लूका 10:22 - Sunuwar Bible

²² आं आफोमी आं कली नेल्‍ल कली अधिकार पतीक सक्ति गेती। तन्‍न सुइमी आ तौ सु बाक्‍बा, मतुइक्‍नीम, आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन थुंम तुइक्‍तीक वोइक्‍बा, मेकोपुकीमी यो तुइक्‍नीम” देंमाक्‍त।

लूका 10:22 ပူးပေါင်းရင်းမြစ်များ

मत्ती 11:25

काबु येसुमी “आं आफ, सरीङ नु रागी ङा परमप्रभु, गे नेल्‍ल क्‍येङा ठेयब ननी। गे शुश रिम्‍शो पाइतीनी। जोक्‍ब तुइक्‍ब नङ, दे मिम्‍ब आन कली इन लोव़ मरुप्‍तीक थुं गेतीनी। मजोक्‍ब मतुइक्‍ब आन कली रुप्‍तीक थुं गेतीनी। यसैया २९:१४; लूका १०:२१-२२; यूहन्‍ना १७:२५; १कोरिन्‍थी १:२८-२९

मत्ती 11:27

आं आफोमी मारेइ मारेइ तुइक्‍पाइक्‍ती। सुइमी आं कली, आ तौ कली मतुइक्‍नीम। आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन कली योव़ङमी, मेको आन कली आ आफ आ पर्बम तुइक्‍पाइक्‍ब। मत्ती २८:१८; यूहन्‍ना ३:३५; यूहन्‍ना १७:२; फिलिप्‍पी २:९

मत्ती 28:18

मिनु येसु नेल्‍ल आन नेक्‍था जाक्‍शा “स्‍वर्ग नु रागी ङा अधिकार नेल्‍ल आं कली गेशो बाक्‍ब। मत्ती ११:२७; एफिसी १:२०-२२

यूहन्‍ना 1:18

मुरपुकीमी परमप्रभु यावे कली गेनायो मतामे। तन्‍न परमप्रभु यावे नु बाक्‍ब आ कांइचीक तौमी मुर आन कली परमप्रभु यावे कली तुइक्‍पाइक्‍तु। यूहन्‍ना ६:४६; मत्ती ११:२७

यूहन्‍ना 10:15

दोपा आं आफोमी आं कली तुइक्‍बा, मोपा गो आं आफ कली तुइक्‍नुङ। मिनु भेडा आन पा ङा गो साइक्‍चा पुंइसीनुङ।

यूहन्‍ना 13:3

मिनु येसुमी “आं आफोमी आं कली नेल्‍ल सक्ति गेती। गो परमप्रभु यावे रे जाक्‍शो नङ। मिनु परमप्रभु यावे आ बाक्‍तीके लेत्‍नुङ” दे तुइश्‍शा, यूहन्‍ना ३:३५; यूहन्‍ना १६:२८

यूहन्‍ना 17:10

आं मुर नेल्‍ल इन के नम। इन के आं के नम। मेकोपुकीमी आं सक्ति कोंइनीम। यूहन्‍ना १६:१५

यूहन्‍ना 17:2

गे आं कली मुर नेल्‍ल आन कली अधिकार पचा गेतीनी। मिनु आं कली गेशो मुर नेल्‍ल आन कली गेना हना यो ब्रोंइशा बाक्‍चा गेनुङमी। मत्ती ११:२७

यूहन्‍ना 17:26

गो मेको आन कली इन नें तुइक्‍पाइक्‍तामी। मिनु लेंशा तुइक्‍पाइक्‍नुङमी। मारदे इन नें तुइक्‍पाइक्‍नुङमी देंशा हना, गेमी आं कली दाक्‍शो खोदेंशो पा इन दाक्‍तीके मेको आन आगामी बाक्‍ल। मिनु गो मेको नु आन आगाम बाक्‍ङल” दे येसुमी परमप्रभु यावे कली पुंइतु।

यूहन्‍ना 17:5

आं आफ, रागी सेल्‍चा क्‍येङा ङोंइती गे नु इन छेङछेङमी बाक्‍ती। मुल लेंशा इन बाक्‍तीक जाक्‍चा चिक्‍ताक्‍ङ। ङोंइती ङा खोदेंशो पा गे नु इन छेङछेङमी बाक्‍चा गेयीनी। यूहन्‍ना १:१; फिलिप्‍पी २:६

यूहन्‍ना 3:35

आफोमी आ तौ कली दाक्‍शा, मेको कली नेल्‍ल क्‍येङा ठेयब अधिकार गेप्‍तु। यूहन्‍ना ५:२०; मत्ती ११:२७

१ कोरिन्‍थी 15:24

मिनु नोले रागी नुप्‍ची ना जाक्‍ब। मिनु मेकोमी नेल्‍ल सासन, नेल्‍ल अधिकार नु नेल्‍ल सक्ति खतम सेल्‍शा, आ आफ परमप्रभु यावे कली आ राज्‍य गेब। रोमी ८:३८

२ कोरिन्‍थी 4:6

परमप्रभु यावेमी “छिङछिङ जाम्‍शा, छेङछेङ दुम्‍ल” देंमाक्‍त। मेकोमी आंइ थुंमी छेङछेङ ब्रपाइश्‍शो बाक्‍त। गो परमप्रभु यावे आ छेङछेङ ख्रीस्‍त रे पा रुप्‍नीकी। उत्‍पत्ती १:३; २कोरिन्‍थी ३:१८

एफिसी 1:21

मिनु हुकुम पाइब, अधिकार पाइश्‍शो, सक्ति पाइश्‍शो ठेयब दुम्‍शो नेल्‍लेमी ख्रीस्‍त कली प्रभु देंचा माल्‍नीमी। मेको नेल्‍ल आन क्‍येङा ठेयब नें बाक्‍ब। मुल ला ममाइ, नोले यो मोदेंशोन बाक्‍ब। रोमी ८:३८-३९; फिलिप्‍पी २:९; कलस्‍सी २:१०

हिब्रू 2:8

मिनु मारेइ मारेइ मेको आ अधिकारम गेतीनी” दे ब्रेक्‍शो बाक्‍त। परमप्रभु यावेमी आ गुइमी मारेइ मारेइ जिम्‍मा गेशा अधिकार गेप्‍तु देंशो लोव़मी मार रुम्‍सीब देंशा हना, मेको नेल्‍ल कोव़ब बाक्‍ब, दे रुम्‍सीब। तन्‍न गो मुल सम्‍म मोदेंशो अधिकार पाइब बाक्‍ब, दे मरुप्‍नय। भजन संग्रह ८:४-६

१ यूहन्‍ना 5:20

मिनु परमप्रभु यावे आ तौमी इं कली रुप्‍तीक थुं गेप्‍तु, दे तुइक्‍नय। मेको रुप्‍तीक थुंमी थमा पतीके कली तुइक्‍नय। गोपुकी मेको थमा पाइब नु थुं का ङा बाक्‍नय। मोपा आ तौ येसु ख्रीस्‍त नु यो थुं का ङा बाक्‍नय। मेको थमा परमप्रभु यावे नु गेना हना यो ब्रोंइशा बाक्‍तीक बाक्‍ब। यूहन्‍ना १७:३

२ यूहन्‍ना 1:9

सुम चहिं ख्रीस्‍त आ थमा शेंतीके लोव़ प्रोंइबा, मेको परमप्रभु यावे नु थुं का मबाक्‍ब। सुम चहिं ख्रीस्‍त आ थमा शेंतीक लोव़ मप्रोंइबा, मेको आफ नु तौ निम्‍फा नु थुं का ङा बाक्‍ब। १यूहन्‍ना २:२३