लूका 10:16 - Sunuwar Bible

¹⁶ सुमी इन शेंशो नेंना, मेकोमी आं शेंशो नेंब। सुमी इन कली मब्राइबा, मेकोमी आं कली मब्राइब। आं कली मब्राइबमी आं कली सोइक्‍ब कली यो मब्राइब” दे माइश्‍शा सोइक्‍तीमी बाक्‍त। मत्ती १०:४०; यूहन्‍ना ५:२३

लूका 10:16 ပူးပေါင်းရင်းမြစ်များ

प्रस्‍थान 16:7

सुनी कना गे परमप्रभु यावे आ छेङछेङ ग्रूशो ताइनीनी। मारदे हना मेकोमी इन परमप्रभु यावे कली गन गन पशो तुइक्‍ताक्‍व। गो निक्‍शी सु नस्‍कु ङा? गे आंस पर्बम गाइक्‍नीनी?” देंताक्‍स।

प्रस्‍थान 16:8

मिनु मोसामी इस्राएली आन कली “परमप्रभु यावेमी आपो नाक्‍दो इन कली श्‍ये गेब, सुनी कना रूथ्री शोब्‍ले गेब, इन गन गन पशो लोव़ नेंतु, दे तुइक्‍तीन। गो निक्‍शी सु नस्‍कु ङा? इन गन गन पशो आंस कली ममाइ, परमप्रभु यावे नु कका गाइक्‍ताक्‍नी दे तुइक्‍तीन” देंत।

मलाकी 1:6

मिनु मुर नेल्‍ल आन परमप्रभु यावेमी आ नें आइक्‍च सेल्‍ब चढ़ेब आन कली “तौपुकीमी आन आफ कली मान पाइनीम। मिनु गेय पाइबपुकीमी आन होव़प कली यो मान पाइनीम। गो इन आफ नङ हना, मारदे आं कली मान मपाइनीनी? गो इन होव़प नङ हना, मारदे आं कली मान पा महिंनीनी?” देंत। मिनु गेपुकीमी “गो दोपा इन नें आइक्‍च सेल्‍का?” देंतीनी। प्रस्‍थान २०:१२

गन्‍ती 14:11

मिनु परमप्रभु यावेमी मोसा कली “एको मुरपुकीम गेना सम्‍म आं कली मटीनीमी? एको आन दातेम आं कोंइशो चिन्‍ड तशा यो, गेना सम्‍म आं कली थमा मसुइक्‍नीमी?

गन्‍ती 14:2

मिनु इस्राएली नेल्‍ल मोसा नु हारून आस पर्बम गन गन पाम्‍तेक्‍म। मिनु नेल्‍लेमी मेको आस कली “गोपुकी इजीप्‍त उइ बेक्‍शो नकी हना, रिम्‍शो दुम वा। एको गोरशो रागीम बेक्‍शो नकी हना यो, दुम वा। गन्‍ती ११:१; प्रस्‍थान १६:२-३; प्रस्‍थान १७:२-३

गन्‍ती 16:11

गे नु इ मुर नेल्‍ले परमप्रभु यावे कली दोस गेशा बुक्‍तीनी। हारून सु बाक्‍बा ङा? गे मेको कली गन गन पनी?” दे माइक्‍तीमी।

मत्ती 10:40

इन कली ब्राइबमी आं कली ब्राइब। मिनु आं कली ब्राइबमी आं कली सोइक्‍ब कली यो ब्राइब।

मत्ती 18:5

सुमी आं नेंम ओदेंशो आल कली ब्राइबा, मेकोमी आं कली ब्राइब। मत्ती १०:४०

मर्कूस 9:37

“सुमी आं नेंमी ओदेंशो आल कली ब्राइबा, मेकोमी आं कली ब्राइब। आं कली ब्राइबमी आं कली ममाइ, तन्‍न आं कली सोइक्‍ब कली यो ब्राइब” दे माइक्‍मी बाक्‍त। मत्ती १०:४०

लूका 9:48

“सुमी एको आल कली आं नेंमी ब्राइबा, मेकोमी आं कली ब्राइब। मिनु सुमी आं कली ब्राइबा, मेकोमी आं कली सोइक्‍ब कली यो ब्राइब। गे इन दातेमी सु नेल्‍ल क्‍येङा आइक्‍च सुंइ‍सीबा, मेको नेल्‍ल क्‍येङा ठेयब दुम्‍ब” दे शेंदीमी बाक्‍त। मत्ती १०:४०

यूहन्‍ना 12:44

मिनु येसुमी ठेयब सेंदा पशा “आं कली थमा सुइक्‍बमी आन थमा सुइश्‍शो आं कली ला ममाइ, तन्‍न आं कली सोइक्‍ब कली यो थमा सुइश्‍शो नम।

यूहन्‍ना 12:48

सुम आं कली मब्रथु, आं देंशो लोव़ मपाइबा, मेको कली निसाफ पाइब का बाक्‍ब। मेको निसाफ पाइब सु बाक्‍ब देंशा हना, आं देंशो लोव़ बाक्‍ब। एको लोव़मी मेको कली नोले ङा नाक्‍ती निसाफ पाइब।

यूहन्‍ना 13:20

नोफा दाइश्‍शा नेनीन। सुमी आं सोइश्‍शो कली ब्राइबा, मेकोमी आं कली ब्राइब। मिनु सुमी आं कली ब्राइबा, मेकोमी आं कली सोइक्‍ब कली यो ब्राइब” देंत। मत्ती १०:४०

प्रेरित 5:4

मेको रू मलेयसी नु इस केन बाक्‍त। लेयसी नोले मेक रे जाक्‍शो क्‍येट यो इस केन बाक्‍त। मिनु मारदे जोल पसी? गे आंइ कली जोल मपसी, तन्‍न परमप्रभु यावे कली जोल पाइतीसी” दे मदा बाक्‍त।

गलाती 4:14

आं कली मोदेंशो रोइ पशो तशा ग्रांग्रा मदित्‍तीनी। मरिम्‍शो लोव़ यो मपाइय्‍यीनी। श्‍येत पा वारच पाइतीनी। परमप्रभु यावे आ स्‍वर्ग ङा गेय पाइब कली ब्रशो खोदेंशो पा मान पाइतीनी। ख्रीस्‍त येसु कली ब्रशो खोदेंशो पा ब्रतीनी।

१ थिस्‍सलोनिकी 4:8

मोपतीके सुमी मेको लोव़ मटीबा, मेकोमी मुर आ लोव़ मटीब ममाइ, परमप्रभु यावे कली मटीब बाक्‍ब। परमप्रभु यावेमी इन कली आ सोक्‍त गेब। लूका १०:१६