लूका 1:71 - Sunuwar Bible

⁷¹ ‘परमप्रभु यावेमी गो इस्राएल ङा मुर आंइ कली आंइ जोरी सत्रु आन गुइ रे नु आंइ कली काइ मदाक्‍ब रे प्रोंइब’ देंमा बाक्‍त।

लूका 1:71 ပူးပေါင်းရင်းမြစ်များ

२ राजा 17:39

तन्‍न गेपुकीम परमप्रभु यावे, इन परमप्रभु कली ला ठेयब सेलीन। मेकोमी इन कली इन जोरी सत्रु आन गुइ रे प्रोंइब” दे अरेशो बाक्‍माक्‍त। ब्‍यवस्‍था ६:१२-१९

भजन संग्रह 106:10

मिनु मेको आन कली आन जोरी सत्रु आन गुइ रे प्रोंइशो बाक्‍त। मोपा आ प्रोंइशो मुर दुम्‍शो बाक्‍तेक्‍म।

भजन संग्रह 106:47

मिनु गे “परमप्रभु यावे, आंइ परमप्रभु, आंइ कली प्रोनीन। मिनु इन कली ‘गे रिम्‍शो पाइब बाक्‍नीनी’ देंचा कली नु इन नें ठेयब सेल्‍शा ग्‍येरसीचा कली आंइ कली रागी रागी रे खुप्‍तीन। ब्‍यवस्‍था ३०:३; १इतिहास १६:३५

येरमीया 23:6

मेकोम सासन पवा ना यहूदा श्‍येत रे प्रोंइचा पुंइसीब। मिनु इस्राएल मारेइ मदुम्‍थु बाक्‍ब। मेको आ नेंम मेकोपुकी तुइक्‍चा पुंइसीनीमी। मेको आ नें ‘परमप्रभु यावे आंइ कली ठीक पाइब बाक्‍ब’ देंनीम” देंत। ब्‍यवस्‍था ३३:२८; येरमीया ३३:१६; यसैया ४५:२४

येरमीया 32:37

कोव़ङीन, गो मेको आन कली आं गाइश्‍शो, चुरशो नु ठेयब ग्‍युश्रा बोक्‍तीकेमी तेको रागीम खेरुमी, मेको रागी नेल्‍ल रे ग्रुम्‍पाइक्‍नुङमी। गो मेको आन कली लेंशा एको रागीम लेश्‍शा चाक्‍नुङमी। मिनु मेको आन कली रिम्‍शो पा मारेइ मदुम्‍थु बाक्‍पाइक्‍नुङमी। ब्‍यवस्‍था ३०:३

इजीकीएल 28:26

मेकोपुकी मेकेर मारेइ मदुम्‍थु बाक्‍नीम। मेकोपुकीम खिं सेल्‍नीम। मिनु अङगुर ख्रुम्‍नीम। मिनु गो मेको आन कली तशा, ग्रांग्रा दीब नेल्‍ल आन कली सजाइ गेनुङमी। गो मेको आन नेक्‍था बाक्‍ब मेको आन कली मदाक्‍ब आन कली निसाफ पङानु, मेकोपुकी रिम्‍शो पा बाक्‍नीम। मिनु मेकोपुकीम ‘गोन परमप्रभु यावे, आन परमप्रभु नङ’ दे तुइक्‍नीम” देंत।

इजीकीएल 34:25

मेकोमी “गो मेकोपुकी नु थुं नाइश्‍शा बाक्‍तीक कबल का पाइनुङ। मिनु गो रागी कली ब्‍वाकी ङा जन्‍तु रे प्रोंइनुङ। मिनु मेकोपुकी महिंथु थुं नाइश्‍शा गोरशो रागी नु ब्‍वाकीम इप्‍चा ताइनीम। इजीकीएल ३७:२६; लेवी २६:६; होसे २:२०

इजीकीएल 34:28

मिनु रागी रागी ङा मुरपुकीमी मेको आन कली रोइक्‍ने मचाप्‍‍नीम। ब्‍वाकी ङा जन्‍तुपुकीम यो मेको आन कली मब्‍वाइनीम। मेकोपुकी रिम्‍शो बाक्‍नीमी। मिनु सुइम मेको आन कली महिंपाइक्‍नीम। येरमीया ३०:१०

इजीकीएल 38:8

शुश नाक्‍त नोले लडाइ पचा कली इन कली ब्रेत्‍नीम। गेपुकीम लडाइम श्‍येत्‍थ दुम्‍शा लेंशा सेल्‍शो रागी कली लडाइ तोइनीनी। मेको मुर शुश रागी रे खुप्‍शा, इस्राएल ङा पहाडम चाक्‍शो बाक्‍नीम। मेकेर शुश बर्स रे मुर मबाक्‍म। मेकोपुकी रागी रागी रे चाक्‍शो बाक्‍तेक्‍म। मिनु मुल मेको नेल्‍ल मारेइ मदुम्‍थु रिम्‍शो पा बाक्‍शो बाक्‍नीम।

लूका 1:68

मेकोमी “परमप्रभु, इस्राएली आन परमप्रभु यावे ठेयब बाक्‍ब। मारदे हना इस्राएल ङा मुर इं कली शिशी पा पाप रे प्रोंइब सोइक्‍चाप्‍तु। लूका ७:१६

लूका 1:74

‘गो इं जोरी सत्रु आन गुइ रे प्रोंइचा पुंइसीनय। मिनु गो महिंथु परमप्रभु यावे कली ठेयब सेल्‍ने चाप्‍नय।

ब्‍यवस्‍था 33:29

गे इस्राएली, ग्‍येरसीने। परमप्रभु यावेमी प्रोंइचा पुंइसीशो इन खोदेंशो जात सु बाक्‍बा? परमप्रभु यावे इन कली वारच पाइब नु तेक्‍तीक बाक्‍ब। मेको इन ग्रातीक तरवार बाक्‍ब। इन जोरी सत्रु इन ङोंइती बाप्‍नीम। मिनु गे मेको आन चीमी थेक्‍शा गाक्‍नीनी” दे आसीक गेशा, देंत। ब्‍यवस्‍था ४:७-८; भजन संग्रह ३३:१२; भजन संग्रह १४४:१५

१ यूहन्‍ना 3:8

सु चहिं मरिम्‍शो पना पन बाक्‍बा, मेको मुर सैतान रे जाक्‍शो बाक्‍ब। मारदे हना सैतान ङोंइती रे मरिम्‍शो पना पन बाक्‍शो बाक्‍ब। मोपतीके परमप्रभु यावे आ तौ सैतान आ गेय थुम्‍चा कली रागीमी जाक्‍त। यूहन्‍ना ८:४४