लूका 1:66 - Sunuwar Bible

⁶⁶ नेंबपुकीमी मेको लोव़ आन थुंमी वोइश्‍शा “मेको आल नोले दोदेंशो दुम्‍बा?” देंमुमा बाक्‍त। मारदे हना परमप्रभु मेको आल नु बाक्‍माक्‍त।

लूका 1:66 ပူးပေါင်းရင်းမြစ်များ

उत्पत्ती 37:11

मिनु आ लोक्‍बपुकीमी योसेफ कली मदाक्‍तमे बाक्‍त। आ आफोम चहिं योसेफ आ देंशो मिम्‍शा आ थुंमी वोदा बाक्‍माक्‍त।

उत्पत्ती 39:2

मिनु परमप्रभु यावे योसेफ नु बाक्‍शो बाक्‍माक्‍त। योसेफ इजीप्‍त ङा होव़प आ खिंम बाक्‍मेनु, मार मार पवा, मेको नेल्‍ल रिम्‍शो दुम्‍शा लमाक्‍त। उत्‍पत्ती २६:२४

१ राजा 18:46

मिनु परमप्रभु यावेमी एलीया कली थिवा बाक्‍त। मिनु मेको आ फेक्‍शो वा खाइश्‍शा आहाब आ ङोंइङोंइती येज्रेल ङा ठेयब लाप्‍चो सम्‍म दोरशा लमाक्‍त।

भजन संग्रह 119:11

गो मरिम्‍शो मपङल, दे इन लोव़ आं थुंम वोइश्‍शो बाक्‍नुङ।

भजन संग्रह 80:17

इन ग्‍युरा गे बाक्‍ब मुर आ तारी इन गुइ लील। मेको कली थुल्‍शा कोल्‍पाइक्‍तीनी।

भजन संग्रह 89:21

मिनु गो मेको कली कोव़नुङ। मिनु सक्ति गेनुङ।

लूका 1:80

मिनु यूहन्‍ना कोल्‍शा, परमप्रभु यावे आ सोक्‍तीम बोल्‍यो दुम्‍शा, खिं रे गाक्‍शा, मुर मबाक्‍तीके गोरशो रागीमी जाक्‍दीश्‍शा, इस्राएल ङा मुर आन कली परमप्रभु यावे आ लोव़ मशेंदीमी सम्‍म मेकेर बाक्‍माक्‍त। मत्ती ३:१

लूका 2:19

तन्‍न मरीयममी गोठला आन लोव़ नेंशा, आ थुंमी वोदा बाक्‍त।

लूका 2:40

मिनु नोले आल कोल्‍शा, जोक्‍ब तुइक्‍ब दुम्‍माक्‍त। मारदे हना परमप्रभु यावेमी दाक्‍शा मेको कली आसीक गेवा बाक्‍त।

लूका 2:51

मिनु येसु आ आम आफ नु लेश्‍शा, नासरथ आ खिं लमाक्‍त। में ङा मेरे आ आम आफ आस लोव़ टिशा बाक्‍माक्‍त। आ ममामी मेको मोदेंशो दुम्‍शो नेल्‍ल शुश मिम्‍शा थुंम वोदा बाक्‍त।

लूका 9:44

“नोफा दाइश्‍शा नेनीन। आं देंशो लोव़ थुंमी वोतीन। रागीम जरमेशो दा मुर आन गुइमी गेशा साइक्‍चा पुंइसीब” देंमाक्‍त। लूका ९:२२; लूका १८:३१-३४

प्रेरित 11:21

मोदेंशो शेंब आन कली प्रभुमी सक्ति गेवा बाक्‍त। मिनु मेको आन लोव़ नेंशा, शुश मुरुमी थमा सुइश्‍शा, आन थुं प्रभु गे हिरदमे बाक्‍त। प्रेरित २:४७

कलस्‍सी 1:5

स्‍वर्गमी इन कली रिम्‍शो दुम्‍ब, दे तुइक्‍ताक्‍नी। गेपुकीमी ङोंइती रे थमा लोव़ पशो नेंतीनी। मेकोन ग्‍येरपाइक्‍ब लोव़ बाक्‍ब। १पत्रुस १:३-४

१ सामुएल 16:18

मिनु मेको आ गेय पाइब आन दाते ङा काम “बेथलेहेम ङा येस्‍से आ तौ आन दातेमी, काम ताप्‍शो गो नेंशो बाक्‍नुङ। मेको बोल्‍यो मुर बाक्‍ब। मिनु रिम्‍शो लडाइ पाइब, निप्‍स खाप्‍शा ब्‍वाक्‍ब नु दारशो यो बाक्‍ब। परमप्रभु यावे मेको नु बाक्‍शो बाक्‍ब” देंमाक्‍त।

१ सामुएल 2:18

मिनु सामुएल परमप्रभु यावे आ ङोंइती गेय पाइक्‍बाक्‍माक्‍त। मेको वोंइश आल सुती वा के कुचु तार चढ़ेब आ फेक्‍तीके फेक्‍शा, गेय पाइबाक्‍माक्‍त। १सामुएल २२:१८; प्रस्‍थान २८:४-६ हिब्रू लोव़मी एफोद देंशो कुचु आ फेक्‍तीक बाक्‍त।