लूका 10:29 - Sunuwar Bible

²⁹ मिनु आंम कली ठीक सेल्‍शा, मेकोमी “आं नेक्‍था ङा मुर सु बाक्‍नीमी, गो मतुइक्‍नुङ” देंमाक्‍त।

लूका 10:29 ပူးပေါင်းရင်းမြစ်များ

अय्‍युब 32:2

मिनु राम आ खिं ङा बूज ङा बाराकेल आ तौ एलीहु गाइक्‍ता बाक्‍त। मारदे हना अय्‍युबमी आंम कली परमप्रभु आ ङोंइती शुश पाप मपाइब खोदेंशो सेल्‍से बाक्‍त। उत्‍पत्ती २२:२१; अय्‍युब १३:१८; अय्‍युब १९:६-७; अय्‍युब २५:५-६

लेवी 19:34

गे मेको आन कली इन रागीम जरमेशो मुर खोदेंशो मिम्‍तीन। मेको आन कली आंम कली खोदेंशो पा दाक्‍तीन। मारदे हना गेपुकी यो इजीप्‍तमी अर्को रागी ङा मुर दुम्‍शा बाक्‍शो बाक्‍तीनी। गो परमप्रभु यावे, इन परमप्रभु नङ।

मर्कूस 8:34

मिनु आ शेंसीबपुकी नु मेकेर देल्‍शो आन कली ब्रेश्‍शा “सुमी आं नोले खोइक्‍चा थुं पाइबा, मेकोमी आंम दला दाक्‍स पचा प्रोंइशा, श्‍येत जचा महिंथु, आं नोले खोइय्‍यील।

लूका 10:36

मेको लां गाक्‍ब सांमी सु चहिं तुप्‍शा रोइक्‍चा पुंइसीशो मुर आ नेक्‍था ङा मुर दुम्‍मे?” दे हिल्‍लो पवा बाक्‍त।

लूका 16:15

मिनु येसुमी “मुर आन कली ‘गो ठीक नकी’ देंखु पा कोंइनीनी। मिनु मुरपुकीमी इन कली ठेयब सेल्‍नीम। परमप्रभु यावेमी चहिं इन मिम्‍शो नेल्‍ल तुइक्‍ब। मुर आन दातेमी हिक्‍सीशो नेल्‍ले परमप्रभु यावे आ ङोंइती थम आइक्‍च दुम्‍नीम। लूका १८:९-१४

रोमी 10:3

परमप्रभु यावे आ ङोंइती दोपा ठीक दुम्‍चा, मेको मरुबेम। मिनु आंमा गेय पतीकेमी ठीक दुम्‍चा माल्‍तेक्‍म। मोपा परमप्रभु यावे कली थमा सुइक्‍तीके रे ठीक दुम्‍तीक मपामे। रोमी १:१७

रोमी 4:2

गेय पशा, ठीक दुम्‍शो हना, मुर आन कली “गो रिम्‍शो पाइब नङ” देंने चाप्‍ब वा। तन्‍न परमप्रभु यावे कली चहिं मो देंने मचबा बाक्‍त।

गलाती 3:11

सुइमी यहूदी आन पतीक पशा परमप्रभु यावे आ ङोंइती ठीक मदुम्‍नीन, दे तुंइसीब। “थमा सुइश्‍शो रे पा ठीक दुम्‍पाइक्‍चा पुंइसीब चहिं गेना हना यो ठीक बाक्‍नीम” दे ब्रेक्‍शो बाक्‍ब। हबकुक २:४; रोमी १:१७; हिब्रू १०:३८

याकूब 2:24

मुरुमी थमा सुइक्‍चा ला ममाइ, आन गेयमी यो ठीक दुम्‍नीम, दे गेपुकी रुप्‍‍‍ने मचाप्‍नीनी ङा?