लूका 1:35 - Sunuwar Bible

³⁵ “परमप्रभु यावे आ सोक्‍तीमी इ कली सुम्‍ब। मिनु नेल्‍ल क्‍येङा ठेयब आ सक्ति ताइनेवे। मोपतीके इ आल परमप्रभु यावे के बाक्‍ब। मेको कली परमप्रभु यावे आ तौ देंनीम। मत्ती १:१८-२०

लूका 1:35 ပူးပေါင်းရင်းမြစ်များ

अय्‍युब 14:4

सुमी ग्रांग्रा दिशो रे ग्रांग्रा मदिशो सेल्‍ने चाप्‍बा? सुइमी मचाप्‍ब।

अय्‍युब 15:16

मेको आन क्‍येङा ग्रांग्रा दिशो नु खराप दुम्‍शो कली दोपा थमा सुइक्‍बा ङा? मेकोमी मरिम्‍शो पतीक ब्‍वाक्‍कु तूशो खोदेंशो पा तूब कली दोपा थमा सुइक्‍बा ङा?

अय्‍युब 25:4

बेक्‍शा लाइब मुर दोपा परमप्रभु आ ङोंइती ठीक पाइब दुम्‍ने चाप्‍नीमी ङा? मीश मुर रे जरमेशो मुर दोपा ग्रांग्रा मदिचा ङा दुम्‍ने चाप्‍नीमी ङा? अय्‍युब ९:२; भजन संग्रह १४३:२

भजन संग्रह 2:7

परमप्रभु यावेमी लोव़ पा आं कली “गे आं तौ नवे, मुलाक्‍ती गो इ कली सेल्‍ता” देंत। भजन संग्रह ८९:२७-२८; २सामुएल ७:१४; प्रेरित १३:३३; हिब्रू १:५, हिब्रू १:५; हिब्रू ५:५

भजन संग्रह 51:5

थमा पा, गो जरमेसी ङा रेन मरिम्‍शो पाइब बाक्‍ती। आं ममा आ कोव़जम जोल्‍ङा रेन मरिम्‍शो पाइब बाक्‍ती। रोमी ३:४; यूहन्‍ना ३:६

मत्ती 1:18

येसु ख्रीस्‍त जरमेचा कली दोदेंशो दुम्‍माक्‍त देंशा हना, मरीयम योसेफ कली गेशा लोव़ ख्रोइक्‍ने थुम्‍शो बाक्‍माक्‍त। मिनु योसेफमी मरीयम कली ग्‍युंबे पा आ खिं लाइक्‍चा क्‍येङा ङोंइती मरीयम आल कुरशो बाक्‍माक्‍त। मेको आल चहिं मुर आ आल ममाइ। परमप्रभु यावे आ सोक्‍त रे पा दुम्‍शो बाक्‍माक्‍त। लूका १:३५

मत्ती 1:20

मिनु “गो प्रोंइचा दुम्‍ती” दे मिम्‍ना मिम्‍न बाक्‍मेनु, काबु ङोमु तवा बाक्‍त। मिनु ङोमु तवानु, परमप्रभु यावे आ स्‍वर्ग ङा गेय पाइबमी “दाऊद आ तौ योसेफ नेनो। मरीयम कली प्रोंइनुङ, दे ममिम्‍तो। महिंथु इ खिं लाइश्‍शा वोंइसो। आ कोव़जम बाक्‍शो चहिं परमप्रभु यावे आ सोक्‍त के बाक्‍त।

मत्ती 14:33

डोंगाम बाक्‍बपुकीम येसु आ ङोंइती बाप्‍शा “थमान, परमप्रभु यावे आ तौ बाक्‍नी बाक्‍त” देंशा सेउ पाम्‍तेक्‍म। मत्ती १६:१६; यूहन्‍ना १:४९

मत्ती 27:54

येसु कली खाल पाइब कप्‍तान नु सिपाहीपुकीमी ख्रिनु कुशा नु मोपा हिंचा ङा गेय दुम्‍शो तशा, शुश हिंशा “एको परमप्रभु यावे आ तौ बाक्‍माक्‍त” देंमुमा बाक्‍त।

मत्ती 4:3

मिनु सैतानमी येसु कली “मार, गे परमप्रभु यावे आ तौ नवे हना, एको फुल्‍लु आन कली शोब्‍ले दुमीन देंशा शोब्‍ले सेलो” देंमाक्‍त। उत्‍पत्ती ३:१-७

मर्कूस 1:1

एको परमप्रभु यावे आ तौ येसु ख्रीस्‍त आ पर्बम ब्रेक्‍शो ग्‍येरपाइक्‍ब लोव़ बाक्‍ब। मेको लोव़ दोदेंशो पा गोइब देंशा हना,

मर्कूस 1:24

मिनु मेको वाइ ब्रेश्‍शा “ए नासरथ ङा येसु, मार पमुया ङा? आंइ कली खतम पोक्‍थ जाक्‍नी? गो इन कली तुइक्‍नीकी। गे परमप्रभु यावे आ योव़शो ननी” देंमा बाक्‍त। मर्कूस ५:७

लूका 1:27

मेकेर मरीयम नें पाइश्‍शो मीश आल का बाक्‍माक्‍त। मरीयम दाऊद आ थर ङा योसेफ माइश्‍शो वोंइश मुर नु ग्‍युंबे पचशो बाक्‍माक्‍त। मत्ती १:१६-१८

लूका 1:34

मरीयममी मेको लोव़ नेंशा “गो मुल सम्‍म ग्‍युंबे मपशो बाक्‍नुङ। गो वोंइश मुर नु मइम्‍ङ। इन देंशो दोपा दुम्‍ने चाप्‍बा ङा?” दे हिल्‍लो पवानु

लूका 1:36

इ थर ङा एलीशीबा कली यो मार दुम्‍त देंशा हना, आल मथीब खाल्‍पी बाक्‍त हना यो, मुल कोव़ज कुरशो ६ महिना दुम्‍त।

यूहन्‍ना 1:34

मिनु गो मेको नेल्‍ल ताता। परमप्रभु यावे आ तौ मेकोन बाक्‍ब, दे तुइश्‍शा, इन कली तुइक्‍पाइक्‍तन्‍नी” दे यूहन्‍नामी देंत।

यूहन्‍ना 1:49

मिनु नथानेलमी “शेंब, गे परमप्रभु यावे आ तौ ननी। गे इस्राएल ङा मुर आन पिप ननी” देंत। यूहन्‍ना ६:६९; भजन संग्रह २:७; येरमीया २३:५; मत्ती १४:३३; मत्ती १६:१६

यूहन्‍ना 20:31

मिनु मेको ब्रेक्‍शो छक लाक्‍चा ङा गेयपुकी मारदे ब्रेक्‍शो बाक्‍नीम देंशा हना, गेपुकीमी “येसु ख्रीस्‍त, परमप्रभु यावे आ तौ बाक्‍ब” दे थमा सुइक्‍ने चापीन। मिनु थमा सुइश्‍शा, आ नेंमी गेना हना यो ब्रोंइशा बाक्‍चा ताइनीनी, दे ब्रेक्‍शो बाक्‍ब। १यूहन्‍ना ५:१३

प्रेरित 8:36

मोपा लसा लसा ब्‍वाक्‍कु बाक्‍तीकेमी जाक्‍दीस्‍सा बाक्‍त। मिनु ठेयब मुरुमी “एकेर ब्‍वाक्‍कु बाक्‍त, एको ब्‍वाक्‍कुम ख्रुम्‍शा ग्रुंइचा पुंइसीनुङ, दुम्‍बा?” देंमाक्‍त।

रोमी 1:4

तन्‍न मुर ला ममाइ। परमप्रभु यावे आ तौ यो बाक्‍ब। “आं तौ बाक्‍ब” दे तुइक्‍पाइक्‍चा कली परमप्रभु यावेमी आ सोक्‍त आ सक्तिम येसु ख्रीस्‍त कली बेक्‍शो रे सेंताक्‍व। मत्ती २८:१८; प्रेरित १३:३३

गलाती 2:20

तन्‍न गो मब्रोंइनुङ। ख्रीस्‍त आं आगामी ब्रोंइब। तन्‍न आं मुल ब्रोंइतीके गो परमप्रभु यावे आ तौ कली थमा सुइश्‍शा ब्रोंइनुङ। मेकोमी आं कली शुश दाक्‍शा, आं पशो पाप आ पर्बम साइक्‍चा पुंइसाक्‍व। यूहन्‍ना १७:२३; प्रेरित १:४

एफिसी 2:3

मिनु ङोंइती गो नेल्‍ल मोदेंशो रागी ङा मुर बाक्‍तय। गोपुकी यो मार दाक्‍तय, मेकोन पाइतय। इं रां नु थुंमी मार दाक्‍ता, मेकोन पाइतय। मोपतीके गोपुकी यो अरु मुर खोदेंशो पा गाइक्‍ब आ आल दुम्‍‍तय। १पत्रुस ४:३; कलस्‍सी ३:६

हिब्रू 4:15

मारदे हना इं नेल्‍ल क्‍येङा ठेयब चढ़ेबमी इं चाप्‍तीक नु मचाप्‍तीक दोदेंशो बाक्‍बा, नेल्‍ल तुइक्‍ब। गोपुकी इं थुं थाम्‍चा पुंइसीशो खोदेंशो पा, आ यो थुं थाम्‍चा पुंइसाक्‍व। तन्‍न थुं थाम्‍चा पुंइसाक्‍व हना यो, पाप मपव। हिब्रू २:१८; यूहन्‍ना ८:४६