लूका 10:2 - Sunuwar Bible

² मिनु गाक्‍चामेनु, मेको आन कली “बाली नाली रुप्‍चा शुश बाक्‍ब। रुप्‍ब मुर चहिं का निक्‍शी ला बाक्‍नीम। मोपतीके ‘बाली रुप्‍चा कली मुर योव़शा सोइक्‍तीने’ दे बाली नाली आ परमप्रभु कली पुनीने। मत्ती ९:३७-३८; यूहन्‍ना ४:३५

लूका 10:2 ပူးပေါင်းရင်းမြစ်များ

१ राजा 18:22

मिनु एलीयाम मेको आन कली “परमप्रभु यावे आ लोव़ पाइब गो आं का ला लीती। तन्‍न बाल आ नोले दुम्‍ब लोव़ पाइब ४ सहे ५० जना बाक्‍नीम।

भजन संग्रह 68:11

परमप्रभुमी आ लोव़ नेंपाइक्‍तु। मिनु मेको लोव़ शेंब मीश मुर शुश दुम्‍तेक्‍म। यसैया ५२:७

येरमीया 3:15

मिनु गो इन कली आं थुं नु गारब गोठलापुकी गेनुङ। मिनु मेको जोक्‍ब नु रुप्‍ब दुम्‍शा, इन कली थुल्‍नीम। येरमीया २३:३-४; यसैया ४४:२८; इजीकीएल ३४:२३

जकरिया 11:17

आबी आबी, शोर गाक्‍शो गोठला। मेकोमी बगाल प्रोंइब। तरवारमी आ ग्‍युरा गुइ नु आ ग्‍युरा मिक्‍च कली आ‍बल। मिनु मेको आ ग्‍युरा गुइ नेल्‍ल सोव़ल। आ ग्‍युरा मिक्‍च बुक्‍शा मताइब दुम्‍ल” देंत।

जकरिया 11:5

मेको ग्‍याप्‍बपुकीमी भेडा क्‍योरशा सजाइ मतथु ब्रोंइशा लाइनीम। मिनु मेको आन कली लेयबपुकीमी ‘परमप्रभु ठेयब बाक्‍ब। मारदे हना गो शोंप पाइश्‍शो दुम्‍तक’ देंनीम। मिनु मेको भेडा आन गोठलामी मेको आन कली शिशी मपाइनीम। येरमीया २३:-; इजीकीएल १३:-; इजीकीएल ३४:-

गन्‍ती 11:17

मिनु गो यिशा, गे नु लोव़ पाइनुङ। मिनु गो इ आगामी बाक्‍शो सोक्‍त रे लाइश्‍शा, मेको आन तारी वोइक्‍नुङ। मिनु मेकोपुकीमी गे नु गारशा, मेको मुर आन श्‍येत कुरनीम। मिनु गे का ला कुरचा ममाल्‍नेवे।

गन्‍ती 11:29

तन्‍न मोसामी मेको कली “मार, आं पर्बम गे ईख पाइब दुमे? परमप्रभु यावेमी आ सोक्‍त आ मुर नेल्‍ल आन तार वोइश्‍शा, मेको नेल्‍ल परमप्रभु यावे आ लोव़ पाइब दुम हना, गिश रिम्‍शो दुम वा” देंत। योएल ३:१; मर्कूस ९:३८-३९

मत्ती 20:1

स्‍वर्ग ङा राज्‍य ओदेंशो बाक्‍ब, खिं का ङा होव़प सुनी कना बोक्‍शा, आ अङगुर रूमी गेय पाइब आन कली ब्रेत्‍थ लमाक्‍त।

मर्कूस 13:34

दोदेंशो दुम्‍ब देंशा हना, मुर का तेइ तेइ हिरथ लमेनु, लचा ङोंइती आ गेय पाइब आन कली का का पा आन गेय योक्‍शा, लाप्‍चो खाल पाइब कली ‘गेना हना यो लां कोव़शा बाक्‍को’ दे माइश्‍शा लाइब।

मर्कूस 16:15

मिनु येसुमी आ शेंसीब ११ जना आन कली “रागी नेल्‍ल हिरशा, ग्‍येरपाइक्‍ब लोव़ नेल्‍ल आन कली नेंपतीने। मर्कूस १३:१०; मत्ती २८:१६-२०

मर्कूस 16:20

मिनु येसु कली थमा सुइक्‍बपुकी लशा, ग्‍येरपाइक्‍ब लोव़ तेइ तेइ नेंपाइक्‍ना पाइक्‍न गाक्‍‍मा बाक्‍त। प्रभु यो मेकोपुकी नु काथा बाक्‍शा, चिन्‍ड कोंइना कोंइन मेको आन लोव़ थमा बाक्‍ब दें‍बाक्‍माक्‍त। प्रेरित १४:३; हिब्रू २:४

लूका 9:1

मिनु काबु येसुमी आ १२ जना शेंसीब आन कली खुप्‍शा, वोल आन कली ग्रुंइतीक नु रोइ पशो मुर आन कली सापाइक्‍ती सक्ति नु अधिकार गेमी बाक्‍त। लूका १०:१-१२

प्रेरित 11:19

स्‍तीफानस साइक्‍चा पुंइसे नोले खेदा पचा पुंइसीशा, प्रोक्‍शा गाक्‍शो थमा सुइक्‍ब का निक्‍शी फोनीसीया, का निक्‍शी साइप्रस, का निक्‍शी एन्‍टीओक जाक्‍दीश्‍शो बाक्‍मा बाक्‍त। मिनु मेकोपुकीमी येसु आ लोव़ यहूदी आन कली ला शेंदमे बाक्‍त। प्रेरित ८:१-४

प्रेरित 13:2

मिनु काबु थमा सुइक्‍बपुकी खुम्‍सीशा माइजा बाक्‍शा, प्रार्थना पना पन प्रभु कली ठेयब सेल्‍ना सेल्‍न बाक्‍मानु, परमप्रभु यावे आ सोक्‍तीमी “बारनाबास नु सावल आस कली आं गेय पथ योव़तासी। मोपतीके मेको आस कली आं गेय पचा कली सोइक्‍तीने” दे तुइक्‍पाइक्‍मी बाक्‍त। प्रेरित ९:१५

प्रेरित 13:4

मिनु मेको निक्‍शी परमप्रभु यावे आ सोक्‍तीमी योव़शा सोइक्‍तीके एन्‍टीओक सहर रे ब्रुप्‍शा, सिलुसीया सहरमी जाक्‍दीस्‍सा बाक्‍त। मेकेर जहाज ङोइश्‍शा समुन्‍द्र शोक्‍शा, साइप्रस टापु जाक्‍दीस्‍सा बाक्‍त।

प्रेरित 20:28

गे आंम कली कोव़ङीने। परमप्रभु यावे आ सोक्‍तीमी इन कली थमा सुइक्‍ब आन कली कोव़ब सेल्‍तु। गे परमप्रभु यावे आ मुर आन कली मुर आन कली कोव़ब रिम्‍शो गोठला दुमीन। मारदे हना मेकोपुकी आ तौ आ हुशेम ग्‍याप्‍शो बाक्‍नीमी। १तिमोथी ४:१६; १पत्रुस ५:२-४

प्रेरित 22:21

प्रभुमी ‘मेकेर रे लावो। मारदे हना ङोन ङोन बाक्‍ब अर्को रागी ङा मुर आन कली आं पर्बम शेंथ सोइक्‍नन’ देंत” दे पावलमी देंमाक्‍त। प्रेरित १३:२

प्रेरित 8:4

प्रोक्‍शा ब्राशा गाक्‍बपुकीमी येसु आ लोव़ तेइ तेइ शेंना शेंन गाक्‍बाक्‍मा बाक्‍त।

१ कोरिन्‍थी 12:28

परमप्रभु यावेमी थमा सुइक्‍ब आन ग्रुम्‍तीकेमी ङोंइती ख्रीस्‍त आ सोइश्‍शोपुकी, मेको आन नोले आ लोव़ पाइबपुकी, मेको आन नोले शेंबपुकी, मेको आन नोले छक लाक्‍चा ङा गेय पाइबपुकी, मेको आन नोले सापाइक्‍बपुकी, मेको आन नोले वारच पाइबपुकी, मेको आन नोले कोव़बपुकी नु मेको आन नोले सोक्‍त आ लोव़ पाइबपुकी वोइक्‍तीमी। एफिसी ४:११-१२

१ कोरिन्‍थी 15:10

तन्‍न परमप्रभु यावेमी शिशी पा आ सोइश्‍शो नु आ लोव़ शेंब सेल्‍ती। आ शिशी पशो यो मो मबाक्‍ब। मिनु गो नेल्‍ल आन क्‍येङा शुश गेय पाता। मेको नेल्‍ल आं पशो ममाइ, तन्‍न परमप्रभु यावे आ पपाइश्‍शो बाक्‍ब। २कोरिन्‍थी ११:५,२३

२ कोरिन्‍थी 6:1

गो परमप्रभु यावे नु गेय पतीके इन कली “परमप्रभु यावे आ शिशी त‍शा, मप्रेंदीन” देंनीकी। २कोरिन्‍थी १:२४

फिलिप्‍पी 2:21

नेल्‍लेमी आंम आंम दाक्‍शो ला मिम्‍शा, पना पन बाक्‍नीमी। येसु ख्रीस्‍त आ दाक्‍शा मिम्‍शो चहिं मपाइनीम। २तिमोथी ४:१०,१६

फिलिप्‍पी 2:25

इन सोइश्‍शो आं कली वारच पाइब आं लोक्‍ब इपाफ्रोडीटस कली लेश्‍शा सोइक्‍नुङ। मेकोमी गो नु गेय पाप्‍तु। गो नु काथा गाक्‍शा, परमप्रभु यावे आ लोव़ शेंताक्‍व। फिलिप्‍पी ४:१८

फिलिप्‍पी 2:30

मेकोमी ख्रीस्‍त आ गेय पशा, आंम कली ममिम्‍थु, इन पा ङा आं कली वारच पथ जाक्‍मेनु, रोइ पा हेरा बेक्‍त।

कलस्‍सी 1:29

मोपतीके गो बोल पा शुश गेय पाइनुङ। येसु ख्रीस्‍तमी आं कली मोदेंशो पा आ सक्तिमी गेय पपाइक्‍ब।

कलस्‍सी 4:12

ख्रीस्‍त येसु आ गेय पाइब इन मुर इपाफ्रासमी इन कली “रिम्‍शो बाक्‍कीन” देंत। मेकोमी इन कली मिम्‍शा, परमप्रभु यावे कली “कलस्‍सी आन कली रुप्‍तीक थुं गेशा, इन दाक्‍शो नेल्‍ल तुइक्‍तमेक्‍ल” दे पुंइना पुंइन बाक्‍ब। कलस्‍सी १:७; फिलेमोन २३

१ थिस्‍सलोनिकी 2:9

आंइ लोक्‍बपुकी, गे नु बाक्‍शा, शुश गेय पाइतक, दे तुइक्‍नीनी। गोपुकीमी परमप्रभु यावे आ ग्‍येरपाइक्‍ब लोव़ शेंदकानु, इन कली श्‍येत मगेचा, दे नाक्‍दो नाक्‍त गेय पाइतक। प्रेरित १८:३; प्रेरित २०:३३-३४; १कोरिन्‍थी ४:१२; २थिस्‍सलोनिकी ३:८

१ थिस्‍सलोनिकी 5:12

आंइ लोक्‍बपुकी, इन कली शेंब नु लां कोंइशा, अरेब आन कली रिम्‍शो पने, दे माइक्‍नीकी। १कोरिन्‍थी १६:१८

२ थिस्‍सलोनिकी 3:1

मिनु आंइ लोक्‍बपुकी, आंइ कली मिम्‍शा, प्रार्थना पने। आंइ पर्बम परमप्रभु यावे कली मार पुंइचा देंशा हना, इन दातेमी खोदेंशो पा, प्रभु आ लोव़ तेइ तेइ साव सुव ब्रशा लल। एफिसी ६:१८-१९; कलस्‍सी ४:३; १थिस्‍सलोनिकी ५:२५

१ तिमोथी 4:10

एको लोव़ शेंशा श्‍येत जशा, शेंतीक गेय पाइनय। मारदे हना ब्रोंइचा गेब परमप्रभु यावे कली आस पाइनय। मेको नेल्‍ल मुर आन कली प्रोंइब बाक्‍ब। मोपा थमा सुइक्‍बपुकी पाप रे ब्रोंइचा ताइनीम।

२ तिमोथी 4:5

गे चहिं मार पाप्‍तीवी हना यो, मिम्‍ना मिम्‍न गेय पावो, श्‍येत फलो, ग्‍येरपाइक्‍ब लोव़ शेंदो। इ कली गेशो गेय नेल्‍ल पावो” दे माइक्‍नन। २तिमोथी २:३

फिलेमोन 1:1

ख्रीस्‍त येसु आ नेंमी जेल्‍खानम चोक्‍चा पुंइसीशो पावल नु इं लोक्‍ब तिमोथी गो निक्‍शीमी एको चिठी ब्रेक्‍ताक्‍स्‍कु। एको चिठी सु सु इन कली ब्रेक्‍ताक्‍स्‍कु देंशा हना, गो नु गारशा गेय पाइब इं दाक्‍शो फिलेमोन, एफिसी ३:१

हिब्रू 3:6

ख्रीस्‍तम चहिं परमप्रभु यावे आ खिंमी आ तौ दुम्‍शा, रिम्‍शो गेय पाप्‍तु। मिनु गो मेको कली आस पा थमा सुइक्‍चा मप्रोंइतय हना, गो आ खिं बाक्‍नय। एफिसी २:१९; १पत्रुस २:५

प्रकाश 2:1

मिनु येसु ख्रीस्‍तमी आं कली एफिसस सहर ङा थमा सुइक्‍ब आन शेंब कली ब्रेक्‍पाइक्‍ती। एको आ ग्‍युरा गुइमी ७ ओटा सोरुल नु ७ ओटा सुन के दियारी आन दातेमी हिरब आ लोव़ बाक्‍ब। प्रेरित १८:१९