लूका 11:51 - Sunuwar Bible

⁵¹ ङोंइती साइश्‍शो हाबील बाक्‍त। नेल्‍ल क्‍येङा नोले साइश्‍शो जकरिया बाक्‍त। मेको कली परमप्रभु यावे कली चढ़ेतीक नु आ खिं आस दातेम साइश्‍शो बाक्‍त। मेको नेल्‍ल आन कली मोपा साइक्‍तीके सिनाक्‍ती मुलाक्‍ती ङा मुर दोस गेने पुंइसीशा सजाइ ताइनीम।

लूका 11:51 ပူးပေါင်းရင်းမြစ်များ

उत्पत्ती 4:2

मिनु मेको आ नोले लेंशा अर्को तौ का यो थि‍माक्‍त। मेको कली हाबील नें वोदा बाक्‍त। हाबील काइन आ लोक्‍ब बाक्‍माक्‍त। मेको आल निक्‍शी कोल्‍शा, हाबील भेडा गोठला दुम्‍माक्‍त। काइन चहिं रू ङा गेय पाइब दुम्‍माक्‍त।

येरमीया 7:28

गे मेको आन कली ‘एको परमप्रभु यावे, आन परमप्रभु आ लोव़ मटीब रागी ङा मुर बाक्‍नीम। सजाइ ताम्‍तेक्‍म हना यो, मरुबेम। मिनु मेको आ पचा माल्‍ब देंशो मपामे। थमा लोव़ जाम्‍त। मेकोपुकीम जोल ला पाइनीम। येरमीया ५:१

जकरिया 1:1

पिप दारामी सासन प‍शो बर्स का ८ महिना दुम्‍मेनु, परमप्रभु यावेमी इददो आ चच, बेरेक्‍याह आ तौ परमप्रभु यावे आ लोव़ पाइब जकरिया कली लोव़ पाप्‍तु। परमप्रभु यावेमी मार लोव़ पाप्‍तु देंशा हना, एज्रा ५:१

मत्ती 23:35

मेको मोपा खेदा पा साइश्‍शो पाप नेल्‍ल इन कली राइब। साइ नेसी रिम्‍शो पाइब हाबील साइश्‍शो रे बेरेक्‍याह आ तौ जकरिया साइश्‍शो सम्‍म ङा आन हुशेमी लां मताइनीनी। जकरिया कली परमप्रभु यावे आ खिंमी चढ़ेतीके आ ङोंइती साइश्‍शो बाक्‍मा बाक्‍त। उत्‍पत्ती ४:८; २इतिहास २४:२०-२१

हिब्रू 11:4

काइन नु हाबील निम्‍फामी परमप्रभु यावे कली भेटी चढ़ेम्‍सेनु, काइन क्‍येङा हाबील आ चढ़ेशो रिम्‍शो बाक्‍माक्‍त। मारदे हना हाबीलमी परमप्रभु यावे कली थमा सुइक्‍बाक्‍माक्‍त। मिनु हाबील आ चढ़ेशो ताक्‍शा, परमप्रभु यावेमी “हाबीलमी थमा सुइक्‍ती। मोपतीके ठीक दुम्‍पाइक्‍ता” दे कोंइताक्‍व। हाबील बेक्‍शा लशा, मिश बर्स दुम्‍शा यो आ थमा सुइश्‍शो आ पर्बम चहिं मुल सम्‍म लोव़ पना पन बाक्‍नय। उत्‍पत्ती ४:३-४

हिब्रू 12:24

नक कबल खाप्‍ब येसु बाक्‍ब। मिनु येसु आ जारशो हुश यो बाक्‍ब। मेको हुश हाबील आ हुश खोदेंशो ममाइ। हाबील आ हुशेमी “आं कली साइक्‍ब सजाइ गेचा पुंइसमल” देंब। येसु आ हुशेम चहिं “मेको आन पाप नेल्‍ल क्‍याम्‍शा, सजाइ जचा रे प्रोंइतामी” देंब। हिब्रू ९:१५; उत्‍पत्ती ४:१०

१ यूहन्‍ना 3:12

काइन खोदेंशो दुम्‍चा मदुम्‍ब। काइनमी सैतान आ मुर दुम्‍शा, आ लोक्‍ब कली सदा बाक्‍त। काइनमी आ लोक्‍ब कली मारदे सदा बाक्‍त देंशा हना, आ थुं ङा गेय मरिम्‍शो बाक्‍माक्‍त। आ लोक्‍ब आ गेय चहिं परमप्रभु यावे आ ङोंइती ठीक बाक्‍माक्‍त। उत्‍पत्ती ४:८