ब। मेको बाक्‍ब, दे थमा सुइक्‍चा माल्‍ब। मिनु मेको बाक्‍‍ब, दे थमा सुइक्‍बपुकीम मेको कली माल्‍नीम। मिनु आ कली माल्‍ब आन कली तपांइसीब।

हिब्रू 4:16

मोपतीके इं कली मार मार माल्‍यानु, वारच पपांइसीशा, माफ नु शिशी तचा कली परमप्रभु यावे आ ङोंइती महिंथु, थुं बारपा जाक्‍दीय्‍य। रोमी ३:२५; रोमी ५:२

याकूब 1:5

तुइक्‍‍ब थुं माल्‍तीनी हना, गेपुकीमी परमप्रभु यावे कली “गो तुइक्‍ब थुं माल्‍नुङ” दे पुनीन। परमप्रभु यावेमी मगाइक्‍थु, शुश तुइक्‍ब थुं गेब। याकूब ३:१५; हितोपदेस २:३-६

याकूब 5:15

मोदेंशो थमा सुइश्‍शा पुंइशोमी मेको रोइ पाइब मुर साब। मेको रोइ पाइबमी पाप पशो बाक्‍त हना, मेको यो क्‍याम्‍सीब। मर्कूस १६:१८

१ यूहन्‍ना 3:22

मिनु गो महिंथु पुंइतय हना, इं पुंइशो गेब। मारदे हना गोपुकी आ अरेशो लोव़ पशा, आ दाक्‍शो पाइनय। मर्कूस ११:२४

प्रकाश 2:24

तन्‍न थिआटीरा ङा थमा सुइक्‍ब आन ग्रुम्‍तीकेमी इजेबेल आ शेंशो मपाइबपुकी यो बाक्‍नीम। मेकोपुकीमी इजेबेल आ शेंसीब बुदी सैतान आ ठेयब गेय यो मतुइक्‍नीम। मिनु आं कली रिम्‍शो पा थमा सुइक्‍ब आन कली अर्को श्‍येत मगेनुङ।