लूका 10:27 - Sunuwar Bible

²⁷ मेकोमी “इ थुं नेल्‍लेमी, इ रां नेल्‍लेमी नु इ सक्ति नेल्‍लेमी परमप्रभु, इ परमप्रभु यावे कली दाक्‍तो। मिनु आंम कली दाक्‍शो खोदेंशो पा इ नेक्‍था बाक्‍ब आन कली यो दाक्‍तो, दे ब्रेक्‍शो बाक्‍ब” देंमाक्‍त। ब्‍यवस्‍था ६:५; लेवी १९:१८

लूका 10:27 ပူးပေါင်းရင်းမြစ်များ

लेवी 19:18

गे इन मुर आन कली क्‍येक्‍क मलेत्‍तीन। ईख मकुरीन। तन्‍न इन नेक्‍था ङा मुर कली आंम कली खोदेंशो पा दाक्‍तीन। गो परमप्रभु यावे नङ। २राजा ६:२२; २इतिहास २९:९-१५; मत्ती ५:४३-४८; मत्ती २२:३९; लूका १०:२५-३७; यूहन्‍ना १३:३४; रोमी १३:९; गलाती ५:१४; याकूब २:८

मत्ती 19:19

आम आफ आस कली मान पा आस लोव़ टिचा। मिनु इ कली दाक्‍शो खोदेंशो पा इ नेक्‍था बाक्‍ब आन कली दाक्‍तो” देंत। प्रस्‍थान २०:१२-१६, लेवी १९:१८

लूका 10:26

मिनु येसुमी “परमप्रभु यावे आ अरेशो लोव़मी मार ब्रेक्‍शो बाक्‍मे? मेको मपढेनी?” देंमेनु,

रोमी 13:9

मेको लोव़मी मार ब्रेक्‍शो बाक्‍ब देंशा हना “मीश वोंइश आस नाता मख्रोइक्‍चा, मुर मसाइक्‍चा, खुइ मपचा, मवाल्‍चा” अरु मपचा ङा गेय यो बाक्‍नीम। मिनु मार पा मेको लोव़ खाप्‍सीब देंशा हना, आंम कली दाक्‍शो खोदेंशो पा आंम नेक्‍था ङा आन कली दाक्‍शा, खाप्‍सीब। प्रस्‍थान २०:१३-१७; लेवी १९:१८

गलाती 5:13

आं लोक्‍बपुकी, प्रभुमी रिती थिती पचा प्रोंइपाइक्‍तीकी, दे गेनायो मप्रेंदीने। मोपा ब्रोंइशा यो इन दला दाक्‍स मपने। तन्‍न दाक्‍मुशा, वारच पमुशा बाक्‍कीने। १पत्रुस २:१६; २पत्रुस २:१९

ब्‍यवस्‍था 10:12

मिनु गे इस्राएलीपुकी, परमप्रभु यावे, इन परमप्रभुमी इन कली मार पशो दाक्‍ब देंशा हना, गेपुकी परमप्रभु यावे, इन परमप्रभु कली मान पा हिंचा माल्‍नीनी। गेपुकी मेको आ लां गाक्‍शा, मेको कली दाक्‍चा नु इन थुं नु सोक्‍त नेल्‍लेमी परमप्रभु यावे, इन परमप्रभु कली गेय पचा माल्‍नीनी। मीका ६:८

ब्‍यवस्‍था 30:6

मिनु परमप्रभु यावे, इन परमप्रभुमी इन थुं नु इन तमी तौ आन थुं ख्रोइक्‍तीक चिनु खोदेंशो पा ख्रोइक्‍ब। मोपा ला गे परमप्रभु यावे, इन परमप्रभु कली इन थुं नु सोक्‍त नेल्‍लेमी दाक्‍शा, ब्रोंइने चाप्‍नीनी। ब्‍यवस्‍था १०:१६; येरमीया ४:४; इजीकीएल ११:१९; रोमी २:२९

ब्‍यवस्‍था 6:4

इस्राएलीपुकी, नोफा दाइश्‍शा, नेनीन। परमप्रभु यावे, का ला इं परमप्रभु बाक्‍ब। मर्कूस १२:२९; १कोरिन्‍थी ८:४-६

ब्‍यवस्‍था 6:5

मिनु गेपुकी परमप्रभु यावे, इन परमप्रभु कली इन थुं नेल्‍लेमी, इन सोक्‍त नेल्‍लेमी नु इन बोल नेल्‍लेमी दाक्‍चा माल्‍नीनी। ब्‍यवस्‍था १०:१२; २राजा २२:२५; मत्ती २२:३७

हिब्रू 8:10

मेको कबल मार बाक्‍ब देंशा हना, गो आं अरेशो लोव़ मेको आन मिम्‍तीकेम वोइश्‍शा, आन थुंम ब्रेक्‍नुङ। मिनु गो मेको आन परमप्रभु यावे दुम्‍नुङ। मिनु मेकोपुकी आं मुर दुम्‍नीम।

याकूब 2:8

परमप्रभु यावे आ राज्‍य ङा अरेशो लोव़म मार ब्रेक्‍शो बाक्‍ब देंशा हना “अरु आन कली आंम इन कली दाक्‍शो खोदेंशो पा दाक्‍तीन” दे ब्रेक्‍शो बाक्‍ब। मो पाइतीनी हना, गेपुकी रिम्‍शो पाइनीनी। लेवी १९:१८

१ यूहन्‍ना 3:18

आं आइक्‍च आलपुकी, गोपुकी दाक्‍मुय। मिनु “इ कली दाक्‍नुङ” दे लोव़ पशा ममाइ, तन्‍न पतीकेमी दाक्‍मुचा माल्‍नय। याकूब २:१५-१६