लूका 1:79 - Sunuwar Bible

⁷⁹ मिनु मेको बेक्‍पाइक्‍ब आ छिङछिङम बाक्‍ब आन कली हाम्‍सो दुम्‍ब। मिनु मेकोमी आंइ कली थुं नाइश्‍शा बाक्‍तीकेम खुल्‍ब” देंमाक्‍त। यसैया ९:१

लूका 1:79 ပူးပေါင်းရင်းမြစ်များ

अय्‍युब 10:22

नु ग्रांग्‍ये माग्‍ये दुम्‍तीकेम लचा क्‍येङा ङोंइती आं कली आं कान प्रोंइ‍‍यीनी। मेकेर ङा छेङछेङ यो छिङछिङ दुम्‍त” दे अय्‍युबम परमप्रभु कली देंमाक्‍त। अय्‍युब ७:१०

अय्‍युब 3:5

मेको नाक्‍ती कली क्‍येर छिङछिङम सुमल। मेको गोस्‍सुम सुम‍ल। मेको आ छिङछिङ हिंचा ङा दुम्‍ल।

भजन संग्रह 107:10

का निक्‍शी श्‍येत जशा छिङछिङम बाक्‍तेक्‍म। चोक्‍चा पुंइसीशोपुकी साङलोम पाइक्‍चा पुंइसीशा, श्‍येत जशो बाक्‍तेक्‍म।

भजन संग्रह 107:14

मेकोमी मेको आन कली आन श्‍येत नु छिङछिङ रे ग्रुंइताक्‍मी। मिनु मेको आन साङलो प्रोइक्‍तु।

भजन संग्रह 23:4

मिनु गो बेक्‍चा ङा बेंसीम गाक्‍ती हना यो, महिंनुङ। मारदे हना गे गो नु बाक्‍नीनी। इन कोक्‍के तशा आं थुं नाइश्‍शा ग्‍येरनुङ। भजन संग्रह ४६:३

भजन संग्रह 25:12

सु सुमी परमप्रभु यावे कली मान पा हिंनीमी, मेको आन कली तेको लां लचा माल्‍नीमी, मेको शेंब।

भजन संग्रह 44:19

तन्‍न गे आंइ कली फस पोक्‍शा, सिवार आन बाक्‍तीक खोदेंशो पा छिङछिङमी सुम्‍तीनी।

हितोपदेस 3:17

मेको आ लां रिम्‍शो नु थुं नाइक्‍तीके बाक्‍नीम।

हितोपदेस 8:20

गो ठीक पतीक लां गाक्‍नुङ। ठीक निसाफ पाइनुङ।

यसैया 42:16

मिनु मिक्‍च मताइब आन कली आन मतुइश्‍शो लांमी खुल्‍नुङमी। आन मतुइश्‍शो गाक्‍तीक लांमी गाक्‍पाइक्‍नुङमी। मेको आन ङोंइती बाक्‍शो छिङछिङ कली छेङछेङ सेल्‍नुङ। मिनु फुल्‍लु बाक्‍तीक कली दिंम सेल्‍नुङ। एको मप्रोंइथु पाइनुङ। यसैया ४०:४

यसैया 42:7

मारदे सोइक्‍ताक्‍न देंशा हना, मिक्‍च मताइब आन कली तपाइक्‍चा, जेल्‍खानम बाक्‍ब आन कली प्रोंइचा नु छिङछिङ रे ग्रुंइचा कली सोइक्‍ताक्‍न। यसैया ३५:५; यसैया ४५:१९; भजन संग्रह १२६:१-४

यसैया 48:17

इन कली श्‍येत रे प्रोंइब इस्राएली आन का ला बाक्‍शो परमप्रभुमी “गो परमप्रभु यावे, इन परमप्रभु नङ। गो इन कली रिम्‍शो दुम्‍चा कली शेंनुङ। मिनु तेको लां लचा माल्‍नीनी, मेको कोंइनुङ।

यसैया 48:22

परमप्रभु यावेमी “आं अरेशो लोव़ मटीब आन थुं नाइक्‍चा मताइनीम” देंत। यसैया ५७:२१

यसैया 49:6

मिनु मेकोमी “याकूब आ थर ङा मुरपुकी नु इस्राएल ङा लीशो मुर आन कली ङोंइती ङा खोदेंशो सेल्‍चा कली इ कली आइक्‍च गेय का बाक्‍ब। गो इ कली रागी रागी ङा मुर आन कली छेङछेङ दुम्‍पाइक्‍नुङ। मिनु मेको आं पाप रे प्रोंइतीके रागी ङा सुर सम्‍म ब्रल” देंत। यसैया ४२:६; यसैया ६०:३; लूका २:१२; प्रेरित १३:४७

यसैया 49:9

गो जेल्‍खानम बाक्‍ब आन कली ‘ग्रूङीन’, छिङछिङम बाक्‍ब आन कली ‘छेङछेङम ग्रूङीन’ देंचा कली ब्रेत्‍ताक्‍न। मेकोपुकी आं भेडा बाक्‍नीम। लांमी जोचा ताइनीम। गोरशो डांडा मेको आन रिम्‍शो पा जोतीके बाक्‍तीके दुम्‍ब।

यसैया 59:8

मेकोपुकीम थुं नाइक्‍पाइक्‍तीक आ पर्बम मारेइ मतुइक्‍नीम। मेको आन लांम ठीक निसाफ मबाक्‍ब। मेकोपुकी हेंथे लां खोइक्‍नीम। सु सु मेको हेंथे लां गाक्‍नीमी, मेको यो थुं नाइश्‍शा बाक्‍चा मताइनीम।

यसैया 9:2

छिङछिङम गाक्‍बपुकीम ठेयब छेङछेङ ताइनीम। थम छिङछिङ ङा रागीम बाक्‍ब आन तार थम छेङछेङ दुम्‍ब।

येरमीया 2:6

मेकोपुकीमी ‘आंइ कली इजीप्‍त रागी रे ग्रुंइब परमप्रभु यावे ते बाक्‍बा? मेकोमी आंइ कली गोरशो रागीम लां कोंइशा गाक्‍पाइक्‍तु। मेको मुर मबाक्‍तीक गोरशो रागी नु शुश खाल्‍टा बाक्‍शो रागी बाक्‍त। ब्‍वाक्‍कु मबाक्‍शो नु छिङछिङ ङा रागी बाक्‍त। मेको सुइ मगाक्‍तीक नु सुइ मुर मबाक्‍तीक रागी बाक्‍त’ देंतेक्‍म। ब्‍यवस्‍था ८:१५

येरमीया 6:16

मिनु परमप्रभु यावेम मार, देंत देंशा हना “लां ब्रा‍तीकेम राप्‍शा कोव़ङीन। माइत लां आ पर्बम हिल्‍लो पने। मेको रिम्‍शो लां ते बाक्‍बा, दे हिल्‍लो पने। मिनु मेको लांमीन गाक्‍कीन। मिनु इन थुं ना‍इक्‍चा ताइनीनी। तन्‍न मेकोपुकीम ‘गो मेक मगाक्‍नीकी’ देंनीम। मत्ती ११:२९

मत्ती 4:16

ङोंइती छिङछिङम बाक्‍बपुकीमी मुल ठेयब छेङछेङ ताम्‍तेक्‍म। बेक्‍चा ङा रागी नु हिंशा बेक्‍चा ङा रागीम बाक्‍ब आन कली छेङछेङ दुम्‍त” दे ब्रेक्‍शो बाक्‍त। यसैया ८:२३; यसैया ९:१; यूहन्‍ना ८:१२

लूका 2:32

अर्को जात ङा मुर आन कली छेङछेङ दुम्‍शा, मेको आन कली रुप्‍तीक थुं गेचा कली सोइक्‍ताक्‍नी। गो इस्राएली आंइ कली थम रिम्‍शो दुम्‍त” देंमाक्‍त। यसैया ४९:६

यूहन्‍ना 1:9

मिनु छेङछेङ माइश्‍शोमी रागीमी बाक्‍शो मुर नेल्‍ल आन कली रुप्‍ब थुं गेचा कली रागीमी जाक्‍त।

यूहन्‍ना 12:46

रागी ङा मुर आन कली परमप्रभु यावे आ पर्बम तुइक्‍पाइक्‍चा कली गो रागी कली छेङछेङ दुम्‍शा जाक्‍ती। मोपतीके सुम आं कली थमा सुइक्‍बा, मेको छिङछिङमी मबाक्‍ब।

यूहन्‍ना 8:12

मिनु येसुमी लेंशा फरिसी आन कली “गो रागी कली छेङछेङ नङ। आं नोले खोइक्‍बपुकी गेनायो छिङछिङमी मगाक्‍नीम। ब्रोंइतीक छेङछेङ ताइनीम” देंत। यूहन्‍ना १:५,९; यसैया ४९:६; यसैया ६०:२०; मत्ती ५:१४-१६

यूहन्‍ना 9:5

गो रागीमी बाक्‍ङानु, रागी कली छेङछेङ नङ” देंत। यूहन्‍ना ८:१२; यूहन्‍ना १२:१५

प्रेरित 10:36

परमप्रभु यावेमी येसु ख्रीस्‍त आ पतीकेम आंइ इस्राएल ङा मुर आन कली ग्‍येरपाइक्‍ब लोव़ नेंपाइक्‍तु। मिनु येसु ख्रीस्‍त नेल्‍ल आन प्रभु बाक्‍ब। एफिसी २:१७

प्रेरित 26:18

मारदे हना मेकोपुकी मिक्‍च ताइब दुम्‍मल। छिङछिङमी बाक्‍शोपुकी छेङछेङमी बाक्‍चा तामेक्‍ल। सैतान आ अधिकारमी बाक्‍शोपुकी परमप्रभु यावे आ अधिकारमी बाक्‍ब दुम्‍मल। मेको आन पाप क्‍याम्‍चा पुंइसीशा, आं कली थमा सुइश्‍शोमी आं मुरपुकी नु काथा दुम्‍शा, आं मुर दुम्‍मल’ देंशो नेंता। प्रेरित २०:३२

रोमी 3:17

दुशा गारशा बाक्‍चा नु वारच पचा मतुइक्‍नीम।” यसैया ५९:७-८; लूका १:७९

एफिसी 5:8

गेपुकी यो ङोंइती छिङछिङ ङा गेय पाइब बाक्‍तीनी। मुल चहिं प्रभु कली थमा सुइश्‍शा, छेङछेङ ङा गेय पाइब दुम्‍तीनी। मोपतीके गेपुकी छेङछेङ ङा तमी तौ खोदेंशो दुम्‍शा बाक्‍कीन। एफिसी २:१; १पत्रुस २:९; मत्ती ५:१४; यूहन्‍ना १२:३६; १थिस्‍सलोनिकी ५:५