लूका 10:17 - Sunuwar Bible

¹⁷ मिनु मेको ७० जना लशा शेंने थुम्‍शा, येसु आ बाक्‍तीके लेश्‍शा जाक्‍मा बाक्‍त। मिनु जाक्‍शा, येसु कली “प्रभु, इन नें थिशा, हुइश्‍शोनु वोलम यो टिशा प्रोक्‍बाक्‍तेक्‍म” दे थाम्‍पा ग्‍येरसीशा मदमे बाक्‍त। ७२ जना शेंसीब यो देंनीम।

लूका 10:17 ပူးပေါင်းရင်းမြစ်များ

मत्ती 4:24

मिनु सिरीया रागी नेल्‍ल मेको आ पर्बम लोव़ ब्रम्‍माक्‍त। मिनु रोइ पशो मुर नेल्‍ल आन कली येसु आ बाक्‍तीकेमी चाक्‍स ङा चाक्‍स पाइबाक्‍मा बाक्‍त। वोलमी तशो, वोलमी सुम्‍शो नु गुइ खोइल मदुक्‍ब मुर चाक्‍गमे बाक्‍त। मिनु येसुमी मेको नेल्‍ल आन कली सापाइक्‍मी बाक्‍त। मर्कूस ६:५५

मर्कूस 16:17

थमा सुइक्‍बपुकी दोदेंशो सक्ति पाइश्‍शो दुम्‍नीम देंशा हना, आं नें थिशा वोल आन कली ग्रुंइशा खेरनीम। परमप्रभु यावे आ सोक्‍तीमी पपाइश्‍शो लोव़ ब्‍वाक्‍नीम। प्रेरित १६:१८; प्रेरित १०:४६; प्रेरित १९:६

लूका 10:1

मिनु नोले प्रभुमी ७० जना अरु शेंसीब आन कली योव़शा, ङोंइती आ लशो सहर गाउंमी निक्‍‍निक्‍शी पा सोइक्‍तीमी बाक्‍त। का नि‍क्‍शी किताबम ७२ देंनीम। लूका ६:१३-१६; लूका ९:१; मर्कूस ६:७

लूका 10:20

वोलम इन देंशो टीनीम, दे तुइक्‍नीनी। मेको आ पर्बम मग्‍येरसीन। तन्‍न ‘परमप्रभु यावे आ मुर दुम्‍शा, इं नें परमप्रभु यावे नु ब्रोंइचा ताइब आन किताबम ब्रेक्‍साक्‍व’ दे तुइश्‍शा थाम्‍पा ग्‍येरसीने” दे माइक्‍मी बाक्‍त। प्रस्‍थान ३२:३२; यसैया ४:३; फिलिप्‍पी ४:३; प्रकाश ३:५

लूका 10:9

रोइ पाइब आन कली सापतीन। मिनु मुर आन कली ‘परमप्रभु यावे आ राज्‍य इन नेक्‍था जाक्‍शो बाक्‍ब’ दे नेंपतीन।

लूका 9:1

मिनु काबु येसुमी आ १२ जना शेंसीब आन कली खुप्‍शा, वोल आन कली ग्रुंइतीक नु रोइ पशो मुर आन कली सापाइक्‍ती सक्ति नु अधिकार गेमी बाक्‍त। लूका १०:१-१२

रोमी 16:20

थुं नाइक्‍चा गेब परमप्रभु यावेमी रीब पा सैतान कली इन खोइल आगाम वोइक्‍ब। इं प्रभु येसु ख्रीस्‍तमी इन कली शिशी पवल।

एफिसी 5:24

दोपा थमा सुइक्‍बपुकीमी ख्रीस्‍त कली टीनीमी, मोपा मीश मुरपुकीमी आंम वोंइश आ देंशो नेल्‍ल टिचा माल्‍नीमी।