लूका 11:48 - Sunuwar Bible

⁴⁸ मोपा इन किकी पिपी नु गारशो दुम्‍तीनी। मेको आन पशो ठीक बाक्‍माक्‍त, दे आन पशो खोदेंशो पाइब दुम्‍तीनी। मारदे हना इन किकी पिपीपुकीमी परमप्रभु यावे आ लोव़ पाइब आन कली साइक्‍ना साइक्‍न बाक्‍तेक्‍मे। गेपुकीमी चहिं तुरस सेल्‍ना सेल्‍न बाक्‍तीनी।

लूका 11:48 ပူးပေါင်းရင်းမြစ်များ

२ इतिहास 36:16

तन्‍न परमप्रभु आ लोव़ पाइब आन कली शुक्‍शी पामे बाक्‍त। आ लोव़ मटिथु, आ लोव़ पाइब आन कली तोक्‍शा लोव़ पामे बाक्‍त। मोपतीके परमप्रभु यावे आ गाइश्‍शो मबेक्‍माक्‍त। लूका २०:१०-१२; प्रेरित ७:५२

अय्‍युब 15:6

इन आंम लोव़मी इन कली दोस ताइब सेल्‍ब। गो इन कली दोस मगेनुङ। इन लोव़ इन पर्बम सांकछी बाक्‍ब।

भजन संग्रह 64:8

परमप्रभुमी मेको आन कली आन लोव़ आ पर्बम खतम सेल्‍ब। मेको आन कली साइक्‍ब। मिनु मेको आन कली ताइब नेल्‍लेमी हिंशा आन पिया हिक्‍नीम।

इजीकीएल 18:19

मो हना यो गेपुकीम मारदे आ आफ आ मरिम्‍शो पशो आ तौम कुरचा ममाल्‍दा? देंनीनी। आ तौम आं अरेशो टिशा, ठीक गेय पशो बाक्‍ब, मेकोम आं फुल्‍लुम मुशा ब्रेक्‍शो लोव़ होस पा टिशो बाक्‍ब। मोपतीके मेको थमा पा ब्रोंइब। प्रस्‍थान २०:५

मत्ती 23:27

सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना बुलु ब्रुइश्‍शा दारपाइश्‍शो तुरस खोदेंशो ननी। मेको आ तारी दारशो तांइसीब, तन्‍न आगाम रुश राक्‍शा, रिना पाइश्‍शा ग्रांग्रा दिचा ङा बाक्‍ब।

मत्ती 23:31

मो देंशोमी ‘साइ नेसी परमप्रभु यावे आ लोव़ पाइब आन कली साइक्‍ब आन चच युइ गो नकी’ दे तुइक्‍पांइसीनीनी। येरमीया २६:२०-२३; मत्ती ५:१२; प्रेरित ७:५२

लूका 11:47

आबी, गे खतम बाक्‍नीनी। मारदे हना इन किकी पिपीपुकीमी परमप्रभु यावे आ लोव़ पाइब आन कली साइक्‍तेक्‍म। मिनु गे मेको आन तुरस सेल्‍तीनी। प्रेरित ७:५२

लूका 11:49

साइ नेसी परमप्रभु यावे आ तुइक्‍तीक पाइश्‍शोमी ‘गो आं लोव़ शेंब मुर सोइक्‍नुङमी। मेको आं सोइश्‍शो मुर का निक्‍शी आन कली खेदा पा श्‍येत गेनीम, का निक्‍शी आन कली साइक्‍नीम’ देंशो बाक्‍त।

रोमी 1:32

परमप्रभु यावे आ निसाफ पतीक लोव़ तुइश्‍शा यो मोदेंशो मरिम्‍शो पना पन गाक्‍तेक्‍म। अरु आन कली आन खोदेंशो मरिम्‍शो पशो तशा “रिम्‍शो दुम्‍त” दे ग्‍येरसाक्‍म।

याकूब 5:10

आं दाक्‍शो लोक्‍बपुकी, साइ ङा परमप्रभु यावे आ लोव़ पाइबपुकीमी परमप्रभु यावेमी देंशो लोव़ पशा, शुश श्‍येत जशा यो फाल्‍शा, परमप्रभु यावे कली मप्रोंइथु बाक्‍शो बाक्‍तेक्‍म। मिनु मेको आन खोदेंशो पा बाक्‍कीन। मत्ती ५:१२

यहोसु 24:22

मिनु यहोसुमी “गेपुकीमी परमप्रभु यावे कली ‘ठेयब सेल्‍नीक’ देंशा, गे आंमा सांकछी दुम्‍तीनी” देंत। मिनु मेकोपुकीमी “गो थमा पा सांकछी दुम्‍तक” देंतेक्‍म।