लूका 1:8 - Sunuwar Bible

⁸ मिनु मार दुम्‍माक्‍त देंशा हना, चढ़ेब आ गेय पचा कली अबीयाह आ हुल आन पालो जाक्‍माक्‍त। मिनु जकरिया यरूसलेम ल‍माक्‍त। मिनु मेकेर जाक्‍दीश्‍शा, परमप्रभु यावे आ खिंमी गेय पवा बाक्‍त।

लूका 1:8 ပူးပေါင်းရင်းမြစ်များ

१ इतिहास 24:19

मेको आन किकी हारूनमी गेशो पतीक लोव़ गेय बाक्‍माक्‍त। दोपा परमप्रभु यावे आ खिं लचा ब्रेक्‍शो बाक्‍त। परमप्रभु यावे, इस्राएली आन परमप्रभुमी हारून कली गेशा शेंशो लोव़ खोदेंशो बाक्‍शो बाक्‍त। हारून आ खिं खिं ङा लेवी आन गेय पचा माल्‍मा बाक्‍त।

१ इतिहास 24:2

नादाब नु अबीहु चहिं आस आफ बेक्‍चा क्‍येङा ङोंइती तौ मथिथु, बेक्‍सा बाक्‍त। मोपतीके एलाजर नु इथामार चढ़ेब दुम्‍शो बाक्‍सा बाक्‍त।

२ इतिहास 11:14

लेवीपुकीम आन बाक्‍तीक नेल्‍ले प्रोंइशा, यहूदा नु यरूसलेमम बाक्‍थ जाक्‍मा बाक्‍त। मारदे हना येरोबाम नु आ तौपुकीमी मेको आन कली परमप्रभु यावे कली चढ़ेतीक गेय पचा मगेमे बाक्‍त। २इतिहास १३:९

२ इतिहास 31:19

मिनु हारून आ तौ ङा चढ़ेब वोंइश मुरपुकी सहर आन नेक्‍था ङा योक्‍तीकेम बाक्‍शो, चढ़ेब आन दातेमी सु सु वोंइश मुर आन नें ब्रेक्‍शो बाक्‍मा, मेको आन भाग गेचा पुंइसमा बाक्‍त। मिनु चढ़ेब नु लेवी आन दातेमी सु सु आन नें ब्रेक्‍शो बाक्‍मा, मेको गेचा पुंइसमा बाक्‍त।

२ इतिहास 31:2

पिप हिज्‍कीयाहमी चढ़ेब नु लेवी आन कली आन गेय गेना पचा दे पालो पालो पा वोइक्‍पदा बाक्‍त। मिनु चढ़ेब नु लेवी आन कली परमप्रभु यावे कली चोशा चढ़ेतीक चढ़ेचा नु दुशा बाक्‍चा आ पर्बम चढ़ेचा, परमप्रभु यावे कली “गे रिम्‍शो पाइब बाक्‍नीनी” दे कुम्‍सो पा, ठेयब सेल्‍तीक कुम्‍सो नु परमप्रभु यावे आ बाक्‍तीक ङा लाप्‍चो आ ङोंइती गेय पचा कली आन पालो योक्‍शा गेशो बाक्‍त।

२ इतिहास 8:14

सोलोमन आ आफ दाऊदम ब्रेक्‍शो अरेशो लोव़ खोदेंशो पा, तेको चढ़ेबम गेना चढ़ेचा माल्‍बा, आन पालोम पतीक गेय नेल्‍ल देंशो बाक्‍माक्‍त। मिनु लेवीपुकीमी परमप्रभु यावे कली ठेयब सेल्‍तीक कुम्‍सो पचा कली नु चढ़ेब आन कली वारच पचा कली बाक्‍मा बाक्‍त। मिनु लाप्‍चो खाल पाइब आन कली आन हुल हुल पा योव़शा, तेको तेको लाप्‍चोम बाक्‍चा माल्‍दा मोपा वोइक्‍पाइश्‍शो बाक्‍माक्‍त। मारदे हना परमप्रभु आ मुर दाऊद मोदेंशो अरेशो बाक्‍त। १इतिहास २३:- १इतिहास २६:-

एज्रा 6:18

मिनु मेकोपुकीमी मोसा आ किताबमी ब्रेक्‍शो खोदेंशो पा चढ़ेब आन पालो पालो पा नु लेवी आन पालो पालो पा यरूसलेममी परमप्रभु आ गेय पचा कली लेंशा वोइक्‍तेक्‍म। गन्‍ती ३:६

प्रस्‍थान 28:1

मिनु इस्राएली आन दाते रे योव़शा, इ लोक्‍ब हारून नु आ तौपुकी इ ङोंइती राप्‍पाइक्‍चा माल्‍नेवे। मारदे हना हारून नु आ तौ नादाब, अबीहु, एलाजर नु इथामार आं कली चढ़ेब दुम्‍चा माल्‍नीमी। १इतिहास २३:१३; प्रस्‍थान ६:२३

प्रस्‍थान 28:41

गे मेको इ लोक्‍ब हारून नु आ तौ आन कली फेक्‍तीमी। मिनु तेल लुक्‍शा, आं कली ला गेय पचा कली योव़शा वोइक्‍मी। मोपा आं कली चढ़ेब दुम्‍नीम। प्रस्‍थान २९:९, २९-३६; प्रस्‍थान २९:२४; लेवी ८:१२,२२-३१

प्रस्‍थान 29:1

गे हारून नु आ तौपुकी आं कली चढ़ेब सेल्‍‍चा कली मार पचा माल्‍नेवे देंशा हना, बोहोर का, मारेइ मदुम्‍शो थम रिम्‍शो सांड निक्‍शी चाक्‍को।

प्रस्‍थान 29:44

गो ग्रुम्‍तीक ताम्‍बु नु चढ़ेतीक आं के सेल्‍नुङ। हारून नु आ तौ आन कली यो आं कली चढ़ेब दुम्‍शा, आं गेय पपाइक्‍चा कली आं के सेल्‍नुङमी।

प्रस्‍थान 29:9

मिनु आ तौ आन कली किप्‍तीके किप्‍चा माल्‍नेवे। मिनु आन पियाम गुक्‍तीके गुप्‍चा माल्‍नेवे। मिनु मेकोपुकी गेना हना यो आं कली चढ़ेब गेय पाइब दुम्‍नीम। मोपा हारून नु आ तौ आन कली आं कली चढ़ेब सेल्‍मी। प्रस्‍थान २८:४१

प्रस्‍थान 30:30

आं कली चढ़ेब दुम्‍ब हारून नु आ तौ आन कली यो तेल ख्रेक्‍शा, आं गेय पाइब सेल्‍चा माल्‍नेवे। प्रस्‍थान २९:७

गन्‍ती 18:7

तन्‍न गे नु इ तौपुकीम चढ़ेतीक नु फारशो वा आगा ङा कोठा ङा गेय थम रिम्‍शो पा पने। चढ़ेतीक गेय इन कली गेतन्‍नी। अरु सुइ मेकेर जाक्‍तेक्‍म हना, मेको साइक्‍चा पुंइसीनीम” देंत। गन्‍ती १:५१

लूका 1:5

यहूदीया रागीम हेरोद पिप आ पालामी अबीयाह आ हुल ङा जकरिया नें पाइश्‍शो चढ़ेब का बाक्‍माक्‍त। आ मीश हारून आ खिं ङा चढ़ेब आ तमी बाक्‍माक्‍त। आ नें एलीशीबा बाक्‍माक्‍त। १इतिहास २४:१०,१९

लूका 1:7

मेको निक्‍शी खाल्‍पी खाल्‍पा दुम्‍‍शो बाक्‍ताक्‍स हना यो, आल मथिशो बाक्‍सा बाक्‍त। मारदे हना एलीशीबा आल मथीब मीश मुर बाक्‍माक्‍त।