लूका 1:6 - Sunuwar Bible

⁶ मेको निक्‍शी परमप्रभु यावे आ ङोंइती ठीक पाइब बाक्‍सा बाक्‍त। परमप्रभु यावे आ अरेशो लोव़ नु पतीके लोव़ नेल्‍ल टिशा, दोस मताइब दुम्‍शा बाक्‍शो बाक्‍सा बाक्‍त।

लूका 1:6 ပူးပေါင်းရင်းမြစ်များ

उत्पत्ती 17:1

मिनु अब्राम ९९ बर्स दुम्‍मेनु, परमप्रभु यावे अब्राम आ ङोंइती ग्रूशा, मेको कली “गो नेल्‍ल क्‍येङा सक्ति पाइश्‍शो परमप्रभु नङ। गे, गो नु बाक्‍शा, ठीक पाइब दुमो। उत्‍पत्ती ३५:११; प्रस्‍थान ६:३; ब्‍यवस्‍था १०:१२

उत्पत्ती 6:9

नोआह आ तौ सां बाक्‍मा बाक्‍त। नोआह शुश रिम्‍शो मुर बाक्‍माक्‍त। मुर नेल्‍लेमी “ठीक पाइब दोस मताइब मुर बाक्‍ब” दे तुइक्‍तमे बाक्‍त। नोआह परमप्रभु नु गाक्बाक्‍माक्‍त। उत्‍पत्ती ५:२२

उत्पत्ती 7:1

मिनु परमप्रभु यावेमी नोआह कली “गे नु इ खिं ङा मुर नेल्‍ल शी के ठेयब डोंगामी ओव़ङीन। मारदे हना एको पाला ङा मुर आन दातेमी गे का ला ठीक पाइब बाक्‍नेवे। उत्‍पत्ती ६:८

१ राजा 15:5

मारदे हना दाऊदमी परमप्रभु यावे आ ङोंइती ठीक पशो बाक्‍माक्‍त। मेको परमप्रभु यावे आ देंशो रे एर ओंथ मपवा बाक्‍त। मेकोमी हित्ती उरीयाह कली मरिम्‍शो पशो ङा लाक्‍शा अरु मारेइ मरिम्‍शो मपवा बाक्‍त। २सामुएल ११:-; २सामुएल १२:९

१ राजा 9:4

मिनु गे चहिं ब्रेम्‍शो दुम्‍शा, इ आफ दाऊद खोदेंशो पा आं ङोंइती गेना हना यो रिम्‍शो पाइब नु रिम्‍शो थुं पाइश्‍शो दुम्‍ते हना, आं इ कली शेंशो नेल्‍ल पना पन, आं फुल्‍लुम मुशा ब्रेक्‍शो लोव़ नु आं निसाफ पतीक लोव़ नेल्‍ल पाप्‍तीवी हना,

२ राजा 20:3

मेकोमी “परमप्रभु यावे, गो इन ङोंइती रिम्‍शो पा बाक्‍ती। गो इन कली गेनायो मप्रोंइथु आं थुं नेल्‍लेमी इन नोले खोइक्‍ता। इन ङोंइती मार रिम्‍शो बाक्‍मे, मेको पाता, मेको मिम्‍तीन” दे आ थुं खाइश्‍शा ङाक्‍माक्‍त।

२ इतिहास 17:4

तन्‍न मेको परमप्रभु यावे, आ आफ आ परमप्रभु आ नोले खोदा बाक्‍त। मिनु मेको आ शेंशो पवा बाक्‍त। मेको इस्राएल ङा पिप आन लांम मगाक्‍माक्‍त।

अय्‍युब 1:1

साइ नेसी ऊज रागीमी अय्‍युब नें पाइश्‍शो मुर का बाक्‍माक्‍‍त। मेको ब्रोंइम सम्‍म दोस मतथु नु रिम्‍शो थुं पाइश्‍शो दुम्‍शा बाक्‍चा माल्‍ब मुर बाक्‍माक्‍त। मेको परमप्रभु कली मान पा हिंशा मरिम्‍शो पतीक रे ङोन बाक्‍ब मुर बाक्‍माक्‍‍त। येरमीया २५:२०; बिलाप ४:२१; इजीकीएल १४:२४,२०; याकूब ५:११

अय्‍युब 1:8

मिनु परमप्रभु यावेमी सैतान कली “गे आं गेय पाइब अय्‍युब कली तवी? परमप्रभु कली मान पा हिंब, मरिम्‍शो पतीक रे ङोन बाक्‍ब, रागीम मेको खोदेंशो पा पाप मपाइब नु ब्रेम्‍शो मुर अरु सुइ मबाक्‍नीम” दे मदा बाक्‍त।

अय्‍युब 9:2

“गो एको थमा बाक्‍ब, दे तुइक्‍नुङ। तन्‍न परमप्रभु आ ङोंइती बेक्‍शा लाइब मुर दोपा ठीक बाक्‍ने चाप्‍बा ङा? अय्‍युब ४०:३-५; भजन संग्रह १४३:२

भजन संग्रह 119:6

गो इन शेंतीके नेल्‍ले होस पा पशो नङ हना, मुने मदोक्‍ङ वा।

लूका 1:7

मेको निक्‍शी खाल्‍पी खाल्‍पा दुम्‍‍शो बाक्‍ताक्‍स हना यो, आल मथिशो बाक्‍सा बाक्‍त। मारदे हना एलीशीबा आल मथीब मीश मुर बाक्‍माक्‍त।

लूका 16:15

मिनु येसुमी “मुर आन कली ‘गो ठीक नकी’ देंखु पा कोंइनीनी। मिनु मुरपुकीमी इन कली ठेयब सेल्‍नीम। परमप्रभु यावेमी चहिं इन मिम्‍शो नेल्‍ल तुइक्‍ब। मुर आन दातेमी हिक्‍सीशो नेल्‍ले परमप्रभु यावे आ ङोंइती थम आइक्‍च दुम्‍नीम। लूका १८:९-१४

लूका 2:25

यरूसलेममी सिमियोन माइश्‍शो मुर का बाक्‍माक्‍त। मेको ठीक पाइब नु परमप्रभु यावे कली मान पा हिंब बाक्‍माक्‍त। परमप्रभु यावे आ सोक्‍तीम ब्रीशा “परमप्रभु यावेमी इस्राएल ङा मुर आन कली पाप रे प्रोंइब का सोइक्‍ब” दे लां कोव़शा बाक्‍शो बाक्‍माक्‍त। उत्‍पत्ती ४९:१८

प्रेरित 2:25

मिनु पिप दाऊदमी येसु आ पर्बम ‘प्रभु गेना हना यो आं ग्‍युरा गे बाक्‍ब, दे तुइश्‍शा महिंनुङ। भजन संग्रह १६:८-११

प्रेरित 23:1

मिनु पावल मेको आन ङोंइती राप्‍शा, आन कली मिक्‍च मयाक्‍थु कोव़शा, “आं लोक्‍बपुकी, गो साइ रे मुल सम्‍म आं तुइश्‍शो जोक्‍शो रिम्‍शो ला पाता। एको लोव़ थमा बाक्‍ब, दे परमप्रभुमी तुइक्‍ब” देंमेनु, प्रेरित २४:१६

प्रेरित 24:16

मोपतीके गो परमप्रभु यावे नु मुर आन ङोंइती रिम्‍शो पाइनुङ, दे आं थुं फ्रेंशा बाक्‍नुङ। प्रेरित २३:१

प्रेरित 8:21

गे मेको गेय पने मचाप्‍नेवे। मारदे हना इ थुं परमप्रभु यावे आ ङोंइती मरिम्‍शो बाक्‍ब।

रोमी 8:4

मिनु परमप्रभु यावे आ ठीक पतीक लोव़ काप्‍चा कली ख्रीस्‍त सजाइ जपाइश्‍शा, बेक्‍चा गेप्‍तु। मोपा येसु आ पशोमी गो निसाफ ताइतय। परमप्रभु यावे आ सोक्‍त रे पा ब्रोंइशा बाक्‍नय। गो रागी ङा मुर खोदेंशो मबाक्‍नय। गलाती ५:१६,२५

१ कोरिन्‍थी 11:2

इन कली शेंशो लोव़ का यो मप्रेंथु, टिशा बाक्‍तीनी दे तुइक्‍ताक्‍ङ। मिनु गे आ शेंशो नेल्‍ल पाइतीनी।

२ कोरिन्‍थी 1:12

गो आंइ नें बोरपा बाक्‍नीकी। मारदे हना परमप्रभु यावेमी सक्ति गेतीकी। मिनु मेको आन मुर दुम्‍शा, मुर नेल्‍ल आन कुल, इन कुल यो रिम्‍शो थुं रे पा गेय कोंइताक्‍क। आंम आंइ रागी ङा जोक्‍तीक तुइक्‍तीक रे ममाइ। तन्‍न परमप्रभु यावे आ शिशीम पतीके बाक्‍ब। २कोरिन्‍थी २:१७; हिब्रू १३:१८; १कोरिन्‍थी १:१७

ब्‍यवस्‍था 5:33

परमप्रभु यावे, इन परमप्रभुमी इन कली कोंइशो लां ठीक पा गाक्‍कीन। मो पाइतीनी हना, गे ब्रोंइनीनी, इन कली रिम्‍शो दुम्‍ब नु इन के सेल्‍चा चिक्‍शो रागीम शुश नाक्‍ती ब्रोंइनीनी।

फिलिप्‍पी 2:15

मोपा दोस गेचा मपुंइसीब, परमप्रभु यावे आ रिम्‍शो आल दुम्‍नीनी। मरिम्‍शो नु दूली पाइब मुर आन दातेमी स्‍वर्ग ङा छेङछेङ खोदेंशो दुम्‍नीनी। फिलिप्‍पी १:१०; मत्ती ५:१४; एफिसी ५:८-९

कलस्‍सी 1:22

मुल येसु ख्रीस्‍तमी आ रां साइक्‍चा गेशा, इन कली परमप्रभु यावे आ मुर दुम्‍पाइक्‍तु। मोपा इन कली दोस मताइब, काइ हेंथे मपाइब, परमप्रभु यावे आ मुर सेल्‍शा, आ ङोंइती राप्‍पाइक्‍तु। एफिसी ५:२७

१ थिस्‍सलोनिकी 3:13

मोपा प्रभु येसु आ मुर नु जाक्‍ची ना इन थमा सुइक्‍तीक थुं बारपाइश्‍शा, दोस गेचा मपुंइसीब, इं आफ परमप्रभु यावे आ ङोंइती रिम्‍शो सेलल। १कोरिन्‍थी १:८; फिलिप्‍पी १:१०

२ पत्रुस 3:14

आं दाक्‍शो लोक्‍बपुकी, मोदेंशो रिम्‍शा, गल्‍ती मपाइब नु दोस मताइब दुम्‍चा कली शुश गेय पने। परमप्रभु यावेमी इन कली मोदेंशो पशो नु थुं नाइश्‍शा बाक्‍शो ग्रुम्‍चा दाक्‍ब। १कोरिन्‍थी १:७-८

१ यूहन्‍ना 2:29

“येसु ख्रीस्‍त नेल्‍ल ठीक पाइब बाक्‍ब” दे तुइक्‍ताक्‍नी हना, सु सुम ठीक पाइनीमी, मेको नेल्‍ल परमप्रभु आ आलपुकी नमी, दे तुइक्‍नीनी। १यूहन्‍ना ३:७-१०

१ यूहन्‍ना 2:3

मिनु गोपुकी येसु ख्रीस्‍त आ मुर दुम्‍शो, दोपा तुइक्‍नय देंशा हना, परमप्रभु यावे आ अरेशो लोव़ पना पन बाक्‍तीके येसु ख्रीस्‍त कली थमा पा तुइक्‍नय।

१ यूहन्‍ना 3:7

आं आइक्‍च आलपुकी, दूली लोव़ शेंब आन लोव़ मनेनीन। सुम ठीक गेय पाइबा, मेको मुर यो येसु ख्रीस्‍त खोदेंशो पा ठीक पाइब बाक्‍ब। १यूहन्‍ना २:२९