लूका 10:31 - Sunuwar Bible

³¹ इच्‍का नोले मेको लां पा चढ़ेब का पिशा, मेको तुप्‍शा बेक्‍चशो मुर कली तशा, हेरशा लाक्‍गा बाक्‍त।

लूका 10:31 ပူးပေါင်းရင်းမြစ်များ

२ सामुएल 1:6

मिनु मेको ठिटामी “गो गिल्‍बोआ डांडाम बाक्‍शो नङ। मेकेर सावल कली आ तूतीक तिक्‍शा राप्‍शा बाक्‍शो ताता। बग्‍गी ङोइक्‍ब नु शारा ङोइक्‍बपुकीम मेको कली थित्‍चा चिक्‍ताक्‍म। १सामुएल ३१:१-३

भजन संग्रह 142:4

गो आं ग्‍युरा गे कोव़ता, मिनु आं कली मिम्‍ब सुइ मबाक्‍म। आं कली ख्रुइक्‍तीके तेइ मबाक्‍ब। सुइमी आं कली वारच मपाइय्‍यीमी।

भजन संग्रह 69:20

आं कली रिश्‍शा कोव़शो आ पर्बम आं थुं जिक्‍शो बाक्‍ब। मिनु गो मारेइ पने मचाप्‍ब दुम्‍शो बाक्‍ती। आं कली शिशी पाइब ‘सुइ बाक्‍मा कों’ दे कोव़ता, तन्‍न सुइ मबाक्‍म। लेम्‍ब यो सुइ मबाक्‍म।

हितोपदेस 21:13

सुमी प्रुङग आन पुंइशो मनेंबा, मेकोमी यो पुनानु, सुइमी यो मनेंनीम।

उपदेसक 9:11

गो रागीमी अर्को थोव़क का यो त‍शो बाक्‍नुङ। रीब पा दोरब मग्रा‍ब। सक्ति पाइश्‍शो लडाइ पाइबमी लडाइ मग्रा‍ब। जोक्‍ब तुइक्‍बमी जचा मताइब। शुश निप्‍स पाइश्‍शो मुरुमी क्‍येट मचेम्‍ब। जोक्‍ब मुरुमी मान मताइब। तन्‍न नेल्‍लेमी आन गेय पतीक ना नु रागी दोपा बाक्‍बा, मुर आन गेय दुम्‍बा देय मदुम्‍बा मेको ताइ‍नीम। हितोपदेस १६:९

यसैया 58:7

आंम जचा थोव़क शोव़लु बेक्‍ब नु योक्‍चा, खिं मबाक्शो नु प्रुङग आन कली इन खिंम बाक्‍चा गेचा, शिश्रा बाक्‍ब आन कली वा फेक्‍चा गेचा नु इन लोक्‍ब आन कली वारच पचा, आं दाक्‍शो माइजा बाक्‍तीक बाक्‍ब। ब्‍यवस्‍था १५:११; इजीकीएल १८:७; मत्ती २५:३५-३६

येरमीया 5:31

परमप्रभु यावे आ लोव़ पाइबपुकीम जोल पा लोव़ पाइनीम। दोपा परमप्रभु यावे आ लोव़ पाइबपुकीम जोल पा लोव़ पाइनीमी, मोपा चढ़ेबपुकीम मुर आन कली हुकुम पाइनीम। मिनु आं मुरपुकी चहिं मोदेंशोन दुम्‍चा दाक्‍नीम। तन्‍न नोले ङा नाक्‍ती मार, पाइनीनी?” देंत। इजीकीएल १३:६

होसे 5:1

मिनु परमप्रभुमी “चढ़ेबपुकी, एको लोव़ नेनीन। इस्राएलीपुकी इन नोफा दाइश्‍शा नेनीन। पिप आ खिं ङा मुरपुकी, नेनीन। एको निसाफ इन मरिम्‍शो पशो आ पर्बम बाक्‍ब। गेपुकी मिस्‍पा सहरमी दाइश्‍शो ब्‍वारद नु ताबोर सहरमी ब्रशो ग्‍याइल खोदेंशो दुम्‍शो बाक्‍नीनी।

होसे 6:9

दोपा रोइक्‍बपुकी बाप्‍शा बाक्‍नीमी, मोपा चढ़ेबपुकी यो बुक्‍शा बाक्‍शो बाक्‍नीम। मेकोपुकीमी शेकेम लतीक लांमी मुर साइक्‍नीम। मेकोपुकीमी ठेयब मुने ङा गेय पाइनीम।

मलाकी 1:10

मिनु लेंशा “गेपुकीमी आं चढ़ेतीकेमी मो मी मुइक्‍चा क्‍येङा का लशा लाप्‍चो चोक्‍नी हना, रिम्‍शो दुम वा। गो इन कली तशा मग्‍येरसीशो बाक्‍नुङ। मिनु इन चढ़ेशो यो मताक्‍नुङ” दे मुर नेल्‍ल आन परमप्रभु यावेमी देंत। मलाकी २:१३; यसैया १:१३

लूका 10:30

मिनु येसुमी “मुर का यरूसलेम रे यिशा, यरीको सहर ङा लां खोदा बाक्‍त। मिनु लमेनु, खुइपुकीमी लांम बाप्‍शा, मेको कली तुप्‍शा, थपाइश्‍शा, आ बाक्‍शो मारेइ मारेइ नेल्‍ल रोइश्‍शा, प्रोक्‍मा बाक्‍त।

लूका 10:32

मिनु इच्‍का नोले लेवी आ थर ङा मुर का यो मेको लां रे पिमाक्‍त। मेकोमी यो मेको बेक्‍चशो मुर कली तशा, हेरशा लाक्‍गा बाक्‍त।

रूथ 2:3

मिनु रूथ लशा, रिक्‍ब आन नोनोले सिला बाला गुबा बाक्‍त। आ जाक्‍दीश्‍शो रू चहिं एलीमेलेक आ खिं ङा मुर बोआज आ रू बाक्‍माक्‍त।